Selja sérbakaðar bollur í útivistarvöruverslun

Hugmyndin er ekki alveg ný af nálinni en nokkur dæmi eru um verslanir og veitingastaði sem starfa í sama rými hér á landi.

Þessi tilteknu fyrirtæki eru þó að stíga nýtt skref en samkvæmt Einari er þeirra von að prófa nýja nálgun. Viðskiptavinir eiga að geta slegið tvær flugur í einu höggi með því að sameina kaffihúsastund og verslunarferð í sömu heimsókn.

Brikk opnaði sitt fyrsta útibú í Hafnarfirði sumarið 2017 en síðan þá hefur keðjan vaxið. Frá og með opnuninni í dag eru þau fimm talsins. Zo-on er heldur eldra fyrirtæki en það var stofnað af þeim Jóni Erlendssyni og Martti Kellokumpu árið 1994.

„Við erum stöðugt að leita leiða til að koma vörunum okkar nær fólki og skapa notalega upplifun í leiðinni. Samstarfið við Zo-on er skemmtilegt dæmi um það hvernig tvö íslensk vörumerki geta unnið saman og boðið upp á eitthvað nýtt,“ segir Einar Benediktsson framkvæmdastjóri Brikk.

Í tilkynningunni kemur fram að gestir njóti góðs af tímasetningu opnunarinnar. Útibúið opnar í tæka tíð fyrir bolludagshelgina en á sunnudag og mánudag verður boðið upp á sérbakaðar bollur.