Handbolti

Haukur þriðji tíu marka maður Ís­lands í þýsku deildinni í dag

Óskar Ófeigur Jónsson skrifar
Haukur Þrastarson þurfti bara þrettán skot til að skora tíu mörk í þriggja marka sigri Löwen í kvöld.
Haukur Þrastarson þurfti bara þrettán skot til að skora tíu mörk í þriggja marka sigri Löwen í kvöld. EPA/Cornelius Poppe

Íslensku landsliðsmennirnir í handbolta létu heldur betur til sín taka í þýsku Bundesligunni í handbolta í dag og sá síðasti til að blómstra var Haukur Þrastarson.

Haukur fór mikinn þegar Rhein-Neckar Löwen vann þriggja marka heimasigur á Bergischer HC, 28-25.

Haukur skoraði tíu mörk og gaf fimm stoðsendingar í leiknum. Hann skoraði sjö marka sinna af vítalínunni en þurfti bara þrettán skot til að skora þessi tíu mörk.

Haukur skoraði þremur mörkum meira en næsti maður hjá Löwen og gaf einnig fjórar stoðsendingar meira en næsti maður hjá hans liði. Hann var hæstur í bæði markaskorun og stoðsendingum hjá báðum liðum.

Fyrr í dag hafði Viggó Kristjánsson skorað sextán mörk í sigri Erlangen og Ómar Ingi Magnússon skorað tólf mörk í sigri Magdeburg. Gísli Þorgeir Kristjánsson kom svo að tólf mörkum fyrir Magdeburg og þetta var því frábær dagur fyrir íslenska handboltamenn í bestu deild í heimi.

Þýski handboltinn

Mest lesið


Fleiri fréttir

Sjá meira


×

Mest lesið