Ekki bara leikur: Eruð þið frægari en Björk?

„Það sem fólk er að fara hlusta á er í raun dagur í lífi markmanns. Á HM fyrir tæpu ári síðan ákvað ég að fara í gegnum einn dag og skrifa hjá mér allt sem ég var að hugsa. Daginn sem við spilum fyrsta leik mótsins,“ segir Björgvin Páll.

„Markmið mitt með þessu er að gefa hlustendum smá innsýn inn í stórmót í handbolta. Stórmót í handbolta er nefnilega ekki bara einhver sjö krútt að kasta bolta á milli sín,“ segir Björgvin.

Fyrsti þátturinn heitir einfaldlega „Fyrir leik“ en Ísland hefur leik á EM á morgun. Í þættinum fer Björgvin yfir hugrenningar sínar og undirbúning fyrir leik á stórmóti með íslenska landsliðinu.

Hér að ofan má hlusta á þáttinn en hann er einnig aðgengilegur á öllum hlaðvarpsveitum hjá hlaðvarpinu Besta sætið. Hér má hlusta á Spotify. Annar hluti fer í loftið klukkan níu í fyrramálið.