Leik­maður Newcastle tók meira­próf

Ritchie náði sér í svokölluð C-réttindi sem þýðir að hann má keyra vörubíla að atvinnu. 

Skotinn er ekki hættur og ætlar að mennta sig enn frekar á þessu sviði. Það er því spurning hvort hann keyri ekki hreinlega liðsrútuna hjá Newcastle á næsta tímabili því samningur hans við félagið rennur út í sumar.

Ritchie, sem er 34 ára, hefur verið notaður sparlega í vetur og aðeins tekið þátt í ellefu leikjum í ensku úrvalsdeildinni.

Newcastle er í 7. sæti deildarinnar. Liðið mætir botnliði Sheffield United á morgun.