Sjónvarpsapp Sýnar að­gengi­legt í Samsung sjón­vörpum

„Við hjá Sýn erum gríðarlega spennt að kynna sjónvarpsappið í Samsung-sjónvörpum. Viðskiptavinir geta nú notið alls vinsælasta sjónvarpsefnis á Íslandi í nýju og uppfærðu viðmóti, beint í sjónvarpinu sínu,“ segir Arnór Fannar Theodórsson, vörustjóri hjá Sýn.

Arnór bendir á að þetta sé fyrsta útgáfan af nýju og endurbættu viðmóti frá Sýn. „Þetta er aðeins fyrsta skrefið í átt að enn betri sjónvarpsupplifun. Með þessu getum við fljótt og örugglega komið með nýjungar sem bæta þjónustuna fyrir okkar viðskiptavini.“

Nýtt og notendavænna viðmót

Nýja sjónvarpsappið frá Sýn er nú fáanlegt í Samsung-sjónvörpum frá árgerð 2020 til 2025. Með glænýju og fersku viðmóti tekur Sýn fyrsta skrefið í að innleiða nútímalegri og enn notendavænni sjónvarpsupplifun.

„Við erum spennt að kynna nýtt útlit og uppfærða upplifun fyrir viðskiptavini okkar. Þetta er aðeins byrjunin en við munum uppfæra öll okkar öpp og myndlykla í haust – við erum stöðugt að þróa þjónustuna og hlustum á ábendingar viðskiptavina svo við getum gert hana enn betri,“ segir Arnór.

Hægt er að nálgast frekari upplýsingar um SÝN Sjónvarps appið í Samsung sjónvörpum hér.