Ragnar Sigurður til Við­skipta­ráðs

Í tilkynningu segir að Ragnar sé með BS próf í hagfræði frá Háskóla Íslands og hafi lokið meistaraprófi í alþjóða- og stjórnmálahagfræði frá Nanyang tækniháskólanum í Singapúr árið 2022. 

„Undanfarið hefur hann starfað sem fulltrúi í upplýsingadeild utanríkisráðuneytisins og kom þar meðal annars að undirbúningi Reykjavíkurfundar leiðtoga Evrópuráðsins. Áður var Ragnar starfsnemi á aðalræðisskrifstofu Íslands í New York auk þess að starfa fyrir Minjastofnun og Upplýsingamiðstöð Djúpavogs.

Starf Ragnars Sigurðar hjá Viðskiptaráði mun fyrst og fremst snúa að málefnastarfi og útgáfu ráðsins, svo sem hagfræðilegum greiningum, skýrslugerð og öðrum skrifum auk þátttöku í öðrum verkefnum,“ segir í tilkynningunni.