Fann­ey tekur við af Erni hjá Lex

Í tilkynningu segir að hún taki við starfinu af Erni Gunnarssyni sem nýverið hafi látið af störfum hjá félaginu eftir fimmtán ára starf.

Fanney hefur starfað hjá Lex síðan 2011, þar af sem eigandi frá árinu 2020 og sinnir einkum ráðgjöf varðandi kaup og sölu á fyrirtækjum, fjármögnun fyrirtækja og á sviði félagaréttar.

Haft er eftir Fanneyju að hún sé þakklát fyrir traustið sem stjórn og meðeigendur hafi sýnt sér og segist hún hlakka til að takast á við verkefnið. „Hjá LEX starfar öflugur og samstilltur hópur með mikla faglega breidd og ég er virkilega spennt fyrir því að móta áherslur næstu ára með það að leiðarljósi að halda áfram að veita okkar viðskiptavinum framúrskarandi lögmannsþjónustu.“

Lex lögmannsstofa er ein stærsta og elsta lögmannsstofa landsins, en stofan á rætur að rekja til ársins 1959. Á stofunni starfa rúmlega 50 manns og veitir stofan ráðgjöf á nær öllum réttarsviðum.