Sigurbjörn Árni með tandurhreinan ristil Jakob Bjarnar skrifar 12. febrúar 2024 14:38 Sigurbjörn Árni reyndist vera með tandurhreinan ristil og því fagna allir góðir menn. vísir/vilhelm Facebook-vinir Sigurbjörns Árna Arngrímssonar, ráku upp stór augu í dag – en skólameistarinn á Laugum birti glaðbeittur myndir af ristli sínum. Sigurbjörn Árni fór sem sagt í ristilspeglun og skráði það samviskusamlega. Það kom á daginn að ristillinn er tandurhreinn. Og fínn. Sem gleður vitaskuld vini hans, fjölskyldu og líklega alla frjálsíþróttaáhugamenn landsins en fáir eru eins vel að sér um frjálsar íþróttir og Sigurbjörn Árni sem er með þeim allra skemmtilegustu sem fást við að lýsa íþróttaviðburðum, sem hann gerir þegar mikið liggur við. Myndirnar má sjá í Facebook-færslu Sigurbjörns Árna hér að neðan. Þær gætu farið fyrir brjóstið á einhverjum. Kæruleysissprautan toppar flest Þetta er kannski ekki fyrir extra-viðkvæma en Sigurbjörn Árni telur einsýnt að þetta sé eina leiðin til að nálgast krabbamein, nefnilega að tala um það af hispursleysi. Því ekki teljast statusar sem þessi venjulegir. Eða, þú hefur ekkert verið undir áhrifum kæruleysissprautunnar þegar þú skrifaðir statusinn? „Neinei, ekki þannig. En maður fær þessa kæruleysissprautu og manni líður alveg afskaplega vel. Maður verður svona ægilega glaður. Stressar sig ekki. Ef ég myndi byrja alla mánudaga á kæruleysissprautu yrðu nemendur við Framhaldsskólann á Laugum ánægðir með það. Ég myndi ekki nöldra í neinum,“ segir Sigurbjörn Árni. Og það fer ekki á milli mála að hann er í góðu skapi. Sigurbjörn Árni segir að hann hafi farið í ristilspeglunina á Húaavík. „Við erum með helvíti góðan meltingarfæralækni. Ásgeir Böðvarsson sem er Mývetningur en flutti á Húsavík fyrir allmörgum árum.“ Sigurbjörn Árni segir svo frá að hann hafi farið á klósettið fyrir tæpum tveimur vikum og þegar hann stóð upp var klósettskálin full af blóði. Í ljósi fjölskyldusögu um ristilkrabba og þess að hann greindist með sortuæxli fyrir um þremur árum var ákveðið að drífa hann í maga- og ristilspeglun. Og þar reyndist allt tandurhreint og fínt. Sigurbjörn telur að það hljóti að hafa sprungið einhver gyllinæðargúlpur fyrir hálfum mánuði. Í það minnsta fannst ekkert. Sortuæxlið er ólíkindatól Spurður um sortuæxlið segir Sigurbjörn að það gangi bara vel með það. „Það er enn slatti af æxlum í mér en þau hafa ekkert breyst síðan í október 2021 og ég hef ekki tekið nein lyf síðan í apríl 22. Þetta er biðstaða. Auðvitað hefðum við Friðbjörn læknir kosið að þetta væri alveg farið en það virðist enginn virkni í þeim. En þetta kemur allt í ljós.“ Sigurbjörn Árni segist sæmilegur til heilsunnar og er á meðan er í þeim efnum. „Ef eitthvað breytist tekur maður á því þegar þar að kemur. Ég get ekki verið að eyða lífinu í að velta því fyrir mér á hverjum degi hvort ég drepst úr þessu. Dagsdaglega er ég ekki mikið að spá í þetta.“ Skólameistarinn segir það hafa kitlað þegar speglunartækið hreyfði sig inni í honum og hann hafi fundið fyrir beygjunum. Hann telur að þó þeir hafi verið að leita eftir ristilkrabba, sem er auðlæknanlegur finnist hann á frumstigi, hafi læknirinn ekki síður verið að leita eftir svörtum blettum í kviði sem gætu verið sortuæxli. En ekkert fannst. „Ólíkindatól þetta sortuæxli,“ segir Sigurbjörn Árni kátur. Skóla - og menntamál Krabbamein Skimun fyrir krabbameini Mest lesið Full ástæða til að vara foreldra við Innlent Málið óheppilegt og mjög klaufalegt Innlent Ekki verið ætlun þeirra að gera bílakaupin opinber Innlent Forstjóri Brimborgar á athyglisverðum gestalista Höllu Innlent Allt í háaloft þegar faðirinn sneri til baka úr veikindaleyfi Innlent „Þetta er í rauninni þvert á það sem við viljum sjá“ Innlent Verstu skemmdarverk í sögu Lystigarðsins Innlent Kæra Byko vegna límmiða úr sögunni Innlent Ósáttur með hótelið, golfvellina og matinn en fær ekkert endurgreitt Innlent Þriðja ungmennið handtekið vegna drápsins í Landskrónu Erlent Fleiri fréttir Full ástæða til að vara foreldra við Málið óheppilegt og mjög klaufalegt Fíkniefni á samfélagsmiðlum og bílakaup verðandi forseta Ekki verið ætlun þeirra að gera bílakaupin opinber Forstjóri Brimborgar á athyglisverðum gestalista Höllu Kæra Byko vegna límmiða úr sögunni Ármúlinn verði vel nothæfur leikskóli eftir tvær vikur Hnífamaðurinn í Lundi áfram bak við lás og slá „Hann meiddi mig ekki mikið“ Umboðsmaður barna krefst svara um nýtt námsmat Sala á fíkniefnum fari fram fyrir opnum tjöldum Ferðamennirnir lausir úr haldi eftir líkamsárás Sala fíkniefna fyrir opnum tjöldum og stemmning á Húsavík Ný líkön sýna umfang hraunsins Allt í háaloft þegar faðirinn sneri til baka úr veikindaleyfi Óbreyttir bændur í Mýrdalnum hafi ekki efni á malbiki Ragnar Þór kennir Pawel eitt og annað í kennslufræðum Segir málið hið sérkennilegasta og krefst svara Boðar laugardagsbongó Verstu skemmdarverk í sögu Lystigarðsins Ók gegn rauðu ljósi og olli hörðum árekstri Vörumerkistákn við fréttir RÚV að kröfu Ólympíunefndarinnar Skoða að flytja Blóðbankann vegna myglu og raka „Þetta er í rauninni þvert á það sem við viljum sjá“ Ráðherra hyggst skoða nafnabreytingu Mohamad Th. Jóhannessonar Sinnti ekki merkjum um að stoppa en reyndi ekki að komast undan Tveir fluttir á bráðamóttöku eftir árekstur á Miklubraut Ósáttur með hótelið, golfvellina og matinn en fær ekkert endurgreitt „Þurfum að grípa inn í ekki seinna en strax“ Þjórsárdalur heillar og synt í Gjánni Sjá meira
Sigurbjörn Árni fór sem sagt í ristilspeglun og skráði það samviskusamlega. Það kom á daginn að ristillinn er tandurhreinn. Og fínn. Sem gleður vitaskuld vini hans, fjölskyldu og líklega alla frjálsíþróttaáhugamenn landsins en fáir eru eins vel að sér um frjálsar íþróttir og Sigurbjörn Árni sem er með þeim allra skemmtilegustu sem fást við að lýsa íþróttaviðburðum, sem hann gerir þegar mikið liggur við. Myndirnar má sjá í Facebook-færslu Sigurbjörns Árna hér að neðan. Þær gætu farið fyrir brjóstið á einhverjum. Kæruleysissprautan toppar flest Þetta er kannski ekki fyrir extra-viðkvæma en Sigurbjörn Árni telur einsýnt að þetta sé eina leiðin til að nálgast krabbamein, nefnilega að tala um það af hispursleysi. Því ekki teljast statusar sem þessi venjulegir. Eða, þú hefur ekkert verið undir áhrifum kæruleysissprautunnar þegar þú skrifaðir statusinn? „Neinei, ekki þannig. En maður fær þessa kæruleysissprautu og manni líður alveg afskaplega vel. Maður verður svona ægilega glaður. Stressar sig ekki. Ef ég myndi byrja alla mánudaga á kæruleysissprautu yrðu nemendur við Framhaldsskólann á Laugum ánægðir með það. Ég myndi ekki nöldra í neinum,“ segir Sigurbjörn Árni. Og það fer ekki á milli mála að hann er í góðu skapi. Sigurbjörn Árni segir að hann hafi farið í ristilspeglunina á Húaavík. „Við erum með helvíti góðan meltingarfæralækni. Ásgeir Böðvarsson sem er Mývetningur en flutti á Húsavík fyrir allmörgum árum.“ Sigurbjörn Árni segir svo frá að hann hafi farið á klósettið fyrir tæpum tveimur vikum og þegar hann stóð upp var klósettskálin full af blóði. Í ljósi fjölskyldusögu um ristilkrabba og þess að hann greindist með sortuæxli fyrir um þremur árum var ákveðið að drífa hann í maga- og ristilspeglun. Og þar reyndist allt tandurhreint og fínt. Sigurbjörn telur að það hljóti að hafa sprungið einhver gyllinæðargúlpur fyrir hálfum mánuði. Í það minnsta fannst ekkert. Sortuæxlið er ólíkindatól Spurður um sortuæxlið segir Sigurbjörn að það gangi bara vel með það. „Það er enn slatti af æxlum í mér en þau hafa ekkert breyst síðan í október 2021 og ég hef ekki tekið nein lyf síðan í apríl 22. Þetta er biðstaða. Auðvitað hefðum við Friðbjörn læknir kosið að þetta væri alveg farið en það virðist enginn virkni í þeim. En þetta kemur allt í ljós.“ Sigurbjörn Árni segist sæmilegur til heilsunnar og er á meðan er í þeim efnum. „Ef eitthvað breytist tekur maður á því þegar þar að kemur. Ég get ekki verið að eyða lífinu í að velta því fyrir mér á hverjum degi hvort ég drepst úr þessu. Dagsdaglega er ég ekki mikið að spá í þetta.“ Skólameistarinn segir það hafa kitlað þegar speglunartækið hreyfði sig inni í honum og hann hafi fundið fyrir beygjunum. Hann telur að þó þeir hafi verið að leita eftir ristilkrabba, sem er auðlæknanlegur finnist hann á frumstigi, hafi læknirinn ekki síður verið að leita eftir svörtum blettum í kviði sem gætu verið sortuæxli. En ekkert fannst. „Ólíkindatól þetta sortuæxli,“ segir Sigurbjörn Árni kátur.
Skóla - og menntamál Krabbamein Skimun fyrir krabbameini Mest lesið Full ástæða til að vara foreldra við Innlent Málið óheppilegt og mjög klaufalegt Innlent Ekki verið ætlun þeirra að gera bílakaupin opinber Innlent Forstjóri Brimborgar á athyglisverðum gestalista Höllu Innlent Allt í háaloft þegar faðirinn sneri til baka úr veikindaleyfi Innlent „Þetta er í rauninni þvert á það sem við viljum sjá“ Innlent Verstu skemmdarverk í sögu Lystigarðsins Innlent Kæra Byko vegna límmiða úr sögunni Innlent Ósáttur með hótelið, golfvellina og matinn en fær ekkert endurgreitt Innlent Þriðja ungmennið handtekið vegna drápsins í Landskrónu Erlent Fleiri fréttir Full ástæða til að vara foreldra við Málið óheppilegt og mjög klaufalegt Fíkniefni á samfélagsmiðlum og bílakaup verðandi forseta Ekki verið ætlun þeirra að gera bílakaupin opinber Forstjóri Brimborgar á athyglisverðum gestalista Höllu Kæra Byko vegna límmiða úr sögunni Ármúlinn verði vel nothæfur leikskóli eftir tvær vikur Hnífamaðurinn í Lundi áfram bak við lás og slá „Hann meiddi mig ekki mikið“ Umboðsmaður barna krefst svara um nýtt námsmat Sala á fíkniefnum fari fram fyrir opnum tjöldum Ferðamennirnir lausir úr haldi eftir líkamsárás Sala fíkniefna fyrir opnum tjöldum og stemmning á Húsavík Ný líkön sýna umfang hraunsins Allt í háaloft þegar faðirinn sneri til baka úr veikindaleyfi Óbreyttir bændur í Mýrdalnum hafi ekki efni á malbiki Ragnar Þór kennir Pawel eitt og annað í kennslufræðum Segir málið hið sérkennilegasta og krefst svara Boðar laugardagsbongó Verstu skemmdarverk í sögu Lystigarðsins Ók gegn rauðu ljósi og olli hörðum árekstri Vörumerkistákn við fréttir RÚV að kröfu Ólympíunefndarinnar Skoða að flytja Blóðbankann vegna myglu og raka „Þetta er í rauninni þvert á það sem við viljum sjá“ Ráðherra hyggst skoða nafnabreytingu Mohamad Th. Jóhannessonar Sinnti ekki merkjum um að stoppa en reyndi ekki að komast undan Tveir fluttir á bráðamóttöku eftir árekstur á Miklubraut Ósáttur með hótelið, golfvellina og matinn en fær ekkert endurgreitt „Þurfum að grípa inn í ekki seinna en strax“ Þjórsárdalur heillar og synt í Gjánni Sjá meira