Vaxtahækkanir hafa allar tekið gildi hjá stóru bönkunum

Atli Ísleifsson skrifar 5. september 2023 11:24

Jón Guðni Ómarsson er bankastjóri Íslandsbanka. Vísir/Vilhelm

Vaxtahækkanir hjá Íslandsbanka vegna stýrivaxtahækkunar Seðlabankans í síðasta mánuði tóku gildi í gær og hafa vaxtahækkanir því tekið gildi hjá öllum stóru viðskiptabönkunum.

Íslandsbanki tilkynnti um yfirvofandi vaxtahækkanir í upphafi mánaðar, en áður höfðu bæði Arion banki og Landsbankinn tilkynnt um vaxtahækkanir.

Peningastefnunefnd Seðlabanka Íslands ákvað í síðustu viku að hækka stýrivexti um 0,50 prósentustig. Meginvextir bankans, vextir á sjö daga bundnum innlánum, fóru því úr 8,75 prósentum í 9,25.

Á vef Íslandsbanka segir að vextirnir hjá bankanum hafi breyst í gær, 4. september, en hjá Ergo þann 8. september næstkomandi.

„Vaxtabreytingarnar eru eftirfarandi:

Vextir á óverðtryggðum innlánsreikningum hækka um 0,50 prósentustig.
Vextir á verðtryggðum innlánsreikningum einstaklinga og fyrirtækja hækka um allt að 0,50 prósentustig.
Vextir á almennum veltureikningum hækka um 0,35 prósentustig.
Breytilegir vextir óverðtryggðra húsnæðislána hækka um 0,50 prósentustig.
Fastir vextir óverðtryggðra húsnæðislána til 3 ára hækka um 0,40 prósentustig.
Breytilegir vextir verðtryggðra húsnæðislána hækka um 0,50 prósentustig.
Fastir vextir verðtryggðra húsnæðislána til 5 ára hækka um 0,50 prósentustig.
Breytilegir óverðtryggðir kjörvextir hækka um 0,50 prósentustig.
Breytilegir verðtryggðir kjörvextir hækka um 0,30 prósentustig.
Breytilegir óverðtryggðir kjörvextir Ergo og vextir bílalána og bílasamninga hækka um 0,50 prósentustig.
Yfirdráttarvextir einstaklinga og fyrirtækja hækka um 0,50 prósentustig.

Breytingar á lánum sem falla undir lög um neytendalán eða lög um fasteignalán til neytenda taka þó gildi í samræmi við skilmála þeirra og tilkynningar þar að lútandi,“ segir á vef bankans.

Íslenskir bankar Íslandsbanki Fjármál heimilisins

Tengdar fréttir

Landsbankinn hækkar vextina

Landsbankinn tilkynnti síðdegis í gær um hækkun á vöxtum hjá bankanum í kjölfar stýrivaxtahækkunar Seðlabankans og tekur ný vaxtatafla gildi í dag. Arion banki tilkynnti sömuleiðis um vaxtahækkanir í gær.

1. september 2023 07:29

Landsbankinn hækkar vextina

1. september 2023 07:29

Fyrstur stóru viðskiptabankanna til að tilkynna um vaxtahækkun

Arion banki hefur tilkynnt um hækkun vaxta á inn- og útlánum hjá bankanum í kjölfar stýrivaxtaákvörðunar Seðlabankans í síðustu viku. Breytingarnar taka gildi í dag.

31. ágúst 2023 08:59

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.