Innlent

Mikill meiri­hluti lands­manna á­nægður með Guðna

Rafn Ágúst Ragnarsson skrifar
81 prósent landsmanna sögðust ánægðir með störf Guðna í embætti í ár.
81 prósent landsmanna sögðust ánægðir með störf Guðna í embætti í ár. Vísir/Vilhelm

Ný könnun Maskínu sýnir að 81 prósent landsmanna segjast vera ánægðir með Guðna Th. Jóhannessonar forseta Íslands síðasta ár hans í embætti. Miðað við niðurstöður Maskínu er Guðni talsvert vinsælli en Ólafur Ragnar Grímsson á síðasta ári hans í embætti en þá sögðust 59 prósent landsmanna vera ánægð með hans störf.

Ánægjan með Guðna var mest árið 2018 þegar 82 prósent sögðust ánægðir með hans störf. Lægsta hlutfallið var svo 2016 þegar 71 prósent svarenda sögðust vera ánægðir með störf hans.

13 prósent svarenda sögðust hvorki ánægðir né óánægðir með störf hans. 3,2 prósent sögðust vera frekar óánægðir og 3 prósent sögðust mjög óánægðir.

Mest var ánægjan hjá kjósendum Samfylkingarinnar í 71 prósenti. Á eftir þeim koma kjósendur Vinstri grænna en 68,5 prósent þeirra sögðust ánægð með störf Guðna.

Óánægjan var mest meðal kjósenda Miðflokksmanna. Tæplega 13 prósent svarenda sem sögðust kjósa Miðflokkinn sögðust mjög óánægðir með störf Guðna. Til samanburðar svöruðu 6,4 prósent kjósenda Sjálfstæðisflokksins eins.

Könnunin fór fram í janúar, febrúar, maí og júní á þessu ári. Samtals voru svarendur 3339 talsins.

Skoðanakannanir Forseti Íslands Guðni Th. Jóhannesson

Mest lesið


Fleiri fréttir

Sjá meira


×

Mest lesið