Ferðaskrifstofuleyfi Tripical Travel fellt úr gildi Magnús Jochum Pálsson skrifar 4. ágúst 2023 06:30 Tripical Travel var stofnað árið 2017. Nafni þess var breytt í TT ferðir í síðasta mánuði og nú hefur ferðaskrifstofuleyfi þess verið fellt úr gildi Stöð 2 Ferðaskrifstofuleyfi TT ferða, sem lengst af hét Tripical Travel, hefur verið fellt úr gildi af hálfu Ferðamálastofu. Forsvarsmenn félagsins, sem reka einnig Tripical Ísland, segja það ekki hafa verið virkt undanfarið ár og því hafi þau ákveðið að viðhalda leyfinu ekki virku. Á miðvikudag birtist í Lögbirtingablaðinu tilkynning um að ferðaskrifstofuleyfi TT ferða ehf. (áður Tripical Travel ehf.), til húsa við Fiskislóð 31, hafi verið fellt úr gildi frá og með 2. ágúst af hálfu Ferðamálastofu. Í tilkynningunni skoraði Ferðamálastofa á viðskiptavini sem telja sig eiga kröfur á hendur félaginu að leggja fram skriflega kröfulýsingu fyrir 2. október. Málsmeðferðin sé rafræn og hægt sé að senda kröfur í gegnum Island.is. Mögulegar ástæður niðurfellingar Þá segir í tilkynningunni að leyfið sé fellt úr gildi samkvæmt fyrstu málsgrein fjórtándu greinar laga um Ferðamálastofu nr. 96/2018 og 27. grein laga um pakkaferðir og samtengda ferðatilhögun nr. 95/2018. Fjórtánda grein laga um Ferðamálastofu segir að leyfi skuli fellt úr gildi komi til „gjaldþrots leyfishafa eða forsvarsmanns leyfishafa eða ef hann er sviptur fjárræði.“ Ekkert bendir þó til þess að TT ferðir hafi farið í gjaldþrot. Þá segir í lögum um pakkaferðir að Ferðamálastofu sé heimilt að fella niður leyfi aðila að Ferðatryggingasjóði vanræki þeir greiðslu iðgjalds eða stofngjalds á gjalddaga, leggi ekki fram tryggingu eða veiti ekki þær upplýsingar sem nauðsynlegar eru til að meta fjárhæð iðgjalds og tryggingar. Fækka ferðaskrifstofum úr tveimur í eina Á miðvikudag reyndi Vísir að ná í Elísabetu Agnarsdóttur, annan eiganda Tripical, í síma en hafði ekki erindi sem erfiði. Aftur á móti tók starfsmaður Tripical þó við fyrirspurn þar sem spurt var hvers vegna leyfi félagsins hefði verið fellt niður. Viktor Hagalín Magnason, sonur Elísabetar og hinn eigandi Tripical, svaraði fyrirspurninni í skriflegu bréfi síðar um daginn. Þar sagði „Í morgun var ferðaskrifstofuleyfi TT ferða ehf. fellt niður í samstarfi við Ferðamálastofu.“ Einnig sagði Viktor að TT ferðir hefði ekki verið með neina starfsemi undanfarið ár og að það væru engar fyrirhugaðar eða bókaðar ferðir á vegum félagsins. Því hafi verið „ákveðið af stjórnendum TT ferða að ekki væri ástæða að halda leyfinu virku lengur,“ sagði Viktor í svarinu. Niðurfelling leyfisins hefði þó engin áhrif á starfsemi Tripical Ísland sem stofnendur TT ferða reka einnig. Ferðaskrifstofuleyfi þess væri gilt og það væri í fullum rekstri. Tripical reglulega ratað í fjölmiðla Félagið Tripical Travel ehf. var stofnað 31. janúar árið 2017 af Styrmi Elí Ingólfssyni og mæðginunum Elísabetu Agnarsdóttur og Viktori Hagalín Magnasyni. Tilgangur félagsins var rekstur ferðaskrifstofu, húsnæðis og lánastarfsemi. Styrmir Elí sem var markaðsstjóri Tripical hætti hins vegar hjá félaginu 2018, sagði sig úr stjórn þess og seldi þrjátíu prósenta hlut sinn. Eftir