Norður­ál getur keypt meiri orku af Lands­virkjun

Norðurál getur keypt allt að 250 megavött árlega af Landsvirkjun með samningnunm sem tekur gildi á næsta ári og rennur út eftir árið 2033. Síðustu ári hefur álverið getað keypt allt að tvö hundruð megavött sem er ríflega þriðjungur af orkuþörf þess.

Aukningin er háð því að aðstæður í orkukerfi Landsvirkjunar leyfi ríkisorkufyrirtækinu að selja meira til álversins. Í sameiginlegri tilkynningu fyrirtækjanna tveggja kemur fram að samningurinn eigi að styrkja rekstrargrundvöll álversins á næstu árum.

Álver Norðuráls á Grundartanga hefur verið rekið á þriðjungsafköstum frá því að bilun varð í spenni í annarri af tveimur kerlínum þess í október. Upphaflega töldu stjórnendur versins að það gæti tekið allt að ár að koma rekstrinum í fyrra horf en í síðasta mánuði var greint frá því að stefnt væri að fullum afköstum í lok júlí.