Skammist ykkar! Sigurþóra Bergsdóttir og Rúnar Unnþórsson skrifa 21. janúar 2024 19:31 Við erum foreldrar og teljum okkur tilneydd að tjá okkur um þáttaröð um Sigurð Þórðarson (einnig þekktur sem Siggi hakkari) og umfjöllun um hana til að standa vörð um minningu og mannorð sonar okkar Bergs Snæs. Við getum ekki látið óátalið að Sigurði sé veittur vettvangur til að áreita son okkar yfir gröf og dauða með aðstoð óvandaðs dansks þáttagerðafólks og með stuðningi Stöðvar 2 - sem kaus að kaupa þessa þætti, sýna í dagskrá sinni, og nýta visir.is til að koma þáttunum á framfæri. Við áttum samskipti við danska þáttagerðarfólkið fyrir rúmum tveimur árum síðan. Í þeim tókum við skýrt fram að við vildum ekki vera tengd gerð þessara þátta og að við vorum þeirrar skoðunar að það ætti alls ekki að gera þessa þætti, Ástæðan er að við vitum að Sigurður er hræðilegur maður og öll umfjöllun um hann mun aðeins fæða skrímslið sem hann er. Sigurður beitti son okkar hrottalegu ofbeldi í þrjú ár, þegar sonur okkar var 14-17 ára. Hann hélt áfram að áreita son okkar og reyna að halda sambandi við hann alveg þar til hann tók sitt eigið líf, 19 ára. Þegar málið var rannsakað neitaði Sigurður að kannast við son okkar, þrátt fyrir sannfærandi vitnisburð hans á ofbeldinu til lögreglu. Að sögn rannsóknalögreglu var vitnisburðurinn samhljóma vitnisburðum annarra fórnarlamba Sigurðar. Saksóknari ákvað, engu að síður, að fella niður mál sonar okkar vegna neitunar Sigurðar. Þrátt fyrir að hægt væri að afsanna þessi orð Sigurðar. Nú hafa þessir þættir verið gerðir, Stöð 2 keypti þáttaröðina og eru þættirnir aðgengilegir á þeirra miðlum. Svo virðist sem okkar helsti ótti um efnistök hafi raungerst. Það er, að Í þáttunum fær Sigurður vettvang til að bulla án ritskoðunar. Þekkjandi sögu Sigurðar höfðum við varað þáttagerðafólkið við því að gera þetta með þeim hætti en höfðum verið fullvissuð um að svo yrði ekki. Viku fyrir birtingu fyrsta þáttarins, fengum við tölvupóst frá þáttagerðafólkinu þar sem fullyrt var að tekið hefði verið tillit til okkar óska um að birta ekki mynd af syni okkar. Við þökkuðum þeim fyrir að láta okkur vita, ítrekuðum andstöðu okkar við þessa þætti, spurðum ekkert um efnistök og afþökkuðum að láta hafa eitthvað eftir okkur. Þáttagerðarfólkið sleppti að segja okkur að það er myndskeið í þáttunum þar sem Sigurður fer að leiði sonar okkar og nafnið hans á legsteininum sýnt í nærmynd. Það er eitthvað sem, í okkar villtustu draumum, okkur hefði ekki dottið í hug. Að fara með mann sem vitað var - út frá okkar samskiptum - að við fyrirlítum og viljum ekkert tengjast á heilagan stað sem er grafreitur sonar okkar. Þetta er svo ótrúlega ófyrirleitið að við bara getum ekki náð utan um það. Hver gerir svona! Þessu til viðbótar lýgur þáttagerðarfólkið um að það hafi unnið þættina með samþykki okkar. Með því snúa þau hnífnum enn frekar í sárinu. Segja má að vinnubrögðin séu í besta falli ófagleg en gætu vel talist siðblind, og bera vott um fégirni. Ef danska þáttagerðarfólkið fellur í seinni flokkinn þá má segja að það sé ekki mikið betra en skrímslið sem þættirnir fjalla um. Hvað varðar fjölmiðla Sýnar þá vita þeir betur. Þeir þekkja sögu Sigurðar. Það að Stöð 2 hafi keypt þessa þætti og sýnt ber vott um dómgreindarleysi sem jaðrar við siðleysi. Síðan er höfuðið bitið af skömminni með óvönduðum fréttaflutningi um þættina á visir.is. Allt til að græða pening. Skömm þeirra sem tóku þátt í þessu er mikil. Það hefur tekið okkur aðstandendur mjög langan tíma að læra að lifa með þessum harmleik. Gerð og sýning þessarar þáttaraðar hefur ýft upp sárið og umfjöllun visir.is um þessa þáttaröð hefur virkað eins og að nudda salti í sárið. Við höfum vissulega fengið leiðréttingu á visir.is í formi yfirlýsingar fjölskyldu en lygar danska þáttagerðafólksins standa þarna enn. Vert er að nefna að Sigurður á ótal fórnalömb sem þjást nú vegna þessarar umfjöllunar og viljum við senda þeim kveðju og faðm. Við bjóðum þeim öllum að hafa samband við okkur sem vilja, við viljum veita þeim allan þann styrk og aðstoð sem við getum. Við viljum hvetja ykkur öll til að hunsa þessa þætti og að mótmæla að Stöð 2 sýni þetta. Helst vildum við að þættirnir verði teknir af dagskrá. Við munum anda okkur í gegnum þetta, hugsa fallega til sonar okkar og allra fórnarlamba Sigurðar, og vona að storminn lægi sem fyrst. Við vildum ekki tjá okkur um þetta, töldum okkur tilneydd en höfum nú sagt allt sem þarf. Höfundar eru foreldrar Bergs Snæs. Viltu birta grein á Vísi? Sendu okkur póst. Senda grein Mál Sigga hakkara Sigurþóra Bergsdóttir Mest lesið Ákall til allra velunnara Sólheima í Grímsnesi Ingibjörg Rósa Björnsdóttir Skoðun Öfgamaður deyr Andri Þorvarðarson Skoðun Hver hagnast á hatrinu? Halldóra Mogensen Skoðun Börn sem skilja ekki kennarann Ingibjörg Ólöf Isaksen Skoðun Er það ekki sjálfsögð krafa að fá bílastæði? Aðalsteinn Haukur Sverrisson Skoðun Halla fer að ræða um frið við einræðisherra Daníel Þröstur Pálsson Skoðun Of lítið, of seint! Hjálmtýr Heiðdal,Magnús Magnússon Skoðun Skortur á rafiðnaðarfólki ógnar samkeppnishæfni Evrópu Kristján Daníel Sigurbergsson Skoðun Vissir þú, að.... og eða er þér bara slétt sama Björn Ólafsson Skoðun Fatlað fólk rukkað með rangindum fyrir bílastæði Haukur Ragnar Hauksson Skoðun Skoðun Skoðun Þegar viðskiptalíkan Vesturlanda er stríð – og almenningur borgar brúsann Steinunn Ólína Þorsteinsdóttir skrifar Skoðun Slökkvum ekki Ljósið Rósa Guðbjartsdóttir skrifar Skoðun Er það ekki sjálfsögð krafa að fá bílastæði? Aðalsteinn Haukur Sverrisson skrifar Skoðun Of lítið, of seint! Hjálmtýr Heiðdal,Magnús Magnússon skrifar Skoðun Halla fer að ræða um frið við einræðisherra Daníel Þröstur Pálsson skrifar Skoðun Ákall til allra velunnara Sólheima í Grímsnesi Ingibjörg Rósa Björnsdóttir skrifar Skoðun Varðveitum vatnið – hugvekja Hópur starfsfólks Náttúruminjasafns Íslands skrifar Skoðun Innviðaskuld við íslenskuna Eiríkur Rögnvaldsson skrifar Skoðun Náttúruvernd er loftslagsaðgerð og loftslagsaðgerðir þjóna náttúrunni Þorgerður María Þorbjarnardóttir skrifar Skoðun Fatlað fólk rukkað með rangindum fyrir bílastæði Haukur Ragnar Hauksson skrifar Skoðun Vissir þú, að.... og eða er þér bara slétt sama Björn Ólafsson skrifar Skoðun Hver hagnast á hatrinu? Halldóra Mogensen skrifar Skoðun Öfgamaður deyr Andri Þorvarðarson skrifar Skoðun Að taka til í orkumálum Guðrún Schmidt skrifar Skoðun Börn sem skilja ekki kennarann Ingibjörg Ólöf Isaksen skrifar Skoðun Skortur á rafiðnaðarfólki ógnar samkeppnishæfni Evrópu Kristján Daníel Sigurbergsson skrifar Skoðun Siglt gegn þjóðarmorði Cyma Farah,Sólveig