það fóru Elísabet og Viktor hvort um sig með helmingshlut í félaginu. Tripical var töluvert í fréttum árið 2020 í upphafi Covid-heimsfaraldursins eftir að það neitaði að endurgreiða nemendum MA fyrir útskriftarferð til Ítalíu. Félagið hafði þá gefið nemendum sólarhring til að ákveða hvort þeir vildu fara í útskriftarferðina eða ekki. Nemendurnir höfðu gert ráð fyrir að hætt hefði verið við ferðina vegna faraldursins. Tripical sagðist í fjölmiðlum einungis bjóða upp á inneign, ekki endurgreiðslu. Forsvarsmenn félagsins segjast nú hafa endurgreitt öllum að fullu leyti. Þá komst Tripical Travel aftur í fréttir í fyrra eftir að félagið hafði, með tuttugu daga fyrirvara, reynt að hækka verð á pakkaferð útskriftarhópa til Krítar vegna eldsneytishækkana. Félagið ætlaði að rukka hvern viðskiptavin aukalega um fimmtán þúsund krónur og barst Neytendastofu fjöldi kvartana vegna vinnubragða ferðaskrifstofunnar. Að lokum höfðu útskriftarnemarnir betur þar sem Neytendastofa úrskurðaði að Tripical Travel hefði verið óheimilt að hækka verðið. Stofnuðu annað félag Á þeim tímapunkti höfðu mæðginin Viktor Hagalín og Elísabet Agnarsdóttir stofnað annað einkahlutafélag, ferðaskrifstofuna Tripical ehf. árið 2021. Nafn þess félags breyttist síðan í Tripical hópaferðir ehf. samkvæmt samþykktum félagsins frá 2. mars 2022. Það var þó ekki endanlegt nafn félagsins af því 24. október 2022 var nafninu breytt í Tripical Ísland ehf. sem er núverandi nafn félagsins. Vísir sendi einnig fyrirspurn á Viktor til að spyrja út í hvers vegna seinna félagið var stofnað. „Það kom til vegna skipulagsbreytinga þar sem planið var að aðgreina einstaklingsferðir, hópaferðir og inbound ferðir,“ skrifaði Viktor í svari. Eftir stofnun seinna félagsins urðu einnig nafnabreytingar á fyrsta félaginu. Á hluthafafundi félagsins 2. júlí 2023 var samþykkt nafnabreyting á félaginu og fór það úr því að heita Tripical Travel ehf. í TT Ferdir ehf. Hvaða ferðir áttu TT ferðir að sjá um og hvenær var síðasta ferðin á vegum þeirra farin? „TT ferðir átti að sjá um ferðir fyrir einstaklinga á Íslandi og fór síðasta ferðin síðastliðið haust 2022,“ skrifaði Viktor. Ákvörðun væri ekki sameiginleg Vísir hafði samband við Ferðamálastofu til að spyrjast fyrir um niðurfellingu ferðaskrifstofuleyfisins. Lögfræðingur Ferðamálastofu segir að niðurfelling þess hafi ekki verið sameiginleg ákvörðun líkt og Viktor fullyrðir. „Leyfið er fellt niður af hálfu Ferðamálastofu af því þau uppfylla ekki skilyrði laga um pakkaferðir,“ sagði Sara Halldórsdóttir, lögfræðingur sem fer með leyfismál- og stjórnsýsluleg málefni hjá stofnuninni, í samtali við Vísi. Þið gefið ekki upp nákvæmlega hvaða skilyrði félagið uppfyllir ekki? „Nei, við myndum ekki gera það,“ sagði Sara. Á vef Ferðamálastofa segir að niðurfelling ferðaskrifstofuleyfis geti verið af tvennum toga. Að beiðni leyfishafa eða að frumkvæði Ferðamálastofu. Er rétt að forsvarsmenn hafi fellt leyfið niður í samstarfi við Ferðamálastofu? „Þetta er ekki sameiginleg ákvörðun, þetta er ákvörðun Ferðamálastofu,“ sagði hún. Ferðamálastofa er ríkisstofnun sem fer með stjórnsýslu ferðamála.Ferðamálastofa Ferðamálastofa veitir tvenns konar ferðaskrifstofuleyfi, það eru annars vegar dagsferðaleyfi og ferðaskrifstofuleyfi. Að sögn Söru eru þau seinni um 385 talsins. Gerist það reglulega að svona leyfi eru felld úr gildi? „Það gerist alveg. Þetta er í rauninni þannig að þegar þú ert með ferðaskrifstofuleyfi þarftu að sækja um endurnýjun ár hvert, fyrir 1. apríl,“ sagði Sara. „Ef þú skilar ekki inn gögnum þá getum við ekki gefið út ákvörðun um það hvað þú þarft að borga í tryggingu. Þú þarft alltaf að leggja fram tryggingu til að geta starfað og verið með leyfið.“ „Sumir aðilar eru ekkert lengur í neinum rekstri og þá getur fólk óskað eftir því að fella niður leyfi sjálft. Þá erum við ekki auglýsa í Lögbirtingi eftir kröfum. Þegar Ferðamálastofa fellir niður leyfið sendum við áskorun um innkallanir á leyfum,“ sagði Sara. Ákvörðunin víst sameiginleg Þegar blaðamaður innti Viktor eftir viðbrögðum við þeirri staðhæfingu að ákvörðunin hefði ekki verið sameiginleg hafði hann aðra sögu að segja af samskiptum Tripical og Ferðamálastofu. „Fulltrúi frá TT ferðum fór á fund með fulltrúum ferðamálastofu og var þar ákveðið að fella leyfið niður,“ sagði Viktor í skriflefu svari. „TT ferðir ehf hafa afhent Ferðamálastofu öll gögn sem óskað var eftir, stofngjald í ferðatryggingasjóð var greitt þegar sjóðurinn var stofnaður árið 2021, iðgjald í sjóðinn fyrir þetta ár var greitt 12. maí sl. og iðgjöld vegna fyrri ára voru einnig greidd,“ skrifaði hann einnig. Þá vildi hann ítreka það að engar ferðir væru bókaðar eða fyrirhugaðar á vegum félagsins. Viktor hefur ekki svarað því hvers vegna tilkynningin um niðurfellingu leyfisins sé skilgreind þannig í Lögbirtingablaðinu að hún sé af hálfu Ferðamálastofu en ekki af því rekstri félagsins var hætt að beiðni leyfishafa. Hér fyrir neðan má sjá tilkynninguna sem birtist í Lögbirtingablaðinu: Áskorun - Ferðaskrifstofuleyfi fellt úr gildi Leyfi TT ferðir ehf. (áður Tripical Travel ehf.) fellt niður. Ferðaskrifstofuleyfi TT ferðir ehf. (áður Tripical Travel ehf.), kt. 460217-1050, Fiskislóð 31, 101 Reykjavík, hefur verið fellt úr gildi frá og með 2. ágúst af hálfu Ferðamálastofu skv. 1. mgr. 14. gr. laga um Ferðamálastofu nr. 96/2018 og 27. gr. laga um pakkaferðir og samtengda ferðatilhögun nr. 95/2018. Starfsemi ferðaskrifstofunnar var tryggingaskyld vegna sölu pakkaferðar og samtengdrar ferðatilhögunar samkvæmt VII. kafla laga um pakkaferðir nr. 95/2018. Ferðatryggingasjóður endurgreiðir ferðamanni þær greiðslur sem hann hefur innt af hendi vegna pakkaferðar eða samtengdrar ferðatilhögunar sem ekki er framkvæmd í samræmi við samning vegna þess að leyfi félagsins var fellt niður af hálfu Ferðamálastofu. Með vísan til 27. gr. laga um pakkaferðir er hér með skorað á þá viðskiptavini fyrirtækisins, sem telja sig eiga kröfu á hendur því, sbr. ofangreint, að leggja fram skriflegar kröfulýsingar fyrir 2. október n.k. Málsmeðferð er rafræn og kröfur ber að senda í gegnum island.is. á þar til gerðu eyðublaði og skulu fylgja fullnægjandi gögn til sönnunar um kröfuna, svo sem pakkaferðasamning, ferðalýsingu ferðaskrifstofu, kvittanir fyrir greiðslu eða millifærslu. Sjá nánar á vef