Viðskipti innlent

Barbara Inga ráðin reglu­vörður Ís­lands­banka

Árni Sæberg skrifar
Barbara Inga tekur við starfi regluvarðar Íslandsbanka á miðvikudaginn.
Barbara Inga tekur við starfi regluvarðar Íslandsbanka á miðvikudaginn. Íslandsbanki/Vísir/Vilhelm

Barbara Inga Albertsdóttir hefur verið ráðin framkvæmdastjóri Regluvörslu Íslandsbanka.

Þetta segir í fréttatilkynningu frá Íslandsbanka. Þar segir að Barbara Inga hafi áður starfað sem „Global Head of Regulatory Change“ hjá Deutsche Bank, þar sem hún hafi borið ábyrgð á meðferð reglubreytinga og áhersla þar meðal annars lögð á að greina tækifæri sem breytingarnar höfðu á starfsemi bankans. 

Barbara Inga hafi starfað hjá Wells Fargo og fyrir bæði breska fjármálaeftirlitið (FCA) sem og það íslenska (FME). Barbara hafi komið til liðs við Íslandsbanka á haustdögum þar sem hún hafi unnið að umbótaverkefnum. Hún taki við starfi framkvæmdastjóra regluvörslu 1. nóvember næstkomandi.

Barbara sé með BA og meistaragráðu í lögfræði frá Háskóla Íslands og LL.M í „International Financial Law“ frá King's College London.

Barbara taki við af Rakel Ásgeirsdóttur, sem hafi verið ráðin forstöðumaður inn á skrifstofu bankastjóra. Hún tók við starfi regluvarðar í apríl síðastliðnum.

Íslandsbanki Vistaskipti Íslenskir bankar

Tengdar fréttir

Rakel nýr reglu­vörður Ís­lands­banka

Íslandsbanki hefur ráðið Rakel Ásgeirsdóttur í stöðu regluvarðar hjá bankanum. Hún tekur við starfinu af Rut Gunnarsdóttur sem tók við stöðunni árið 2015 og sagði starfinu lausu í mars.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið