Meira harpix á milli Ís­lands, Fær­eyja og Græn­lands

Í tilkynningu HSÍ segir að viljayfirlýsingin nái til næstu tveggja ára, með möguleika á framlengingu, og er ætlunin að efla handbolta í löndunum í gegnum samvinnu, miðlun þekkingar og með gagnkvæmum stuðningi. 

Saman hyggjast samböndin þrjú stuðla að enn betri þróun leikmanna, styrkingu innviða og sköpun dýrmætrar reynslu fyrir leikmenn beggja kynja af öllum aldri.

HSÍ segir að samstarfið muni meðal annars fela í sér:

• Sameiginlegar æfingabúðir og vináttuleiki milli landsliða og ungmennaliða.
• Eflingu menntunar þjálfara, dómara og stjórnenda innan hreyfingarinnar.
• Þróun innviða handboltans og hæfileikamótun ungra leikmanna.
• Samræmda þátttöku í alþjóðlegum handboltaviðburðum og mótum.

Eins og fyrr segir mættust Ísland og Færeyjar í undankeppni EM kvenna í gær, þar sem Færeyingar höfðu betur. U20-kvennalandslið Íslands og Grænlands mætast svo í vináttulandsleik í Safamýri klukkan 19:30 í kvöld.