Viðskipti innlent

Alvotech sagði 21 upp í gær

Jón Þór Stefánsson skrifar
Róbert Wessman er stofnandi Alvotech.
Róbert Wessman er stofnandi Alvotech. Vísir/Vilhelm

21 starfsmanni var sagt upp störfum hjá Alvotech í gær. Þar af voru fjórtán sem starfa á Íslandi. Þetta staðfestir Benedikt Stefánsson, forstöðumaður fjárfesta- og almannatengsla hjá Alvotech, í samtali við Vísi.

Ekki er um hópuppsögn að ræða. Hjá Alvotech starfa rúmlega þúsund manns, en í lögum um hópuppsagnir segir að hjá fyrirtækjum með þrjú hundruð eða fleiri starfsmenn þurfi að segja upp þrjátíu manns til þess að þær falli undir hópuppsögn.

Greint var frá uppsögnum hjá lyfjafyrirtækinu Alvotech í gær, en þá lá ekki fyrir hversu mörgum hefði verið sagt upp.

Fyrir síðustu mánaðamót var greint frá því að fimmtán starfsmönnum hefði verið sagt upp hjá Alvotech.

Aðfaranótt laugardags tilkynnti félagið að það hefði fengið grænt ljós frá Lyfjaeftirliti Bandaríkjanna til sölu og markaðssetningar í Bandaríkjunum á Simlandi (adalimumab-ryvk) sem er líftæknilyfjahliðstæða Humira.

Verð á bréfum í félaginu rauk upp á mánudaginn eftir tilkynninguna en hefur fallið síðan. Verðið er nú aðeins lægra en það var áður en tilkynningin um grænt ljós FDA barst um helgina.

Vinnumarkaður Alvotech


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið