Fótbolti

Lára Kristín kölluð inn í landsliðshópinn fyrir Alexöndru

Ágúst Orri Arnarson skrifar
Lára Kristín (fyrir miðju) fagnar sigri með liðsfélögum sínum í Val.
Lára Kristín (fyrir miðju) fagnar sigri með liðsfélögum sínum í Val.

Þorsteinn Halldórsson, landsliðsþjálfari kvenna, hefur gert breytingu á hópnum sem mætir Wales og Þýskalandi í Þjóðadeildinni. 

Lára Kristín Pedersen hefur verið kölluð inn í landsliðshópinn fyrir Alexöndru Jóhannsdóttur. Alexandra spilar með Fiorentina á Ítalíu, hún spilaði síðustu tvo landsleiki Íslands gegn Finnlandi og Austurríki og á í heildina 35 A-landsleiki að baki. 

Lára hefur verið lykilmaður í meistaraliði Vals síðustu ár og á að baki 2 A-landsleiki auk þess að hafa leikið fyrir öll yngri landslið Íslands. Hún hóf feril sinn árið 2010 hjá uppeldisfélaginu Aftureldingu en hefur síðan leikið fyrir Stjörnuna, Þór/KA, KR og Val. Samtals hefur hún spilað 211 leiki og skorað 18 mörk í efstu deild. 

KSÍ tilkynnti þessar breytingar á samfélagsmiðlum sínum. 

Ísland mætir sem fyrr segir Wales og Þýskalandi 22. og 26. september en þetta verða fyrstu viðureign liðsins í Þjóðadeildinni. Ísland leikur í A deild, riðli 3, en auk þessara landa er Danmörk með í riðlinum. 




Fleiri fréttir

Sjá meira


×