Innlent

For­setinn klyfjaður krossum til Dan­merkur

Jakob Bjarnar skrifar
Halla ásamt Birni Skúlasyni Forsetamanni og Friðrik X Danakongi sem hélt þeim mikla veislu í Kristjánsborgarhöll. Halla mætti ekki tómhent til leiks eins og getur um í stjórnartíðindum.
Halla ásamt Birni Skúlasyni Forsetamanni og Friðrik X Danakongi sem hélt þeim mikla veislu í Kristjánsborgarhöll. Halla mætti ekki tómhent til leiks eins og getur um í stjórnartíðindum. getty

Þegar Halla Tómasdóttir forseti Íslands fór til Danmerkur 8. nóvember 2024 í umtalaða heimsókn mætti hún ekki tómhent. Hún útbýtti stórkrossum, stórriddarakrossum, jafnvel með stjörnu, á báða bóga.

Þetta kemur fram í stjórnartíðindum. Þar er að finna lista yfir þá sem hlutu þessa náð af hálfu forsetanum sem hefur átt erfitt með að koma þessu að í dagskrá sinni; svo margir þóttu verðugir.

Ef listinn er skoðaður kemur í ljós að þetta eru ráðuneytisstjórar, hirðstjórar, siðameistarar, hljómsveitastjórar, kammerdömur og kammerherrar fengu stórkrossa og stórriddarakrossa með stjörnu vinstri hægri.

Ekki er það svo að forsetinn ákveði einn og sjálfur hverjir fá orðu. Sérstök orðunefnd ber einnig ábyrgð á því hverjum hlotnast fálkaorðan og þá er samningur milli nokkurra ríkja vegna heimsókna þjóðhöfðingja og eru orðuveitingar þeim tengdar að einhverju leyti ábyrgir fyrir orðuveitingunum. Þannig að Halla var ekki að veita til að mynda Søren Rønløv Nielsen, hljómsveitarstjóra í lúðrasveit konunglegu lífvarðarsveitarinnar, riddarakross bara upp úr þurru.

Rétt til áréttingar þá eru stig fálkaorðunnar eftirfarandi, í hækkandi virðingarröð:

Riddarakross

Stórriddarakross

Stórriddarakross með stjörnu

Stórkross

Keðja ásamt stórkrossstjörnu (einungis fyrir þjóðhöfðingja)

Þeir sem fengur orðu í heimsókn forsetans til Danmerkur 8. október 2024

  • Barbara Bober Bertelsen, ráðuneytisstjóri forsætisráðuneytis og ritari ríkisráðs, stórkross.
  • Christian Schønau, hirðstjóri og orðuritari, stórkross.
  • Erik Vilstrup Lorenzen sendiherra, stórkross.
  • Søren Gade þingforseti, stórkross.
  • Troels Lund Poulsen varnarmálaráðherra, stórkross.
  • Anders Friis siðameistari, stórriddarakross með stjörnu.
  • Anne Tønnes lögreglustjóri Kaupmannahafnar, stórriddarakross með stjörnu.
  • Jens Ole Rossen-Jørgensen, yfirmaður aðstoðarforingjaráðs konungs, ofursti, stórriddara­kross með stjörnu.
  • Jeppe Tranholm-Mikkelsen, ráðuneytisstjóri utanríkisráðuneytis og sendiherra, stórriddara­kross með stjörnu.
  • Anne Berg Mansfeld-Giese yfirlögfræðingur, forstöðumaður heiðursmerkjastofu, stór­riddara­kross.
  • Dan Folke Pedersen fjármálastjóri hirðarinnar, stórriddarakross.
  • Henriette Ellermann-Kingombe, einkaritari hennar hátignar drottningarinnar, stórriddara­kross.
  • Jørn Christensen yfirmaður lífvarðasveitarinnar, ofursti, stórriddarakross.
  • Lene Balleby samskiptastjóri, stórriddarakross.
  • Morten Roland Hansen, einkaritari hans hátignar konungsins, stórriddarakross.
  • Nathalie Feinberg, prótokollstjóri utanríkisráðuneytisins og sendiherra, stórriddarakross.
  • Pernille Flarup, starfsmanna- og rekstrarstjóri, stórriddarakross.
  • Anita Hallbye kammerdama, riddarakross.
  • Chris Møller Frandsen, yfirmaður heiðursfylgdar lífvarðasveitarinnar, riddarakross.
  • Peter Arnold Busk kammerherra, riddarakross.
  • Philip Bernhard Kornblit, liðsforingi og vaktstjóri í Amalienborg, riddarakross.
  • Søren P. Østergaard aðstoðarforingi, liðsforingi, riddarakross.
  • Søren Rønløv Nielsen, hljómsveitarstjóri í lúðrasveit konunglegu lífvarðarsveitarinnar, riddarakross.
  • Søren Thomas de Seréne d'Acqueria Jensen, liðsforingi og yfirmaður varðsveitar konungs, riddara­kross.
Fálkaorðan Forseti Íslands Halla Tómasdóttir Danmörk Íslendingar erlendis

Tengdar fréttir

Danakonungur sagður hafa daðrað við Þórdísi

Ástralski slúðurmiðillinn Now to Love segir Friðrik Danakonung hafa daðrað við Þórdísi Kolbrúnu R. Gylfadóttur, utanríkisráðherra Íslands, á kvöldverði til heiðurs Höllu Tómasdóttur, forseta Íslands, í byrjun mánaðar 

Þórdís slær á slúðursögurnar og þykir miður að fjallað sé um þær á Íslandi

Þórdís Kolbrún Reykfjörð Gylfadóttir utanríkisráðherra kannast ekki við daður Friðriks Danakonungs og segir dapurt að íslenskir fjölmiðlar geri sér mat úr frásögnum um það sem birtust í áströlskum slúðurmiðli. Ólafur Ragnar Grímsson fyrrverandi forseti Íslands veltir í nýútkominni bók fyrir sér hvort María Danadrottning hefði daðrað við hann í veislu í forsetatíð sinni.

Höllu fylgt um Kaupmannahöfn: „Er hún ekki vinsæl á Íslandi?“

Halla Tómasdóttir, forseti Íslands, fagnaði 56 ára afmæli í gær. Hún er nýkomin aftur heim úr sinni fyrstu opinberu heimsókn til Danmerkur þar sem öllu var til tjaldað. Heimsókn sem hún lýsir sjálf sem lærdómsríku ævintýri. Töluverður áhugi var fyrir heimsókninni í Danmörku og komust færri fjölmiðlar að en vildu á helstu viðburði.

Mikið um dýrðir í Íslandsboðinu í konungshöllinni

Mikið var um dýrðir á hátíðarkvöldverði sem haldinn var í Kristjánsborgarhöll í Kaupmannahöfn í kvöld, þar sem Halla Tómasdóttir forseti Íslands er stödd í sinni fyrstu opinberu heimsókn. Heimsóknin er einnig sú fyrsta í tíð Friðriks tíunda á konungsstóli. 

Mest lesið


Fleiri fréttir

Sjá meira


×

Mest lesið