Hamilton ó­sáttur eftir „frekar hræði­lega“ keppni í Japan

Hamilton var í góðum málum í 3. sæti keppninnar en datt svo niður í 6. sætið.

„Þetta var frekar hræðilegt því ég var í 3. sætinu en dróst aftur úr. Ég þarf að komast að því hvar ég tapaði öllum kraftinum,“ sagði Hamilton eftir kappaksturinn á Suzuka-brautinni.

„Mig vantaði kraft, sérstaklega seinni hlutann, en einnig í byrjun. Þá hélt ég ekki í við aðra vegna skorts á krafti. Ég skil þetta ekki. Ég var með fullan tank og stjórnaði því sem mér var sagt að stjórna en af einhverjum ástæðum vantaði kraft. Ég þarf að finna út hvort það er eitthvað að bílnum eða ekki. En samt náðum við í nokkur stig.“

Hamilton fékk átta stig fyrir að enda í 6. sæti í japanska kappakstrinum og er í 4. sæti í keppni ökuþóra með 41 stig, átta stigum á eftir samherja sínum hjá Ferrari, Charles Leclerc.

Ferrari er í 2. sæti í keppni bílasmiða með níutíu stig. Mercedes er á toppnum með 135 stig.