Vrkić í Hauka

Vrkić þekkir íslenskan körfubolta vel en hann lék með Breiðablik á síðasta tímabili og hafði áður verið á mála hjá Tindastólsmönnum og Grindavík í efstu deild.

Leikmaðurinn er yfir tveir metrar á hæð, 37 ára og frá Króatíu. Hann hefur leikið á Spáni og í Grikklandi og þar með liðum sem hafa tekið þátt í Euroleague og Eurocup.

„Ég er mjög ánægður að hafa gert samning við Hauka og hlakka til að spila þeim í uppáhalds salnum mínum á Íslandi. Strákarnir í liðinu hafa tekið mér mjög vel og ég finn strax fyrir góðum anda í liðinu sem og hæfileikum,“ segir Virkic í tilkynningu frá Haukum.

Pétur Ingvarsson tók við liðinu á dögunum og hefur hann þetta um leikmanninn að segja.

„Zoran er þekkt stærð í körfuboltaheiminum og ég er mjög ánægður að hafa náð honum til okkar. Hann hefur spilað á mjög háu stigi í Evrópu og mun því bæta hópinn á mikilvægum sviðum, bæði hvað varðar reynslu og hæð og fellur vel að mínum plönum með liðið.“

Haukar féllu úr Bónus-deild karla í vetur og leika því í 1. deildinni á þessu tímabili.