Stjarnan réði ekki við hraðann á Sel­fossi

Stjarnan lét snemma eftir og missti Selfyssinga langt fram úr sér eftir aðeins tíu mínútna leik. Staðan breyttist þá úr 3-3 í 10-5 á aðeins sex mínútum og Selfyssingar héldu þriggja til fimm marka forystu það sem eftir lifði leiks.

Stjörnustelpur réðu einfaldlega ekki við hraðann í Selfyssingum, sem skoruðu heil tíu mörk úr hraðaupphlaupum eftir að gestirnir töpuðu boltanum.

Perla Ruth Albertsdóttir varð markahæst í sigurliði Selfoss, með átta mörk úr níu skotum. Harpa Valey Gylfadóttir og Katla María Magnúsdóttir fylgdu henni eftir með fimm mörk hver.

Hjá Stjörnunni voru Eva Björk Davíðsdóttir og Embla Steindórsdóttir markahæstar með sjö mörk hver.

Liðin eru í fjórða og fimmta sæti deildarinnar. Selfoss sæti ofar með þrettán stig, Stjarnan með tíu stig.