Viðskipti erlent

Norð­menn lækka á­lögur á elds­neyti til að létta undir með lands­mönnum

Gunnar Reynir Valþórsson skrifar
Norðmenn fá afslátt frá ríkinu af bensínverðinu fram á haust.
Norðmenn fá afslátt frá ríkinu af bensínverðinu fram á haust. Jakub Porzycki/NurPhoto via Getty Images

Norska ríkisstjórnin hefur ákveðið að lækka álögur og skatta á eldsneyti frá og með 1. apríl næstkomandi til þess að létta undir með landsmönnum. Olíuverð er nú í hæstu hæðum vegna stríðsins í Íran og verð á hráolíu er komið yfir 116 dollara á tunnuna.

Ákvörðunin er tímabundin og rennur út þann 1. september næstkomandi þegar gjöldin munu leggast á að nýju. Talið er að norski ríkiskassinn verði af rúmum þremur milljörðum norskra króna vegna þessa en gert er ráð fyrir að bensínlítrinn lækki um 56 krónur íslenskar og dísillinn um 36 krónur.

Með þessu feta Norðmenn slóð Svía sem kynntu svipaðar aðgerðir á dögunum og Pólverja sem lækkuðu virðisaukaskatt á eldsneyti til að draga úr áhrifum þessa ástandsins.

Íran Árásir Bandaríkjanna og Ísraels á Íran Bandaríkin Noregur Neytendur


Mest lesið


Fleiri fréttir

Sjá meira


×

Mest lesið