Hvorugt liðið með taugar til að næla í þrjú stig

Brentford og Chelsea gerðu 2-2 jafntefli í ensku úrvalsdeild karla í knattspyrnu í dag. Bæði lið hafa átt erfitt uppdráttar á leiktíðinni.

Chelsea heimsótti Brentford í Lundúnaslag og voru heimamenn betri framan af leik. Nicolas Jackson kom Chelsea yfir eftir undirbúning Malo Gusto á 35. mínútu og leiddu gestirnir með einu marki í hálfleik.

Chelsea hefur hins vegar átt erfitt uppdráttar á leiktíðinni og brotnuðu þeir snemma í síðari hálfleik. Mads Roerslev jafnaði metin þegar aðeins fimm mínútur voru liðnar. Þegar rétt rúmar tuttugu mínútur voru til leiksloka kom Yoane Wissa heimamönnum yfir með frábæru marki en hann klippti boltann í netið úr miðjum teig Chelsea.

Brentford hefur hins vegar líka átt erfitt uppdráttar á tímabilinu og liðið ekki vant því að vera yfir. Það nýtti Axel Disasi sér þegar hann stangaði fyrirgjöf Cole Palmer í netið á 83. mínútu og staðan orðin 2-2.