Lögmaður hjá SA nýr aðstoðarmaður Guðrúnar

Atli Ísleifsson skrifar 5. október 2023 14:13

Árni Grétar Finnsson og Guðrún Hafsteinsdóttir dómsmálaráðherra. Vísir/Arnar

Árni Grétar Finnsson, lögmaður á efnahags- og samkeppnishæfnissviði Samtaka atvinnulífsins, hefur verið ráðinn aðstoðarmaður Guðrúnar Hafsteinsdóttur dómsmálaráðherra. Hreinn Loftsson lét nýverið af störfum sem aðstoðarmaður ráðherrans.

Sagt er frá ráðningunni á vef dómsmálaráðuneytisins. Þar segir að Árni Grétar hafi lokið meistaraprófi í lögfræði frá Háskóla Íslands árið 2016 og hlotið málflutningsréttindi fyrir héraðsdómi árið 2022.

„Árni Grétar hefur starfað sem lögmaður á efnahags- og samkeppnishæfnissviði Samtaka atvinnulífsins frá byrjun ársins 2021, en áður starfaði hann sem fulltrúi á Landslögum – lögfræðistofu og hjá CATO lögmönnum. Þar áður var hann blaðamaður á Morgunblaðinu og á mbl.is.

Árni Grétar hefur mikla reynslu af félagsstörfum og var til dæmis formaður Stefnis, félags ungra sjálfstæðismanna í Hafnarfirði 2012-2014, varaformaður Orators 2013-2014 og ritari Stúdentaráðs Háskóla Íslands 2012-2013. Hann hefur einnig starfað í fjölmörgum nefndum og stjórnum á vegum stjórnvalda og í atvinnulífinu.

Árni Grétar er fæddur og uppalinn í Hafnarfirði en býr nú í Kópavogi ásamt eiginkonu sinni, Melkorku Þöll Vilhjálmsdóttur, lögfræðingi hjá Hugverkastofunni, og eiga þau þrjú börn.

Árni Grétar er annar tveggja aðstoðarmanna dómsmálaráðherra en fyrir er Björg Ásta Þórðardóttir sem tók nýlega til starfa,“ segir í tilkynningunni.

Vistaskipti Ríkisstjórn Katrínar Jakobsdóttur Sjálfstæðisflokkurinn

Tengdar fréttir

Hreinn hættur og Björg Ásta ráðin aðstoðarmaður

Björg Ásta Þórðardóttir hefur verið ráðin aðstoðarmaður Guðrúnar Hafsteinsdóttur, dómsmálaráðherra. Hún tekur við af Hreini Loftssyni, sem hefur látið af störfum.

21. september 2023 10:07

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir