Innlent

Tólf leitað á bráða­mót­töku vegna flug­elda­slysa

Atli Ísleifsson skrifar
Hjalti Már Björnsson, yfirlæknir á bráðamóttöku Landspítalans, segir að nokkrir einstaklingar hafi hlotið brunasár í andliti.
Hjalti Már Björnsson, yfirlæknir á bráðamóttöku Landspítalans, segir að nokkrir einstaklingar hafi hlotið brunasár í andliti. Vísir/Vilhelm/Baldur

Tólf manns hafa leitað á bráðamóttöku Landspítala vegna flugeldaslysa síðasta sólarhringinn. Í flestum tilvikum voru áverkarnir þó minniháttar.

Þetta kemur fram í tilkynningu frá Hjalta Má Björnssyni, yfirlækni á bráðamóttöku Landspítalans. Þar segir að áberandi hafi verið hversu mikilvægt sé að nota hlífðargleraugu ef verið sé að skjóta upp flugeldum í nágrenni.

„Nokkrir einstaklingar hlutu brunasár í andliti þar sem hlífðargleraugun höfðu augljóslega komið í veg fyrir alvarlegan augnáverka. Einnig voru tilvik þar sem fólk hafði talið sig standa fjarri flugeldum og því ekki verið með hlífðargleraugu en samt orðið fyrir minni háttar augnáverka vegna flugelda. Ættu því öll þau sem stödd eru utandyra þegar verið er að nota flugelda að vera með hlífðargleraugu.

Þrátt fyrir að loftmengun virðist samkvæmt mælingum hafa verið langt yfir viðmiðunarmörkum taldi enginn þeirra sem leitaði á bráðamóttöku að loftmengun vegna flugelda væri bein ástæða komunnar,“ segir í tilkynningunni.

Flugeldar Landspítalinn Áramót Heilbrigðismál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið