Ærandi þögn mennta- og barnamálaráðherra – Norðurland bíður svara Hópur Inspectores Scholae Menntaskólans á Akureyri skrifar 3. nóvember 2023 07:30 Þann 5. september sl. blés mennta- og barnamálaráðherra til fundar framhaldsskólanema á Akureyri með tæplega þriggja klukkustunda fyrirvara, þar sem kynntar voru áætlanir um að leggja niður framhaldsskóla bæjarins, MA og VMA, í núverandi mynd og sameina í einn ótilgreindan skóla. Út gengu 1.500 ringlaðir nemendur með nám sitt og framtíðarplön í uppnámi. Ekki er að undra að áætlanir þessar voru harðlega gagnrýndar, ekki síst eftir að í ljós kom að fagurgali um eflingu náms var í raun yfirskin. Ráðherra sagði berlega í viðtali síðar að helsta ástæðan væri væntur sparnaður, sem á einkum að nást með færra starfsfólki og minni launakostnaði, s.s. með skertri þjónustu við nemendur. Síðan ekki söguna meir. Ekkert hefur heyrst meira frá ráðherra, skólameistarar umræddra skóla fá engar upplýsingar og því síður nemendur, allt skólastarf hefur verið skilið eftir í lausu lofti um margra vikna skeið. Í seinustu viku átti loksins að fara fram umræða um sameiningu framhaldsskóla á Alþingi og stóðu mörg í þeirri von að einhver svör myndu fást frá ráðherra um hvort hann ætli að halda áformunum um sameiningu MA og VMA til streitu eða falla frá þeim. Það voru því mikil vonbrigði að umræðunum hafi verið frestað að beiðni ráðherra og áfram ríkir því ærandi þögn um málið af hans hálfu. Þriðjudaginn næstkomandi, 7. nóvember, er þó von á að umræðan eigi sér loks stað. Í kjölfar þess að ráðherra greindi frá áformum sínum í Hofi á Akureyri voru mörg sem tjáðu sig um málið og hvöttu ráðherra til að falla frá þeim. Við undirrituð ítrekum þá hvatningu til ráðherra og í tilefni þess að málið er á leið inn í þingið þykir okkur ekki úr vegi að fara yfir málið og draga fram nokkrar staðreyndir um sameiningaráformin Norðanlands: Sameining MA og VMA er aðför að valfrelsi ungmenna á Akureyri og Norðurausturlandi. Afnám bekkjarkerfis MA gerir að verkum að ungmenni Akureyrar (og landsbyggðarinnar allrar, þar sem þar er eina heimavist bekkjarkerfisskóla) hafa ekki lengur sama val um skólakerfi og jafnaldrar á höfuðborgarsvæðinu. Slíkt er skerðing á valfrelsi, skerðing á jafnræði og alvarleg aðför að samkeppnishæfni landshlutans. Tilgangur sameiningar er óljós. Ýmist er talað um eflingu náms, líðan barna í skólum eða sparnað. Nú hefur komið í ljós, skv. orðum ráðherra, að aðaltilgangurinn er sparnaður. Vinnubrögð ráðherra hafa verið forkastanleg og samráðsleysið algert. Ráðherra hefur í engu virt tímalínu eigin starfshóps og valtað yfir skólameistarana. Barnamálaráðherra hefur valdið miklu uppnámi í framhaldsskólum og elstu bekkjum grunnskóla Akureyrar og vart var vinnufriður í skólununum vikum saman vegna málsins. Ferlið er auk þess brot á barnasáttmála Sameinuðu þjóðanna og sendi umboðsmaður barna erindi til ráðherra vegna málsins án þess að hann hafi brugðist við. Hefur erindið nú verið ítrekað tvisvar. Skýrsla starfshóps ráðherra, sú sem áætlunin er byggð á, er uppfull af rangfærslum og mótsögnum og því ekki hæf til grundvallar umbyltingar á fyrirkomulagi náms ungmenna á Norðurlandi. Fjölmargt sem tínt er til í skýrslu starfshópsins sem rök fyrir sameiningu skólanna á alls ekki við um MA. Má þar nefna að fullyrt er að aðsókn í hefðbundið bóknám fari þverrandi, þegar staðreyndin er sú að aðsókn að MA fer langt fram úr leyfðum nemendafjölda. Einnig er hamrað á að bæta þurfi nám, en nú þegar sýna gögn að nemar MA eru meðal þeirra sem standa sig hvað best í Háskóla Íslands. MA fékk ekki að fjölga nemendum eftir styttingu námsins líkt og aðrir skólar. Rekstrarörðugleikar MA væru hverfandi, jafnvel engir, ef MA fengi að fullnýta skólann og skólahúsnæðið. Var hér um að ræða eitthvert óhapp í ráðuneytinu við meðhöndlun á brothættu reiknilíkani eða var þetta meðvituð pólitík? Sameining, sem yrði í raun niðurlagning á MA, er aðför að Akureyri. Skólabærinn Akureyri á sér langa sögu þar sem MA er hjarta og hryggjarstykki þeirrar sögu. Viðbrögð við þessum áformum hafa sýnt það að MA er miklu meira en venjulegur framhaldsskóli. Hann er hryggjarstykki í skólabænum Akureyri, stór hluti af sjálfsmynd og ímynd bæjarins og bæjarbúum gríðarlega mikils virði. Það væri verið að þurrka út yfir hundrað ár af mjög ríkri menningararfleið. Sameining MA og VMA er aðför að valfrelsi ungmenna á Akureyri og Norðurausturhorninu, gerð í óljósum tilgangi öðrum en sparnaði og vinnubrögðin varðandi allt ferlið eru forkastanleg. Mikið er í húfi og við hvetjum þingheim allan, allt áhugafólk um málefni framhaldsskóla sem og fjölmiðla að halda málinu á lofti þar til ráðherra loksins rýfur þögnina og þá helst ákveður að falla frá áformum sínum um að leggja niður Menntaskólann á Akureyri. Krista Sól Guðjónsdóttir, Inspectrix Scholae Menntaskólans á Akureyri Birgir Orri Ásgrímsson, Inspector Scholae 2022-2023 Elísa Þóreyjardóttir, Inspectrix Scholae 2021-2022 Ína Soffía Hólmgrímsdóttir, Inspectrix Scholae 2020-2021 Júlíus Þór Björnsson Waage, Inspector Scholae 2019-2020 Kolbrún Ósk Jóhannsdóttir, Inspectrix Scholae 2018-2019 Ingvar Þóroddsson, Inspector Scholae 2017-2018 Björn Kristinn Jónsson, Inspector Scholae 2016-2017 Fjölnir Brynjarsson, Inspector Scholae 2015-2016 Valgeir Andri Ríkharðsson, Inspector Scholae 2014-2015 Bjarni Karlsson, Inspector Scholae 2013-2014 Sindri Már Hannesson, Inspector Scholae 2011-2012 Óli Dagur Valtýsson, Inspector Scholae 2010-2011 Axel Ingi Árnason, Inspector Scholae 2009-2010 Anna Elvíra Herrera Þórisdóttir, Inspectrix Scholae 2008-2009 Vilhjálmur B Bragason, Inspector Scholae 2007-2008 Kristín Helga Schiöth, Inspectrix Scholae 2006-2007 Hulda Hallgrímsdóttir, Inspectrix Scholae 2003-2004 Borgný Skúladóttir, Inspectrix Scholae 2002-2003 Hálfdán Pétursson, Inspector Scholae 2001-2002 Kolbrún Gunnarsdóttir, Inspectrix Scholae 2000-2001 Steinunn Vala Sigfúsdóttir, Inspectrix Scholae 1999-2000 Guðfinnur Sigurvinsson, Inspector Scholae 1998-1999 Þóra Björg Sigurðardóttir, Inspectrix Scholae 1997-1998 Gunnar Þór Jóhannesson, Inspector Scholae 1995-1996 Páll Tómas Finnsson, Inspector Scholae 1994-1995 Ómar Örn Magnússon, Inspector Scholae 1992-1993 Andri Már Þórarinsson, Inspector Scholae 1991-1992 Hjörleifur Þór Hannesson, Inspector Scholae 1990-1991 Eggert Tryggvason, Inspector Scholae 1985-1986 Kristján Sigtryggsson, Inspector Scholae 1982-1983 Þorsteinn Guðbrandsson, Inspector Scholae 1981-1982 Gunnar Snælundur Ingimarsson, Inspector Scholae 1980-1981 Ingvar Þóroddsson, Inspector Scholae 1972-1973 Viltu birta grein á Vísi? Sendu okkur póst. Senda grein Skóla - og menntamál Framhaldsskólar Akureyri Mest lesið Halldór 24.05.2025 Halldór #blessmeta - önnur grein Guðrún Hrefna Guðmundsdóttir Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Stéttarkerfi Halldóra Lillý Jóhannsdóttir Skoðun Daði Már týnir sjálfum sér Heiðrún Lind Marteinsdóttir Skoðun Hvers virði er lambakjöt? Hafliði Halldórsson Skoðun Nú þurfa foreldrar að vera hugrakkir Jón Pétur Zimsen Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun Skoðun Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar Skoðun #blessmeta - önnur grein Guðrún Hrefna Guðmundsdóttir skrifar Skoðun Hvers virði er lambakjöt? Hafliði Halldórsson skrifar Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Skoðun Framtíðin fær húsnæði Ingunn Gunnarsdóttir skrifar Sjá meira
Þann 5. september sl. blés mennta- og barnamálaráðherra til fundar framhaldsskólanema á Akureyri með tæplega þriggja klukkustunda fyrirvara, þar sem kynntar voru áætlanir um að leggja niður framhaldsskóla bæjarins, MA og VMA, í núverandi mynd og sameina í einn ótilgreindan skóla. Út gengu 1.500 ringlaðir nemendur með nám sitt og framtíðarplön í uppnámi. Ekki er að undra að áætlanir þessar voru harðlega gagnrýndar, ekki síst eftir að í ljós kom að fagurgali um eflingu náms var í raun yfirskin. Ráðherra sagði berlega í viðtali síðar að helsta ástæðan væri væntur sparnaður, sem á einkum að nást með færra starfsfólki og minni launakostnaði, s.s. með skertri þjónustu við nemendur. Síðan ekki söguna meir. Ekkert hefur heyrst meira frá ráðherra, skólameistarar umræddra skóla fá engar upplýsingar og því síður nemendur, allt skólastarf hefur verið skilið eftir í lausu lofti um margra vikna skeið. Í seinustu viku átti loksins að fara fram umræða um sameiningu framhaldsskóla á Alþingi og stóðu mörg í þeirri von að einhver svör myndu fást frá ráðherra um hvort hann ætli að halda áformunum um sameiningu MA og VMA til streitu eða falla frá þeim. Það voru því mikil vonbrigði að umræðunum hafi verið frestað að beiðni ráðherra og áfram ríkir því ærandi þögn um málið af hans hálfu. Þriðjudaginn næstkomandi, 7. nóvember, er þó von á að umræðan eigi sér loks stað. Í kjölfar þess að ráðherra greindi frá áformum sínum í Hofi á Akureyri voru mörg sem tjáðu sig um málið og hvöttu ráðherra til að falla frá þeim. Við undirrituð ítrekum þá hvatningu til ráðherra og í tilefni þess að málið er á leið inn í þingið þykir okkur ekki úr vegi að fara yfir málið og draga fram nokkrar staðreyndir um sameiningaráformin Norðanlands: Sameining MA og VMA er aðför að valfrelsi ungmenna á Akureyri og Norðurausturlandi. Afnám bekkjarkerfis MA gerir að verkum að ungmenni Akureyrar (og landsbyggðarinnar allrar, þar sem þar er eina heimavist bekkjarkerfisskóla) hafa ekki lengur sama val um skólakerfi og jafnaldrar á höfuðborgarsvæðinu. Slíkt er skerðing á valfrelsi, skerðing á jafnræði og alvarleg aðför að samkeppnishæfni landshlutans. Tilgangur sameiningar er óljós. Ýmist er talað um eflingu náms, líðan barna í skólum eða sparnað. Nú hefur komið í ljós, skv. orðum ráðherra, að aðaltilgangurinn er sparnaður. Vinnubrögð ráðherra hafa verið forkastanleg og samráðsleysið algert. Ráðherra hefur í engu virt tímalínu eigin starfshóps og valtað yfir skólameistarana. Barnamálaráðherra hefur valdið miklu uppnámi í framhaldsskólum og elstu bekkjum grunnskóla Akureyrar og vart var vinnufriður í skólununum vikum saman vegna málsins. Ferlið er auk þess brot á barnasáttmála Sameinuðu þjóðanna og sendi umboðsmaður barna erindi til ráðherra vegna málsins án þess að hann hafi brugðist við. Hefur erindið nú verið ítrekað tvisvar. Skýrsla starfshóps ráðherra, sú sem áætlunin er byggð á, er uppfull af rangfærslum og mótsögnum og því ekki hæf til grundvallar umbyltingar á fyrirkomulagi náms