Viðskipti innlent

Marel lækkaði um rúm sex prósent

Vésteinn Örn Pétursson skrifar
Höfuðstöðvar Marel í Garðabæ.
Höfuðstöðvar Marel í Garðabæ. Vísir/Hanna

Gengi bréfa í Marel lækkaði um 6,42 prósent í Kauphöllinni í dag. Í gærkvöldi var greint frá því að forstjóri félagsins væri hættur eftir tíu ára starf.

Árni Oddur Þórðarson lét af störfum sem forstjóri í gær, eftir tíu ára starf. Það gerði hann vegna réttaróvissu eftir að Arion banki leysti til sín hlutabréf hans í Eyri Invest, stórum hluthafa í Marel. 

Viðskipti með hluti í félaginu í dag námu 262 milljónum króna. Gengi í Marel hefur lækkað um 28,27 prósent frá áramótum. 

Um er að ræða stærstu gengishreyfinguna í Kauphöllinni í dag. Næst á eftir kemur Icelandair, en gengi bréfa í félaginu lækkaði um 2,57 prósent í dag. Þá lækkaði gengi í Ölgerðinni um 1,98 prósent. 

Marel Kauphöllin Vistaskipti Íslenskir bankar Arion banki Fjármálamarkaðir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið