Viðskipti innlent

Birgitta Björg stýrir Into the Gla­cier

Atli Ísleifsson skrifar
Birgitta Björg Jónsdóttir.
Birgitta Björg Jónsdóttir. Aðsend

Birgitta Björg Jónsdóttir hefur verið ráðin framkvæmdastjóri Into the Glacier og hefur hún þegar hafið störf.

Í tilkynningu segir að Birgitta komi til Into the Glacier frá Landsvirkjun þar sem hún hafi starfað sem sérfræðingur í innkaupum. 

„Hún er flestum hnútum kunnug hjá Into the Glacier en hún starfaði um sex ára skeið sem leiðsögumaður og framkvæmdastjóri rekstrarsviðs hjá fyrirtækinu. Áður starfaði hún sem verkefnastjóri hjá Wow Air.

Birgitta er með BS gráðu í ferðamálafræði og viðskiptafræði frá HÍ ásamt meistaranámi í fjármálum fyrirtækja frá HR. Helstu áhugamál Birgittu eru badminton, snjóbretti, ferðalög og fjallgöngur.

Into the Glacier stendur að baki ísgöngunum í Langjökli. Fyrirtækið er í eigu Arctic Adventures sem er eitt öflugasta og rótgrónasta ferðaþjónustufyrirtæki landsins. Stefna Arctic Adventures er að skapa ábyrgt og öruggt aðgengi að áfangastöðum í íslensku náttúru auk þess að bjóða upp á sjálfbæra og vistvæna ferðaþjónustu um allt land,“ segir í tilkynningunni. 

Vistaskipti Ferðamennska á Íslandi Landsvirkjun


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið