Innantómir fagurgalar og Dagur augljóslega mjög áhrifamikill Oddur Ævar Gunnarsson skrifar 1. febrúar 2024 16:13 Hildur Björnsdóttir segir borgarstjóra boða innantóm átaksverkefni og tilgangslausa starfshópa. Vísir/Vilhelm Borgarstjóri boðaði í dag sérstakan átakshóp í húsnæðismálum til að efla uppbyggingu íbúðarhúsnæðis í borginni. Oddviti Sjálfstæðisflokksins segir fyrri átakshóp borgarstjórans sem hún segir að boðað hafi verið til árið 2022 aldrei hafa fundað. Sjálfur kannast borgarstjóri ekki við að hafa boðað slíkan hóp og segir uppbyggingu eiga að vera aðalatriði málsins. Fram kemur í tilkynningu frá Reykjavíkurborg að markmið nýs átakshóps verði að styðja við að uppbygging íbúðarhúsnæðis hefjist á byggingarhæfum lóðum og að fyrirliggjandi skipulagsverkefni verði kláruð hratt og örugglega. Þá muni hópurinn meta ný svæði sem hentað geti til uppbyggingar. Vilja bregðast við samdrætti Tillagan var samþykkt í borgarráði í dag. Haft er eftir Einari Þorsteinssyni, borgarstjóra og oddvita Framsóknar, í tillögunni að þrátt fyrir að lóðaframboð borgarinnar hafi aukist á kjörtímabilinu og að hægt sé að byggja 2600 íbúðir á lóðum með samþykktu deiluskipulagi, hafi hægt á uppbyggingu íbúðarhúsnæðis. „Síðustu 12 mánuði hafa uppbyggingaraðilar búið við afar óhagstæð kjör á framkvæmdalánum vegna stöðunnar í hagkerfinu og hás vaxtastigs. Samkvæmt tölulegum upplýsingum borgarinnar er samdráttur í fjölda þeirra verkefna sem hefðu átt að hefjast á síðasta ári og samkvæmt nýlegri skýrslu Samtaka iðnaðarins stefnir í áframhaldandi samdrátt í uppbyggingu íbúðahúsnæðis á landsvísu á þessu ári. Við þessari stöðu vill Reykjavíkurborg bregðast með því að setja af stað sérstakan átakshóp í húsnæðismálum með erindisbréfi.“ Brýningar þörf Hildur Björnsdóttir, oddviti Sjálfstæðisflokksins í borgarstjórn, segir í samtali við Vísi að Einar hafi boðað sambærilegt átak í húsnæðismálum í júní 2022. Það hafi átt að hefjast með stofnun þverpólitísks stýrihóps um málefnið. „Nú eru 20 mánuðir liðnir og aldrei nokkru sinni hefur verið boðaður fundir í hópnum. Nú er sami maðurinn tekinn við embætti borgarstjóra, og segir það aftur verða hans fyrsta verk að ráðast í átak í húsnæðismálum. Aftur með stofnun átakshóps, nema nú skipuðum fagfólki,“ segir Hildur. „Það er full ástæða til að senda borgarstjóra brýningu af þessu tilefni, að hann boði ekki í sífellu innantóm átaksverkefni og tilgangslausa hópa. Nú er nær helmingur liðinn af kjörtímabilinu, ekkert hefur þokast í húsnæðismálum og löngu tímabært að láta verkin tala.“ Erfitt að sjá fingraför Framsóknar á samstarfinu Hildur segir Framsókn hafa lofað uppbyggingu 3000 íbúa árlega kæmust þau til áhrifa. Á þessu ári geri áætlanir borgarinnar hins vegar aðeins ráð fyrir átta hundruð nýjum íbúðum. „Það er erfitt að gera sér grein fyrir því hvar finna má fingraför Framsóknar í þessu meirihlutasamstarfi. Þau hafa nú snúið sér 180 gráður frá þeirri stefnu sem þau boðuðu í kosningum,“ segir Hildur. „Maður greinir varla nokkra breytingu á stjórn borgarinnar frá því sem áður var, enda er fyrrum borgarstjóri nú sestur í stól formanns borgarráðs og er augljóslega áfram mjög áhrifamikill. Innantómir fagurgalar hafa hingað til ekki skilað nokkrum árangri, allra síst í húsnæðismálum. Vandinn er uppsafnaður, hann eykst ár frá ári og er sérstaklega þungur akkurat núna með hliðsjón af stöðunni í Grindavík.“ Einar Þorsteinsson, borgarstjóri, segir mikilvægt að uppbyggingu íbúðarhúsnæðis verði hraðað. Vísir/Arnar Málið eigi að snúast um uppbyggingu Einar Þorsteinsson, borgarstjóri, segist í samtali við Vísi ekki kannast við að hafa boðað umræddan átakshóp sem Hildur nefnir. Oddvitar hafi rætt óformlega sín á milli um samstarf. „En það er bara sjálfsagt ef hún vill vinna með mér í þessu. Það er bara fínt,“ segir Einar. Hann segir heila málið vera að hraða þurfi uppbyggingu. „Við erum núna að bregðast við því ástandi annars vegar að fjármagnsmarkaðir hafa verið erfiðir fyrir þá sem eru að byggja upp og þeir hafa margir ekki treyst sér til þess að fara af stað í nýframkvæmdir vegna þess að það er of dýrt að taka framkvæmdalán. Þetta er einn flöskuhálsinn.“ Einar segir annan flöskuhálsinn vera skipulagsmál, þar hafi málin gengið of hægt. Nefnir hann að Þorsteinn Víglundsson, forstjóri Hornsteins, hafi verið meðal þeirra sem bent hafi á það. „Það eru mörg verkefni í vinnslu í einu og nú vil ég setja á fót svona átakshóp þar sem við breytum verklaginu að því leyti að við drögum uppbyggingaraðilana að, skipulagsfólkið okkar, arkitektana og aðra sem þurfa að koma að hönnun nýrra verkefna. Þá næst þetta samtal sem tryggir það að það sé hægt að stytta þetta uppbyggingarferli. Þetta er bara algjört lykilatriði til þess að einfalda ákvarðanatöku, að það sé sameiginlegur skilningur á því hvernig uppbyggingin eigi að vera og við fáum meiri og hraðari uppbyggingu íbúðarhúsnæðis.“ Fréttin var uppfærð kl. 16:37 með viðbrögðum Einars Þorsteinssonar, borgarstjóra Reykjavíkur. Reykjavík Borgarstjórn Húsnæðismál Framsóknarflokkurinn Sjálfstæðisflokkurinn Samfylkingin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Ísland eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Forsetavaktin: Sjöundi forseti lýðveldisins verður kjörinn Innlent Skítkast í „skrýtinni og óvæginni“ kosningabaráttu Innlent Friðartillaga Ísraela sem Biden kynnti virðist fá hljómgrunn Erlent VÍS þarf að bæta hluta jarðýtu í mannskæðu vinnuslysi Innlent „Við útrýmum ekki ofbeldi með hatri“ Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Fleiri fréttir Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Sjá meira
Fram kemur í tilkynningu frá Reykjavíkurborg að markmið nýs átakshóps verði að styðja við að uppbygging íbúðarhúsnæðis hefjist á byggingarhæfum lóðum og að fyrirliggjandi skipulagsverkefni verði kláruð hratt og örugglega. Þá muni hópurinn meta ný svæði sem hentað geti til uppbyggingar. Vilja bregðast við samdrætti Tillagan var samþykkt í borgarráði í dag. Haft er eftir Einari Þorsteinssyni, borgarstjóra og oddvita Framsóknar, í tillögunni að þrátt fyrir að lóðaframboð borgarinnar hafi aukist á kjörtímabilinu og að hægt sé að byggja 2600 íbúðir á lóðum með samþykktu deiluskipulagi, hafi hægt á uppbyggingu íbúðarhúsnæðis. „Síðustu 12 mánuði hafa uppbyggingaraðilar búið við afar óhagstæð kjör á framkvæmdalánum vegna stöðunnar í hagkerfinu og hás vaxtastigs. Samkvæmt tölulegum upplýsingum borgarinnar er samdráttur í fjölda þeirra verkefna sem hefðu átt að hefjast á síðasta ári og samkvæmt nýlegri skýrslu Samtaka iðnaðarins stefnir í áframhaldandi samdrátt í uppbyggingu íbúðahúsnæðis á landsvísu á þessu ári. Við þessari stöðu vill Reykjavíkurborg bregðast með því að setja af stað sérstakan átakshóp í húsnæðismálum með erindisbréfi.“ Brýningar þörf Hildur Björnsdóttir, oddviti Sjálfstæðisflokksins í borgarstjórn, segir í samtali við Vísi að Einar hafi boðað sambærilegt átak í húsnæðismálum í júní 2022. Það hafi átt að hefjast með stofnun þverpólitísks stýrihóps um málefnið. „Nú eru 20 mánuðir liðnir og aldrei nokkru sinni hefur verið boðaður fundir í hópnum. Nú er sami maðurinn tekinn við embætti borgarstjóra, og segir það aftur verða hans fyrsta verk að ráðast í átak í húsnæðismálum. Aftur með stofnun átakshóps, nema nú skipuðum fagfólki,“ segir Hildur. „Það er full ástæða til að senda borgarstjóra brýningu af þessu tilefni, að hann boði ekki í sífellu innantóm átaksverkefni og tilgangslausa hópa. Nú er nær helmingur liðinn af kjörtímabilinu, ekkert hefur þokast í húsnæðismálum og löngu tímabært að láta verkin tala.“ Erfitt að sjá fingraför Framsóknar á samstarfinu Hildur segir Framsókn hafa lofað uppbyggingu 3000 íbúa árlega kæmust þau til áhrifa. Á þessu ári geri áætlanir borgarinnar hins vegar aðeins ráð fyrir átta hundruð nýjum íbúðum. „Það er erfitt að gera sér grein fyrir því hvar finna má fingraför Framsóknar í þessu meirihlutasamstarfi. Þau hafa nú snúið sér 180 gráður frá þeirri stefnu sem þau boðuðu í kosningum,“ segir Hildur. „Maður greinir varla nokkra breytingu á stjórn borgarinnar frá því sem áður var, enda er fyrrum borgarstjóri nú sestur í stól formanns borgarráðs og er augljóslega áfram mjög áhrifamikill. Innantómir fagurgalar hafa hingað til ekki skilað nokkrum árangri, allra síst í húsnæðismálum. Vandinn er uppsafnaður, hann eykst ár frá ári og er sérstaklega þungur akkurat núna með hliðsjón af stöðunni í Grindavík.“ Einar Þorsteinsson, borgarstjóri, segir mikilvægt að uppbyggingu íbúðarhúsnæðis verði hraðað. Vísir/Arnar Málið eigi að snúast um uppbyggingu Einar Þorsteinsson, borgarstjóri, segist í samtali við Vísi ekki kannast við að hafa boðað umræddan átakshóp sem Hildur nefnir. Oddvitar hafi rætt óformlega sín á milli um samstarf. „En það er bara sjálfsagt ef hún vill vinna með mér í þessu. Það er bara fínt,“ segir Einar. Hann segir heila málið vera að hraða þurfi uppbyggingu. „Við erum núna að bregðast við því ástandi annars vegar að fjármagnsmarkaðir hafa verið erfiðir fyrir þá sem eru að byggja upp og þeir hafa margir ekki treyst sér til þess að fara af stað í nýframkvæmdir vegna þess að það er of dýrt að taka framkvæmdalán. Þetta er einn flöskuhálsinn.“ Einar segir annan flöskuhálsinn vera skipulagsmál, þar hafi málin gengið of hægt. Nefnir hann að Þorsteinn Víglundsson, forstjóri Hornsteins, hafi verið meðal þeirra sem bent hafi á það. „Það eru mörg verkefni í vinnslu í einu og nú vil ég setja á fót svona átakshóp þar sem við breytum verklaginu að því leyti að við drögum uppbyggingaraðilana að, skipulagsfólkið okkar, arkitektana og aðra sem þurfa að koma að hönnun nýrra verkefna. Þá næst þetta samtal sem tryggir það að það sé hægt að stytta þetta uppbyggingarferli. Þetta er bara algjört lykilatriði til þess að einfalda ákvarðanatöku, að það sé sameiginlegur skilningur á því hvernig uppbyggingin eigi að vera og við fáum meiri og hraðari uppbyggingu íbúðarhúsnæðis.“ Fréttin var uppfærð kl. 16:37 með viðbrögðum Einars Þorsteinssonar, borgarstjóra Reykjavíkur.
Reykjavík Borgarstjórn Húsnæðismál Framsóknarflokkurinn Sjálfstæðisflokkurinn Samfylkingin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Ísland eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Forsetavaktin: Sjöundi forseti lýðveldisins verður kjörinn Innlent Skítkast í „skrýtinni og óvæginni“ kosningabaráttu Innlent Friðartillaga Ísraela sem Biden kynnti virðist fá hljómgrunn Erlent VÍS þarf að bæta hluta jarðýtu í mannskæðu vinnuslysi Innlent „Við útrýmum ekki ofbeldi með hatri“ Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Fleiri fréttir Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Sjá meira