8 dagar í EM: Áttunda besta Evrópumót strákanna okkar Óskar Ófeigur Jónsson skrifar 4. janúar 2024 12:01 Alfreð Gíslason stýrði íslenska landsliðnu í síðasta sinn á Evrópumótinu í Noregi 2008. Hann hætti með liðið eftir mótið. Getty/Lars Baron Árið byrjaði ekki allt of vel á þessu Evrópumóti en sumarið á eftir var algjörlega frábært. Fyrsti leikur íslenska karlalandsliðsins á Evrópumóti karla í handbolta er 12. janúar næstkomandi eða eftir átta daga. Vísir ætlar að telja niður í komandi Evrópumót með því að raða upp bestu Evrópumótum strákanna okkar í gegnum tíðina. Áttunda sætið yfir bestu Evrópumót strákanna okkar kemur í hlut Evrópumótsins í Noregi árið 2008. Þetta er mót sem olli talsverðum vonbrigðum en seinna sama ár náði íslenska landsliðið sínum besta árangri frá upphafi þegar liðið vann silfur á Ólympíuleikunum í Peking. Nokkrum mánuðum fyrir ævintýri „stórasta lands í heimi“ í Kína gengu hlutirnir þó ekki alveg upp. Íslenska landsliðið átti nefnilega þungt og þrúgað Evrópumót í Noregi í janúar 2008. Þetta var enn eitt dæmið um það að pressan og væntingarnar voru of miklar. Það leit út eins og íslenska liðið hafi bara farið á taugum. Sverre Jakobsson í baráttu um boltann.Getty/Lars Baron Íslenska tapaði fyrsti leiknum á mótinu á móti Svíum þar sem íslenska liðið kolféll alveg á prófinu. Það munaði reyndar bara fimm mörkum á liðunum í lokin en um tíma voru Svíar tíu mörkum yfir. Sigur á Slóvökum tryggði liðinu sæti í milliriðlinum en þar tapaði liðið illa á móti Þjóðverjum í fyrsta leik þar sem landsliðsfyrirliðinn Ólafur Stefánsson talaði um að þeir hafi verið eins og strákar í fimmta flokki. Flottur sigur á Ungverjum gaf smá von en íslenska liðið fylgdi því ekki og steinlá í lokaleiknum á móti Spánverjum með sjö marka mun. Íslenska liðið endaði í neðsta sæti milliriðilsins og varð í ellefta sæti þegar mótið var gert upp. Það var ekki aðeins sú staðreynd að liðið vann bara tvo af sex leikjum sínum heldur átti liðið sjaldan möguleika á sigri í þessum tapleikjum. Þetta var síðasta mót liðsins undir stjórn Alfreðs Gíslasonar. Guðmundur Guðmundsson tók aftur við liðinu eftir fjögurra ára fjarveru sem aðalþjálfari. Íslenska liðið átti svakalega endurkomu seinna þetta sama ár og strákarnir okkar komu Íslandi í sögubækurnar sem fámennasta þjóðin til að vinna Ólympíuverðlaun í liðakeppni. Guðjón Valur Sigurðsson skorar eitt af mörkum sínum í sigrinum á Ungverjum.Getty/Lars Baron EM í Noregi 2008 Lokastaða: 11. sæti Sigurleikir: 2 í 6 leikjum. Þjálfari: Alfreð Gíslason (2. stórmót) Fyrirliði: Ólafur Stefánsson. Besti leikur: Sigur á Ungverjalandi (36-28) Versti leikur: Tap fyrir Þýskalandi (27-35) Markahæstir hjá íslenska liðinu: Guðjón Valur Sigurðssn 34/6 Snorri Steinn Guðjónsson 28/6 Alexander Petersson 20 Ólafur Stefánsson 19/6 Róbert Gunnarsson 15 Logi Geirsson 15/1 Besti leikmaður Íslands á mótinu: Guðjón Valur Sigurðsson var meðal tíu hæstu á Evrópumótinu í bæði mörkum og stoðsendingum samkvæmt opinberri tölfræði mótsins en hann var með 34 mörk og 22 stoðsendingar í leikjunum sex. Óvænta stjarnan: Engin sérstök en Snorri Steinn Guðjónsson sýndi styrk sinn í síðustu tveimur leikjunum þegar þyngst var yfir íslenska liðinu og skoraði 18 af 28 mörkum sínum í mótinu í þessum tveimur leikjum á móti Ungverjum og Spánverjum. Fyrsta mótið hjá: Bjarni Fritzson og Hannes Jón Jónsson. Síðasta mótið hjá: Birkir Ívar Guðmundsson og Einar Hólmgeirsson. Spánverjinn Ruben Garabaya labbar hér í gegnum íslensku vörnina án þess að Sverre Jakobsson, Alexander Petersson, Vignir Svavarsson og Ólafur Stefánsson komi vörnum við.Getty/Lars Baron Viðtalið: „Eigum hver og einn að skammast okkar“ Ólafur Stefánsson fyrirliði var að vonum ekki sáttur við frammistöðu landsliðsins á EM og sparaði ekki stóru orðin í viðtali við Fréttablaðið. „Maður skammast sín bara eftir þetta mót. Ég hef gott af því og fleiri ættu líka að skammast sín og þeir taka það til sín sem eiga það. Menn eiga að skammast sín fyrir þetta mót. Ef menn eru lélegir þá eiga menn bara að viðurkenna það. Við erum miklu betri en þetta og bilið sem var á milli okkar og annarra liða í mótinu er ekki í lagi. Það verður hver og einn að vinna í sínum málum og þá er ég að tala um alla og þjálfarinn er þar meðtalinn,“ sagði Ólafur ákveðinn. „Ég tek á mig mína ábyrgð enda fyrirliði sem á að draga vagninn. Við misstum dampinn eftir fyrsta leikinn. Menn verða líka að kunna að spila með kúkinn í buxunum en það þarf ákveðinn þroska til þess sem tekur oft mörg ár að ná. Menn geta ekki bara spilað vel þegar allt er í bullandi gangi. Það vantar hjá ákveðnum leikmönnum í dag,“ sagði Ólafur. EM 2024 í handbolta Landslið karla í handbolta Mest lesið Íslenska amman heimsmeistari fimmta árið í röð Sport Myndin af Beckham með Shaq og Yao Ming ekki úr gervigreind Fótbolti Vilja fjölskyldusvæði og að áfengi sé ekki selt í sjoppum fyrir börn Sport „Ég held að hann verði að skoða þetta“ Fótbolti Sæmundur heimsmeistari aftur Sport Heimsmeistarinn skiptir mjög óvænt um grein Sport Tvíburarnir voru með 56 stig saman í fyrsta leik Körfubolti Kristófer fjarlægir sig frá Coolbet fjölskyldunni Körfubolti Ein frægasta og ástsælasta stuðningskonan látin Körfubolti Mbappé kemur ekki til Íslands Fótbolti Fleiri fréttir Fimm íslensk mörk í langþráðum sigri Elín Klara var frábær en ekkert gekk hjá Aldísi Ástu Bjarni með tólf og KA vann meistarana Átta frá Blæ dugðu ekki til fyrsta sigursins Handboltinn í fyrsta sæti en tilbiður enn listagyðjuna Draumadeildin staðið undir væntingum Leyfðum okkur hluti sem að við höfum ekki verið að gera Háspenna þegar Selfoss fékk sín fyrstu stig Viktor Gísli og Bjarki unnu í Meistaradeildinni Nýliðarnir hársbreidd frá sigri í Krikanum Guðjón og Arnór stýrðu til sigurs í Þýskalandi Uppgjörið: Valur - Afturelding 35-25 | Magnaður Björgvin Páll lagði grunninn Sammála Snorra: „Alltaf á hreinu að við vorum á sömu blaðsíðunni“ Nýtur sín vel í sterkari deild: „Alveg sannfærður um að ég hafi valið vel“ Anton og Jónas áfram fastagestir á EM Skilur ekki hvernig var hægt að breyta víti í markmannskast ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Íslendingarnir frábærir og fögnuðu í Danmörku Allt upp á tíu hjá Elínu Klöru Varaforseti EHF handtekinn Vonast til að landsliðstreyjurnar fari í sölu á næstu vikum „Fjárhagsstaðan býður ekki upp á það að við leikum okkur með þann miðafjölda“ Lovísa Thompson kemur aftur inn í íslenska A-landsliðið Sjáðu svakalega vítakeppni þegar frændliðin börðust í bikarnum Aron Rafn hetja Hauka gegn Val og Fjölnir henti Stjörnunni úr leik Bikarmeistararnir sluppu með skrekkinn Unnu síðustu átján mínúturnar með tíu mörkum Laus úr útlegðinni og mættur heim Sjá meira
Fyrsti leikur íslenska karlalandsliðsins á Evrópumóti karla í handbolta er 12. janúar næstkomandi eða eftir átta daga. Vísir ætlar að telja niður í komandi Evrópumót með því að raða upp bestu Evrópumótum strákanna okkar í gegnum tíðina. Áttunda sætið yfir bestu Evrópumót strákanna okkar kemur í hlut Evrópumótsins í Noregi árið 2008. Þetta er mót sem olli talsverðum vonbrigðum en seinna sama ár náði íslenska landsliðið sínum besta árangri frá upphafi þegar liðið vann silfur á Ólympíuleikunum í Peking. Nokkrum mánuðum fyrir ævintýri „stórasta lands í heimi“ í Kína gengu hlutirnir þó ekki alveg upp. Íslenska landsliðið átti nefnilega þungt og þrúgað Evrópumót í Noregi í janúar 2008. Þetta var enn eitt dæmið um það að pressan og væntingarnar voru of miklar. Það leit út eins og íslenska liðið hafi bara farið á taugum. Sverre Jakobsson í baráttu um boltann.Getty/Lars Baron Íslenska tapaði fyrsti leiknum á mótinu á móti Svíum þar sem íslenska liðið kolféll alveg á prófinu. Það munaði reyndar bara fimm mörkum á liðunum í lokin en um tíma voru Svíar tíu mörkum yfir. Sigur á Slóvökum tryggði liðinu sæti í milliriðlinum en þar tapaði liðið illa á móti Þjóðverjum í fyrsta leik þar sem landsliðsfyrirliðinn Ólafur Stefánsson talaði um að þeir hafi verið eins og strákar í fimmta flokki. Flottur sigur á Ungverjum gaf smá von en íslenska liðið fylgdi því ekki og steinlá í lokaleiknum á móti Spánverjum með sjö marka mun. Íslenska liðið endaði í neðsta sæti milliriðilsins og varð í ellefta sæti þegar mótið var gert upp. Það var ekki aðeins sú staðreynd að liðið vann bara tvo af sex leikjum sínum heldur átti liðið sjaldan möguleika á sigri í þessum tapleikjum. Þetta var síðasta mót liðsins undir stjórn Alfreðs Gíslasonar. Guðmundur Guðmundsson tók aftur við liðinu eftir fjögurra ára fjarveru sem aðalþjálfari. Íslenska liðið átti svakalega endurkomu seinna þetta sama ár og strákarnir okkar komu Íslandi í sögubækurnar sem fámennasta þjóðin til að vinna Ólympíuverðlaun í liðakeppni. Guðjón Valur Sigurðsson skorar eitt af mörkum sínum í sigrinum á Ungverjum.Getty/Lars Baron EM í Noregi 2008 Lokastaða: 11. sæti Sigurleikir: 2 í 6 leikjum. Þjálfari: Alfreð Gíslason (2. stórmót) Fyrirliði: Ólafur Stefánsson. Besti leikur: Sigur á Ungverjalandi (36-28) Versti leikur: Tap fyrir Þýskalandi (27-35) Markahæstir hjá íslenska liðinu: Guðjón Valur Sigurðssn 34/6 Snorri Steinn Guðjónsson 28/6 Alexander Petersson 20 Ólafur Stefánsson 19/6 Róbert Gunnarsson 15 Logi Geirsson 15/1 Besti leikmaður Íslands á mótinu: Guðjón Valur Sigurðsson var meðal tíu hæstu á Evrópumótinu í bæði mörkum og stoðsendingum samkvæmt opinberri tölfræði mótsins en hann var með 34 mörk og 22 stoðsendingar í leikjunum sex. Óvænta stjarnan: Engin sérstök en Snorri Steinn Guðjónsson sýndi styrk sinn í síðustu tveimur leikjunum þegar þyngst var yfir íslenska liðinu og skoraði 18 af 28 mörkum sínum í mótinu í þessum tveimur leikjum á móti Ungverjum og Spánverjum. Fyrsta mótið hjá: Bjarni Fritzson og Hannes Jón Jónsson. Síðasta mótið hjá: Birkir Ívar Guðmundsson og Einar Hólmgeirsson. Spánverjinn Ruben Garabaya labbar hér í gegnum íslensku vörnina án þess að Sverre Jakobsson, Alexander Petersson, Vignir Svavarsson og Ólafur Stefánsson komi vörnum við.Getty/Lars Baron Viðtalið: „Eigum hver og einn að skammast okkar“ Ólafur Stefánsson fyrirliði var að vonum ekki sáttur við frammistöðu landsliðsins á EM og sparaði ekki stóru orðin í viðtali við Fréttablaðið. „Maður skammast sín bara eftir þetta mót. Ég hef gott af því og fleiri ættu líka að skammast sín og þeir taka það til sín sem eiga það. Menn eiga að skammast sín fyrir þetta mót. Ef menn eru lélegir þá eiga menn bara að viðurkenna það. Við erum miklu betri en þetta og bilið sem var á milli okkar og annarra liða í mótinu er ekki í lagi. Það verður hver og einn að vinna í sínum málum og þá er ég að tala um alla og þjálfarinn er þar meðtalinn,“ sagði Ólafur ákveðinn. „Ég tek á mig mína ábyrgð enda fyrirliði sem á að draga vagninn. Við misstum dampinn eftir fyrsta leikinn. Menn verða líka að kunna að spila með kúkinn í buxunum en það þarf ákveðinn þroska til þess sem tekur oft mörg ár að ná. Menn geta ekki bara spilað vel þegar allt er í bullandi gangi. Það vantar hjá ákveðnum leikmönnum í dag,“ sagði Ólafur.
