Körfubolti

Tryggvi í al­gjöru aðal­hlut­verki

Sindri Sverrisson skrifar
Tryggi Snær Hlinason er algjör lykilmaður í Bilbao rétt eins og í íslenska landsliðinu.
Tryggi Snær Hlinason er algjör lykilmaður í Bilbao rétt eins og í íslenska landsliðinu. vísir/Anton

Landsliðsmiðherjinn Tryggvi Snær Hlinason lagði langmest að mörkum fyrir lið Bilbao Basket í dag en liðið varð að sætta sig við tap gegn Lleida á útivelli, 84-66.

Staðan var 49-45 fyrir Lleida þegar tvær mínútur voru eftir af þriðja leikhluta en þá stungu heimamenn af með hreint ótrúlegum kafla þar sem þeir skoruðu 18 stig í röð og komust í 67-45. Bilbao gat aldrei brúað það bil og tapaði með 18 stiga mun.

Bilbao hefur því unnið þrjá af fyrstu ellefu leikjum sínum í spænsku deildinni en Lleida var að landa sínum fjórða sigri.

Tryggvi var eins og fyrr segir með langflest framlagsstig fyrir Bilbao eða 23, um tvöfalt fleiri en næsti maður. Hann skoraði níu stig, tók heil 12 fráköst og gaf eina stoðsendingu.

Spænski körfuboltinn

Mest lesið


Fleiri fréttir

Sjá meira


×

Mest lesið