Bað sjálfur um frí og vill fara frá Newcastle

Þetta hefur David Ornstein hjá The Athletic eftir heimildum. Fyrr í dag var greint frá því að Isak færi ekki með í æfingaferðina en Newcastle sagði ástæðuna vera meiðsli.

Isak hefur verið orðaður við brottför frá félaginu í allt sumar. Hann hefur helst verið orðaður við Liverpool, sem festi kaup á franska framherjanum Hugo Ekitike fyrr í vikunni en er enn sagt áhugasamt um Isak.

Liverpool er sagt tilbúið að leggja fram 120 milljónir punda til að klófesta Isak en Newcastle hefur ítrekað sagt að hann sé ekki til sölu.

Samningur Isak við Newcastle gildir til næstu þriggja ára, félagið hefur reynt að framlengja við hann samninginn en Isak hefur ekki viljað skrifa undir.