Fótbolti

Lyon í góðri stöðu eftir nauman sigur í Portúgal

Runólfur Trausti Þórhallsson skrifar
Sigurmarkinu fagnað.
Sigurmarkinu fagnað. Carlos Rodrigues/Getty Images

Lyon lagði Benfica 2-1 ytra þegar liðin mættust í fyrri viðureign sinni í 8-liða úrslitum Meistaradeildar Evrópu kvenna í knattspyrnu.

Leikurinn fór fram á Estádio da Luz-vellinum í Lissabon í kvöld og var það heimaliðið sem tók forystuna undir lok fyrri hálfleiks. Andreia Faria með markið og Benfica 1-0 yfir í hálfleik.

Delphine Cascarino jafnaði metin þegar rúm klukkustund var liðin eftir undirbúning Daelle Melchie Dumornay.

Sara Dabritz skoraði svo sigurmarkið þegar 11 mínútur voru til leiksloka eftir sendingu frá Lindsey Horan.

 Staðan orðin 2-1 Lyon í vil og reyndust það lokatölur. Franska liðið því í góðum málum fyrir síðari leik liðanna sem fram fer í næstu viku.

Fótbolti Meistaradeild Evrópu í fótbolta kvenna

Mest lesið


Fleiri fréttir

Sjá meira


×

Mest lesið