Innlent

Rúta lenti utan vegar

Eiður Þór Árnason skrifar
Rútan er nálægt Litlu kaffistofunni.
Rútan er nálægt Litlu kaffistofunni. aðsend

Rúta á vegum Reykjavík Excursions sem var á leið til Reykjavíkur lenti utan vegar nærri Litlu kaffistofunni síðdegis í dag. Engum varð meint af og er búið að ferja farþega rútunnar í borgina. Þetta segir Björn Ragnarsson, forstjóri fyrirtækisins, sem lýsir erfiðum akstursskilyrðum á svæðinu.

53 einstaklingar voru um borð, að sögn lögreglunnar á höfuðborgarsvæðinu, en rútan er staðsett vestanmegin við umdæmismörk lögreglunnar á Suðurlandi. Þá hafi enginn verið slasaður.

Draga rútuna upp

Björn segir að rútan sé nýleg og búin góðum dekkjakosti en vindstrengur liggi reglulega rétt fyrir neðan húsið sem áður hýsti Litlu kaffistofuna. Hálka og slæm færð sé á veginum. Atvikið hafi átt sér stað einhvern tímann um fjögurleytið í dag.

Hann bætir við að rútan hafi verið á leið til baka úr dagsferð og verði fljótlega dregin aftur upp á veg með aðstoð kranabíla. 

„Þetta skapaði ekki hættu en það þarf tæki til að ná henni upp. Akstursaðstæður eru erfiðar þegar það fór allt í einu að snjóa, það er bleyta í þessu og svo þessi vindstrengur þarna,“ segir Björn.

Fréttin hefur verið uppfærð.

Ferðaþjónusta Umferð Veður

Tengdar fréttir

Hvetja fólk til að fara fyrr heim vegna veðurs

Ofankoma er mikil þessa stundina á höfuðborgarsvæðinu og þau sem hafa tök á því eru hvött til að fara fyrr heim úr vinnu. Gul veðurviðvörun er í gildi og töluverðar seinkanir eru á strætó.

Mest lesið


Fleiri fréttir

Sjá meira


×

Mest lesið