Ásta Sigurðardóttir skrifar Skoðun Um ópið sem heimurinn ekki heyrir Reham Khaled skrifar Skoðun 30 by 30 - Gefum lífi á jörð smá séns Rósa Líf Darradóttir skrifar Skoðun Hærri greiðslur í fæðingarorlofi Kristján Þórður Snæbjarnarson skrifar Skoðun Skólabærinn Garðabær: Við mælum árangur og gerum stöðugt betur Almar Guðmundsson,Sigríður Hulda Jónsdóttir skrifar Skoðun Stóra spurningin sem fjárlögin svara ekki Sandra B. Franks skrifar Skoðun Námsmat og Matsferill – Tækifæri til umbóta í skólastarfi Sigurbjörg Róbertsdóttir skrifar Skoðun Tími til aðgerða - loftslags- og umhverfismál sett á dagskrá Jóna Þórey Pétursdóttir skrifar Skoðun Setjum á okkur súrefnisgrímuna áður en við björgum heiminum. Nú þarf hinn þögli meirihluti að láta í sér heyra Steindór Þórarinsson skrifar Skoðun Sterkt skólasamfélag á Akureyri, sameiginleg ábyrgð og framtíðarsýn Heimir Örn Árnason skrifar Skoðun Fæðingarhríðir fjórðu iðnbyltingarinnar: Til fjármálafyrirtækja Klara Nótt Egilson skrifar Skoðun „AMOC straumurinn", enn ein heimsendaspáin... Valgerður Árnadóttir skrifar Skoðun Talaðu núna, talaðu! Bolli Pétur Bollason skrifar Skoðun Seðlabankastjóri rannsakar sjálfan sig Einar Steingrímsson skrifar Sjá meira
Við erum foreldrar og teljum okkur tilneydd að tjá okkur um þáttaröð um Sigurð Þórðarson (einnig þekktur sem Siggi hakkari) og umfjöllun um hana til að standa vörð um minningu og mannorð sonar okkar Bergs Snæs. Við getum ekki látið óátalið að Sigurði sé veittur vettvangur til að áreita son okkar yfir gröf og dauða með aðstoð óvandaðs dansks þáttagerðafólks og með stuðningi Stöðvar 2 - sem kaus að kaupa þessa þætti, sýna í dagskrá sinni, og nýta visir.is til að koma þáttunum á framfæri. Við áttum samskipti við danska þáttagerðarfólkið fyrir rúmum tveimur árum síðan. Í þeim tókum við skýrt fram að við vildum ekki vera tengd gerð þessara þátta og að við vorum þeirrar skoðunar að það ætti alls ekki að gera þessa þætti, Ástæðan er að við vitum að Sigurður er hræðilegur maður og öll umfjöllun um hann mun aðeins fæða skrímslið sem hann er. Sigurður beitti son okkar hrottalegu ofbeldi í þrjú ár, þegar sonur okkar var 14-17 ára. Hann hélt áfram að áreita son okkar og reyna að halda sambandi við hann alveg þar til hann tók sitt eigið líf, 19 ára. Þegar málið var rannsakað neitaði Sigurður að kannast við son okkar, þrátt fyrir sannfærandi vitnisburð hans á ofbeldinu til lögreglu. Að sögn rannsóknalögreglu var vitnisburðurinn samhljóma vitnisburðum annarra fórnarlamba Sigurðar. Saksóknari ákvað, engu að síður, að fella niður mál sonar okkar vegna neitunar Sigurðar. Þrátt fyrir að hægt væri að afsanna þessi orð Sigurðar. Nú hafa þessir þættir verið gerðir, Stöð 2 keypti þáttaröðina og eru þættirnir aðgengilegir á þeirra miðlum. Svo virðist sem okkar helsti ótti um efnistök hafi raungerst. Það er, að Í þáttunum fær Sigurður vettvang til að bulla án ritskoðunar. Þekkjandi sögu Sigurðar höfðum við varað þáttagerðafólkið við því að gera þetta með þeim hætti en höfðum verið fullvissuð um að svo yrði ekki. Viku fyrir birtingu fyrsta þáttarins, fengum við tölvupóst frá þáttagerðafólkinu þar sem fullyrt var að tekið hefði verið tillit til okkar óska um að birta ekki mynd af syni okkar. Við þökkuðum þeim fyrir að láta okkur vita, ítrekuðum andstöðu okkar við þessa þætti, spurðum ekkert um efnistök og afþökkuðum að láta hafa eitthvað eftir okkur. Þáttagerðarfólkið sleppti að segja okkur að það er myndskeið í þáttunum þar sem Sigurður fer að leiði sonar okkar og nafnið hans á legsteininum sýnt í nærmynd. Það er eitthvað sem, í okkar villtustu draumum, okkur hefði ekki dottið í hug. Að fara með mann sem vitað var - út frá okkar samskiptum - að við fyrirlítum og viljum ekkert tengjast á heilagan stað sem er grafreitur sonar okkar. Þetta er svo ótrúlega ófyrirleitið að við bara getum ekki náð utan um það. Hver gerir svona! Þessu til viðbótar lýgur þáttagerðarfólkið um að það hafi unnið þættina með samþykki okkar. Með því snúa þau hnífnum enn frekar í sárinu. Segja má að vinnubrögðin séu í besta falli ófagleg en gætu vel talist siðblind, og bera vott um fégirni. Ef danska þáttagerðarfólkið fellur í seinni flokkinn þá má segja að það sé ekki mikið betra en skrímslið sem þættirnir fjalla um. Hvað varðar fjölmiðla Sýnar þá vita þeir betur. Þeir þekkja sögu Sigurðar. Það að Stöð 2 hafi keypt þessa þætti og sýnt ber vott um dómgreindarleysi sem jaðrar við siðleysi. Síðan er höfuðið bitið af skömminni með óvönduðum fréttaflutningi um þættina á visir.is. Allt til að græða pening. Skömm þeirra sem tóku þátt í þessu er mikil. Það hefur tekið okkur aðstandendur mjög langan tíma að læra að lifa með þessum harmleik. Gerð og sýning þessarar þáttaraðar hefur ýft upp sárið og umfjöllun visir.is um þessa þáttaröð hefur virkað eins og að nudda salti í sárið. Við höfum vissulega fengið leiðréttingu á visir.is í formi yfirlýsingar fjölskyldu en lygar danska þáttagerðafólksins standa þarna enn. Vert er að nefna að Sigurður á ótal fórnalömb sem þjást nú vegna þessarar umfjöllunar og viljum við senda þeim kveðju og faðm. Við bjóðum þeim öllum að hafa samband við okkur sem vilja, við viljum veita þeim allan þann styrk og aðstoð sem við getum. Við viljum hvetja ykkur öll til að hunsa þessa þætti og að mótmæla að Stöð 2 sýni þetta. Helst vildum við að þættirnir verði teknir af dagskrá. Við munum anda okkur í gegnum þetta, hugsa fallega til sonar okkar og allra fórnarlamba Sigurðar, og vona að storminn lægi sem fyrst. Við vildum ekki tjá okkur um þetta, töldum okkur tilneydd en höfum nú sagt allt sem þarf. Höfundar eru foreldrar Bergs Snæs.
Skoðun Þegar viðskiptalíkan Vesturlanda er stríð – og almenningur borgar brúsann Steinunn Ólína Þorsteinsdóttir skrifar
Skoðun Náttúruvernd er loftslagsaðgerð og loftslagsaðgerðir þjóna náttúrunni Þorgerður María Þorbjarnardóttir skrifar
Skoðun Skortur á rafiðnaðarfólki ógnar samkeppnishæfni Evrópu Kristján Daníel Sigurbergsson skrifar
Skoðun Skólabærinn Garðabær: Við mælum árangur og gerum stöðugt betur Almar Guðmundsson,Sigríður Hulda Jónsdóttir skrifar
Skoðun Námsmat og Matsferill – Tækifæri til umbóta í skólastarfi Sigurbjörg Róbertsdóttir skrifar
Skoðun Tími til aðgerða - loftslags- og umhverfismál sett á dagskrá Jóna Þórey Pétursdóttir skrifar
Skoðun Setjum á okkur súrefnisgrímuna áður en við björgum heiminum. Nú þarf hinn þögli meirihluti að láta í sér heyra Steindór Þórarinsson skrifar
Skoðun Sterkt skólasamfélag á Akureyri, sameiginleg ábyrgð og framtíðarsýn Heimir Örn Árnason skrifar
Skoðun Fæðingarhríðir fjórðu iðnbyltingarinnar: Til fjármálafyrirtækja Klara Nótt Egilson skrifar