Á­fall að dóttirin ætti 44 árum eldri kærasta

Simmons ræddi þetta opinskátt í hlaðvarpinu Not skinny but not fat á dögunum. 

Hún og fyrrum eiginmaður hennar Russell Simmons eiga saman dótturina Aoki Lee Simmons en Aoki átti í stuttu ástarsambandi við veitingastaðaeigandann Vittorio Assaf í fyrra. Assaf er 67 ára gamall og aldursmunurinn hressilegur. 

Þessi áhyggjufulla móðir segist hafa komist að sambandinu í gegnum fjölmiðla á sama tíma og margir aðrir. 

„Ég komst að þessu þegar heimurinn komst að þessu. Þannig það var rosalega sjokkerandi. 

Og þar sem ég hef farið í gegnum örlítið svipaðar aðstæður, verið með mikið eldri manni en samt alls ekki á þessu kaliberi, þá get ég sagt að mér finnst þetta svolítið predator-legt,“ sagði Kimora Lee Simmons hreint út. 

Hún segist guðslifandi fegin að sambandið hafi staðið yfir í „einungis augnablik“ en segir sömuleiðis mikilvægt að börn hennar fái að gera sín eigin mistök án þess að hún eða umheimurinn stýri þeim.