ungmenna á Norðurlandi. Fjölmargt sem tínt er til í skýrslu starfshópsins sem rök fyrir sameiningu skólanna á alls ekki við um MA. Má þar nefna að fullyrt er að aðsókn í hefðbundið bóknám fari þverrandi, þegar staðreyndin er sú að aðsókn að MA fer langt fram úr leyfðum nemendafjölda. Einnig er hamrað á að bæta þurfi nám, en nú þegar sýna gögn að nemar MA eru meðal þeirra sem standa sig hvað best í Háskóla Íslands. MA fékk ekki að fjölga nemendum eftir styttingu námsins líkt og aðrir skólar. Rekstrarörðugleikar MA væru hverfandi, jafnvel engir, ef MA fengi að fullnýta skólann og skólahúsnæðið. Var hér um að ræða eitthvert óhapp í ráðuneytinu við meðhöndlun á brothættu reiknilíkani eða var þetta meðvituð pólitík? Sameining, sem yrði í raun niðurlagning á MA, er aðför að Akureyri. Skólabærinn Akureyri á sér langa sögu þar sem MA er hjarta og hryggjarstykki þeirrar sögu. Viðbrögð við þessum áformum hafa sýnt það að MA er miklu meira en venjulegur framhaldsskóli. Hann er hryggjarstykki í skólabænum Akureyri, stór hluti af sjálfsmynd og ímynd bæjarins og bæjarbúum gríðarlega mikils virði. Það væri verið að þurrka út yfir hundrað ár af mjög ríkri menningararfleið. Sameining MA og VMA er aðför að valfrelsi ungmenna á Akureyri og Norðurausturhorninu, gerð í óljósum tilgangi öðrum en sparnaði og vinnubrögðin varðandi allt ferlið eru forkastanleg. Mikið er í húfi og við hvetjum þingheim allan, allt áhugafólk um málefni framhaldsskóla sem og fjölmiðla að halda málinu á lofti þar til ráðherra loksins rýfur þögnina og þá helst ákveður að falla frá áformum sínum um að leggja niður Menntaskólann á Akureyri. Krista Sól Guðjónsdóttir, Inspectrix Scholae Menntaskólans á Akureyri Birgir Orri Ásgrímsson, Inspector Scholae 2022-2023 Elísa Þóreyjardóttir, Inspectrix Scholae 2021-2022 Ína Soffía Hólmgrímsdóttir, Inspectrix Scholae 2020-2021 Júlíus Þór Björnsson Waage, Inspector Scholae 2019-2020 Kolbrún Ósk Jóhannsdóttir, Inspectrix Scholae 2018-2019 Ingvar Þóroddsson, Inspector Scholae 2017-2018 Björn Kristinn Jónsson, Inspector Scholae 2016-2017 Fjölnir Brynjarsson, Inspector Scholae 2015-2016 Valgeir Andri Ríkharðsson, Inspector Scholae 2014-2015 Bjarni Karlsson, Inspector Scholae 2013-2014 Sindri Már Hannesson, Inspector Scholae 2011-2012 Óli Dagur Valtýsson, Inspector Scholae 2010-2011 Axel Ingi Árnason, Inspector Scholae 2009-2010 Anna Elvíra Herrera Þórisdóttir, Inspectrix Scholae 2008-2009 Vilhjálmur B Bragason, Inspector Scholae 2007-2008 Kristín Helga Schiöth, Inspectrix Scholae 2006-2007 Hulda Hallgrímsdóttir, Inspectrix Scholae 2003-2004 Borgný Skúladóttir, Inspectrix Scholae 2002-2003 Hálfdán Pétursson, Inspector Scholae 2001-2002 Kolbrún Gunnarsdóttir, Inspectrix Scholae 2000-2001 Steinunn Vala Sigfúsdóttir, Inspectrix Scholae 1999-2000 Guðfinnur Sigurvinsson, Inspector Scholae 1998-1999 Þóra Björg Sigurðardóttir, Inspectrix Scholae 1997-1998 Gunnar Þór Jóhannesson, Inspector Scholae 1995-1996 Páll Tómas Finnsson, Inspector Scholae 1994-1995 Ómar Örn Magnússon, Inspector Scholae 1992-1993 Andri Már Þórarinsson, Inspector Scholae 1991-1992 Hjörleifur Þór Hannesson, Inspector Scholae 1990-1991 Eggert Tryggvason, Inspector Scholae 1985-1986 Kristján Sigtryggsson, Inspector Scholae 1982-1983 Þorsteinn Guðbrandsson, Inspector Scholae 1981-1982 Gunnar Snælundur Ingimarsson, Inspector Scholae 1980-1981 Ingvar Þóroddsson, Inspector Scholae 1972-1973
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun