Innlent

Hálku­slysin á­berandi á bráða­mót­tökunni

Vésteinn Örn Pétursson skrifar
Hálkuslys á höfuðborgarsvæðinu setja aukið álag á bráðamóttökuna.
Hálkuslys á höfuðborgarsvæðinu setja aukið álag á bráðamóttökuna. Vísir/Vilhelm

Talsvert álag hefur verði á bráðamóttökunni í dag vegna hálkuslysa. Yfirlæknir segir álag á heilbrigðiskerfinu öllu, en reynt sé eftir fremsta megni að veita öllum þjónustu eins og best verður á kosið.

„Það hefur verið talsvert álag af því í dag. Það voru komin um tuttugu síðast þegar ég taldi, sem voru búin að leita á deildina vegna hálkuslysa í dag,“ segir Hjalti Már Björnsson, yfirlæknir á bráðamóttöku Landspítalans.

Í flestum tilfellum sé um að ræða fólk sem hafi runnið og orðið fyrir höfuðhöggum. 

„Síðan getur verið um mar, tognanir og beinbrot að ræða, sem fylgja þessum áverkum.“

Hjalti Már Björnsson er yfirlæknir á bráðamóttöku Landspítalans.Vísir/Arnar

Deildin til þess að sinna verkefnum sem þessum

Hjalti segir hálkuslys vissulega setja aukið álag á deildina.

„En til þess er deildin, að sinna þessum vandamálum. Þannig að við reynum að veita öllum eins góða þjónustu og hægt er,“ segir Hjalti.

Mikið álag sé á heilbrigðiskerfinu, eins og venjulega. 

„Þessir hálkudagar eins og þeir eru, þá þarf að brýna fyrir fólki að fara varlega og nota mannbrodda og hálkuvarnir eins og hægt er,“ segir Hjalti. 

Landspítalinn Heilbrigðismál Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið