Minna Ís­lendinga bú­setta er­lendis og vilja kjósa á að skrá sig

Þetta kemur fram á vef Þjóðskrár.

Þar er meðal annars að finna upplýsingar um það hverjir eigi að sækja um og hverjir þurfi ekki að sækja um.

Hverjir þurfa að sækja um?

Búseta erlendis lengur en 16 ár - umsókn um að vera tekinn á kjörskrá:

Íslenskir ríkisborgarar með lögheimili erlendis lengur en í 16 ár, þ.e. hafa flutt frá Íslandi fyrir 1. desember 2008, verða að sækja um hjá Þjóðskrá að verða teknir á kjörskrá í eftirfarandi kosningum:

• Alþingiskosningum
• Forsetakosningum
• Þjóðaratkvæðagreiðslur

Skilyrði til að geta sótt um:

• Íslenskur ríkisborgararéttur, afrit/mynd af íslensku vegabréfi
• Vera 18 ára eða eldri á kjördag.
• Hafa átt lögheimili á Íslandi.

Fullnægjandi umsókn þarf að hafa borist Þjóðskrá fyrir 1. desember 2024. Sé umsókn fullnægjandi verður umsækjandi skráður á kjörskrá til fjögurra ára talið frá 1. desember.

Hverjir þurfa ekki að sækja um?

Búseta erlendis skemur en 16 ár - sjálfkrafa á kjörskrá:

Íslenskir ríkisborgarar sem hafa haft lögheimili erlendis skemur en í 16 ár eða frá 1. desember 2008 eða síðar, eru sjálfkrafa með kosningarétt á Íslandi í:

• Alþingiskosningum
• Forsetakosningum
• Þjóðaratkvæðagreiðslum

Skilyrði:

• Vera orðnir 18 ára á kjördag
• Hafa átt lögheimili á Íslandi