EM í Noregi 2008 Lokastaða: 11. sæti Sigurleikir: 2 í 6 leikjum. Þjálfari: Alfreð Gíslason (2. stórmót) Fyrirliði: Ólafur Stefánsson. Besti leikur: Sigur á Ungverjalandi (36-28) Versti leikur: Tap fyrir Þýskalandi (27-35) Markahæstir hjá íslenska liðinu: Guðjón Valur Sigurðssn 34/6 Snorri Steinn Guðjónsson 28/6 Alexander Petersson 20 Ólafur Stefánsson 19/6 Róbert Gunnarsson 15 Logi Geirsson 15/1
EM 2024 í handbolta Landslið karla í handbolta Mest lesið Íslenska amman heimsmeistari fimmta árið í röð Sport Myndin af Beckham með Shaq og Yao Ming ekki úr gervigreind Fótbolti Vilja fjölskyldusvæði og að áfengi sé ekki selt í sjoppum fyrir börn Sport „Ég held að hann verði að skoða þetta“ Fótbolti Sæmundur heimsmeistari aftur Sport Heimsmeistarinn skiptir mjög óvænt um grein Sport Tvíburarnir voru með 56 stig saman í fyrsta leik Körfubolti Kristófer fjarlægir sig frá Coolbet fjölskyldunni Körfubolti Ein frægasta og ástsælasta stuðningskonan látin Körfubolti Mbappé kemur ekki til Íslands Fótbolti Fleiri fréttir Fimm íslensk mörk í langþráðum sigri Elín Klara var frábær en ekkert gekk hjá Aldísi Ástu Bjarni með tólf og KA vann meistarana Átta frá Blæ dugðu ekki til fyrsta sigursins Handboltinn í fyrsta sæti en tilbiður enn listagyðjuna Draumadeildin staðið undir væntingum Leyfðum okkur hluti sem að við höfum ekki verið að gera Háspenna þegar Selfoss fékk sín fyrstu stig Viktor Gísli og Bjarki unnu í Meistaradeildinni Nýliðarnir hársbreidd frá sigri í Krikanum Guðjón og Arnór stýrðu til sigurs í Þýskalandi Uppgjörið: Valur - Afturelding 35-25 | Magnaður Björgvin Páll lagði grunninn Sammála Snorra: „Alltaf á hreinu að við vorum á sömu blaðsíðunni“ Nýtur sín vel í sterkari deild: „Alveg sannfærður um að ég hafi valið vel“ Anton og Jónas áfram fastagestir á EM Skilur ekki hvernig var hægt að breyta víti í markmannskast ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Íslendingarnir frábærir og fögnuðu í Danmörku Allt upp á tíu hjá Elínu Klöru Varaforseti EHF handtekinn Vonast til að landsliðstreyjurnar fari í sölu á næstu vikum „Fjárhagsstaðan býður ekki upp á það að við leikum okkur með þann miðafjölda“ Lovísa Thompson kemur aftur inn í íslenska A-landsliðið Sjáðu svakalega vítakeppni þegar frændliðin börðust í bikarnum Aron Rafn hetja Hauka gegn Val og Fjölnir henti Stjörnunni úr leik Bikarmeistararnir sluppu með skrekkinn Unnu síðustu átján mínúturnar með tíu mörkum Laus úr útlegðinni og mættur heim Sjá meira