Rus­sell aftur á rá­spól í Kanada: „Virki­lega á­nægður“

„Dagurinn í dag var frábær þökk sé þessum frábæru áhorfendum og að ég hafi náð á ráspól. Síðasti hringurinn var líklega einn spennuþrungnasti hringur ævi minnar.“

Russell sagði að hann hafi vitað að hann þyrfti að bæta sig í síðasta hring ætlaði hann sé að ná á ráspól.

„Ég vissi að ég þyrfti að gefa allt. Að koma í mark og sjá að við værum P1 kom á óvart svo ég er virkilega ánægður.“

„Við erum vinir svo það er allt í góðu. Ég er með örlítið fleiri stig á skírteininu mínu til að leika mér með svo við sjáum til,“ sagði Russell að endingu um Max Verstappen, ökumann Red Bull, sem ræsir annar á morgun, sunnudag.

„Almennt séð er ég ánægður. Mér fannst bíllinn virka vel en erfiðu ákvarðanirnar voru dekkin, held við höfum tekið réttar ákvarðanir,“ sagði Verstappen.

„Ég myndi alltaf velja P1 en þetta er fínt og við sjáum til hvað ég get gert á morgun,“ bætti hann við.