Innlent

Sam­fylkingin fengi jafn­marga þing­menn og ríkis­stjórnin

Árni Sæberg skrifar
Kristrún Frostadóttir, formaður Samfylkingar, mætti vel við una ef gengið yrði til kosninga á morgun.
Kristrún Frostadóttir, formaður Samfylkingar, mætti vel við una ef gengið yrði til kosninga á morgun. Stöð 2/Egill

Samfylkingin fengi jafnmarga þingmenn og stjórnarflokkarnar þrír samanlagt ef gengið yrði til kosninga í dag.

Þetta er niðurstaða nýjasta þjóðarpúls Gallup, sem ríkisútvarpið greinir frá. Samkvæmt könnuninni, sem gerð var dagana dagana 2. til 31. október, mælist Samfylkingin langstærst flokka með 29,1 prósent fylgi.

Þar á eftir er Sjálfstæðisflokkurinn með 20,5 prósent fylgi, nánast það sama og í síðustu könnun og þar á eftir Píratar með 10,2 prósent, örlítið meira en síðast.

Miðflokkur mælist með 8,6 prósent, Viðreisn 7,5 prósent, Framsóknarflokkurinn 7,4 prósent, Flokkur fólksins 6,5 prósent, Vinstri Græn 6 prósent og Sósíalistaflokkur Íslands 4,1 prósent.

Yrði þetta niðurstaða kosninga fengi Samfylking 21 þingmann, Sjálfstæðisflokkur 14, Píratar sex, Viðreisn og Miðflokkur fimm, Framsóknarflokkur og Flokkur fólksins fjóra, Vinstri græn þrjá og Sósíalistaflokkur Íslands einn.

Það þýðir að Samfylking fengi jafnmarga þingmenn og ríkisstjórnarflokkarnir þrír til samans, sem eru nú með 38 þingmenn.

Samfylkingin Ríkisstjórn Katrínar Jakobsdóttur Alþingi Skoðanakannanir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið