Sig­valdi og Bjarki Már meistarar

Sigvaldi skoraði tíu mörk og markahæstur í liði Kolstad sem sigraði Elverum, 34-30, í þriðja úrslitaleik liðanna um norska meistaratitilinn. Úrslit leiksins réðust í framlengingu.

Kolstad vann einvígið 2-1 og varð þar með norskur meistari annað árið í röð.

Bjarki var fjarri góðu gamni þegar Veszprém sótti Pick Szeged heim í öðrum úrslitaleik liðanna. Veszprém vann þann fyrri, 35-28, og hafði aftur betur í dag, 30-34.

Þetta var annar meistaratitilinn sem Veszprém vinnur í röð og sá 28. alls. 

Bjarki gekk í raðir Veszprém fyrir tveimur árum eftir að hafa leikið í Þýskalandi í níu ár.