Innlent

Pawel tekur við af Þórdísi vegna liðskiptaaðgerðar

Ólafur Björn Sverrisson skrifar
Pawel tekur við af Þórdísi Lóu. Bæði sóttust þau eftir fyrsta sæti á lista Viðreisnar fyrir síðustu borgarstjórnarkosningar.
Pawel tekur við af Þórdísi Lóu. Bæði sóttust þau eftir fyrsta sæti á lista Viðreisnar fyrir síðustu borgarstjórnarkosningar. vísir/vilhelm

Þórdís Lóa Þórhallsdóttir, borgarfulltrúi Viðreisnar og forseti borgarstjórnar, verður í veikindaleyfi til lok nóvember vegna liðskiptaaðgerðar sem hún gekkst undir í vikunni. Pawel Bartoszek tekur við sem borgarfulltrúi Viðreisnar á meðan. 

Greint var frá því á fundi forsætisnefndar í dag að Þórdís Lóa væri komin í veikindaleyfi en við vinnslu fréttar Vísis náðist ekki í Þórdísi.

„Þá er komið að því, ég er komin með langþráð nýtt hné,“ skrifar Þórdís á Facebook þar sem hún greinir frá tíðindunum og ástæðu leyfisins.

„Í gær fór ég í liðskiptaaðgerð sem ég hef beðið lengi eftir, þökk sé áttaki heilbrigðisráðherra á biðlistum þar sem gerður var samningur við tvö sjálfstæð heilbrigðisfyrirtæki þá komst ég að hjá Klínikinni. Ég er því komin í veikindaleyfi til 30. nóvember.“

Pawel tekur því við sem borgarfulltrúi og Jóhanna Dýrunn Jónsdóttir verður varaborgarfulltrúi. 

„Ég mun sinna nokkrum stjórnarstörfum og óformlegum störfum oddvita,“ skrifar Þórdís Lóa og segir eiginmann sinn, Pétur Jónsson, stjana við sig. Búið sé að senda henni lista af myndum og þáttum til að horfa á á meðan leyfinu stendur.  

Borgarstjórn Viðreisn Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið