Fótbolti

Þýsku meistararnir steinlágu gegn Frankfurt

Hjörtur Leó Guðjónsson skrifar
Harry Kane og félagar í Bayern München máttu þola ótrúlegt tap gegn Frankfurt í dag.
Harry Kane og félagar í Bayern München máttu þola ótrúlegt tap gegn Frankfurt í dag. Markus Gilliar - GES Sportfoto/Getty Images

Þýskalandsmeistarar Bayern München máttu þola ótrúlegt 5-1 tap er liðið heimsótti Frankfurt í þýsku úrvalsdeildinni í knattspyrnu í dag.

Egyptinn Omar Marmoush kom heimamönnum í Frankfurt yfir strax á 12. mínútu leiksins áður en Eric Ebimbe tvöfaldaði forystu liðsins eftir rétt rúmlega hálftíma leik. 

Hugo Larsson skoraði svo þriðja mark heimamanna stuttu síðar, en gestirnir klóruðu í bakkann á 44. mínútu með marki frá Joshua Kimmich.

Nær komust gestirnir þó ekki því Eric Ebimbe bætti öðru marki sínu við þegar síðari hálfleikur var aðeins fimm mínútna gamall áður en Ansgar Knauff gulltryggði ótrúlegan 5-1 sigur Frankfurt.

Frankfurt situr nú í sjöunda sæti þýsku deildarinnar með 21 stig eftir 14 leiki eftir sigur dagsins. Bayern München situr hins vegar í öðru sæti deildarinnar með 32 stig, þremur stigum á eftir toppliði Bayer Leverkusen.

Úrslit dagsins

Frankfurt 5-1 Bayern München 

FC Heidenheim 3-2 SV Darmstadt

Union Berlin 3-1 Borussia Mönchengladbach

Werder Bremen 2-0 Augsburg

Wolfsburg 0-1 Freiburg

Þýski boltinn

Mest lesið


Fleiri fréttir

Sjá meira


×

Mest lesið