Viðskipti innlent

Upp­sagnir hjá Morgun­blaðinu

Kolbeinn Tumi Daðason skrifar
Höfuðstöðvar Morgunblaðsins í Hádegismóum.
Höfuðstöðvar Morgunblaðsins í Hádegismóum. Vísir/Egill

Þremur blaðamönnum var sagt upp störfum hjá Morgunblaðinu og Mbl.is fyrir mánaðamót. Ríkisútvarpið greinir frá uppsögnunum en meðal þeirra sem missa vinnuna er fréttamaður með tveggja áratuga reynslu í starfi.

Samkvæmt heimildum fréttastofu er um að ræða einn reynslubolta á fréttadeild sem sinnt hefur skrifum um menningu um árabil og svo blaðamenn sem starfað hafa í skemmri tíma á íþróttadeild og Smartlandinu.

Töluverð fækkun hefur orðið meðal blaðamanna hér á landi undanfarin ár. Stærsti bitinn var vafalítið gjaldþrot Fréttablaðsins árið 2023 þegar um hundrað manns misstu vinnuna á einu bretti. Á sama tíma hefur fjölgað mjög hjá fólki sem sinnir störfum upplýsingafulltrúa og annars konar hagsmunagæslu hjá hinum ýmsu fyrirtækjum og stofnunum.

Fjölmiðlar Vistaskipti Vinnumarkaður


Mest lesið


Fleiri fréttir

Sjá meira


×

Mest lesið