Botnlið Fjölnis með ó­væntan sigur á Þrótturum

Þróttarar byrjuðu leikinn vel, en fljótlega breyttist gangur leiksins og Fjölnismenn fóru að taka yfir. Það var svo á 32. mínútu sem Grafarvogsbúarnir skoruðu sitt fyrsta mark. Hilmar Elís Hilmarsson skoraði eftir hornspyrnu sem Reynir Haraldsson tók.

Aðeins tveimur mínútum síðar var staðan orðin 2-0. Bjarni Þór Hafstein skoraði eftir að hafa sloppið einn í gegn.

Í seinni hálfleik bættu svo Fjölnismenn bara við þar sem Rafael Máni Þrastarson skoraði á 54. mínútu eftir góða sókn hjá gestunum.

Loka mark Fjölnis kom svo á 60. mínútu þar sem markvörður Þróttara Þórhallur Ísak Guðmundsson varði skot út í teiginn, en Árni Steinn Sigursteinsson náði frákastinu og skoraði fyrir Fjölni.

18 mínútum eftir að hafa skorað mark fékk Árni síðan sitt annað gula spjald og þar með rautt. Tólf mínútur eftir af leiknum og Þróttarar einum færri, en of lítið eftir fyrir þá að komast aftur inn í leikinn.

Jakob Gunnar skoraði sárabótamark Fyrir Þróttara á 84. mínútu. Skalli eftir góða fyrirgjöf frá Eirík Þorsteinsson Blöndal.

Lokatölur 4-1 fyrir Fjölni sem nær í sinn fyrsta sigur á tímabilinu, afar óvænt úrslit.