Ferðamálastofu, https://www.ferdamalastofa.is/is/leyfi/ferdaskrifstofur/leidbeiningar-til-ferdamanna-um-krofur-i-tryggingarfe. Nánari upplýsingar eru veittar í síma 535 5500 eða á netfanginu krofur@ferdamalastofa.is. Ferðamálastofa. Neytendur Ferðalög Ferðamennska á Íslandi Tengdar fréttir Tripical bíður eftir næstu skrefum ríkisstjórnarinnar Elísabet Agnarsdóttir, eigandi ferðaskrifstofunnar Tripical, segir ekkert liggja fyrir um framhaldið hjá ferðaskrifstofunni fyrr en ríkisstjórnin hefur ákveðið næstu skref. 24. júní 2020 10:57 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Nú er hægt að elta góða veðrið um landið með kortavef Já.is Samstarf Eitruð vinnustaðamenning algeng og margfaldar líkur á kulnun Atvinnulíf Sagðir vilja frekar loka TikTok en selja Viðskipti erlent Tryggðu sér 300 milljóna króna fjármögnun Viðskipti innlent Fleiri fréttir Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Sjá meira
Á miðvikudag birtist í Lögbirtingablaðinu tilkynning um að ferðaskrifstofuleyfi TT ferða ehf. (áður Tripical Travel ehf.), til húsa við Fiskislóð 31, hafi verið fellt úr gildi frá og með 2. ágúst af hálfu Ferðamálastofu. Í tilkynningunni skoraði Ferðamálastofa á viðskiptavini sem telja sig eiga kröfur á hendur félaginu að leggja fram skriflega kröfulýsingu fyrir 2. október. Málsmeðferðin sé rafræn og hægt sé að senda kröfur í gegnum Island.is. Mögulegar ástæður niðurfellingar Þá segir í tilkynningunni að leyfið sé fellt úr gildi samkvæmt fyrstu málsgrein fjórtándu greinar laga um Ferðamálastofu nr. 96/2018 og 27. grein laga um pakkaferðir og samtengda ferðatilhögun nr. 95/2018. Fjórtánda grein laga um Ferðamálastofu segir að leyfi skuli fellt úr gildi komi til „gjaldþrots leyfishafa eða forsvarsmanns leyfishafa eða ef hann er sviptur fjárræði.“ Ekkert bendir þó til þess að TT ferðir hafi farið í gjaldþrot. Þá segir í lögum um pakkaferðir að Ferðamálastofu sé heimilt að fella niður leyfi aðila að Ferðatryggingasjóði vanræki þeir greiðslu iðgjalds eða stofngjalds á gjalddaga, leggi ekki fram tryggingu eða veiti ekki þær upplýsingar sem nauðsynlegar eru til að meta fjárhæð iðgjalds og tryggingar. Fækka ferðaskrifstofum úr tveimur í eina Á miðvikudag reyndi Vísir að ná í Elísabetu Agnarsdóttur, annan eiganda Tripical, í síma en hafði ekki erindi sem erfiði. Aftur á móti tók starfsmaður Tripical þó við fyrirspurn þar sem spurt var hvers vegna leyfi félagsins hefði verið fellt niður. Viktor Hagalín Magnason, sonur Elísabetar og hinn eigandi Tripical, svaraði fyrirspurninni í skriflegu bréfi síðar um daginn. Þar sagði „Í morgun var ferðaskrifstofuleyfi TT ferða ehf. fellt niður í samstarfi við Ferðamálastofu.“ Einnig sagði Viktor að TT ferðir hefði ekki verið með neina starfsemi undanfarið ár og að það væru engar fyrirhugaðar eða bókaðar ferðir á vegum félagsins. Því hafi verið „ákveðið af stjórnendum TT ferða að ekki væri ástæða að halda leyfinu virku lengur,“ sagði Viktor í svarinu. Niðurfelling leyfisins hefði þó engin áhrif á starfsemi Tripical Ísland sem stofnendur TT ferða reka einnig. Ferðaskrifstofuleyfi þess væri gilt og það væri í fullum rekstri. Tripical reglulega ratað í fjölmiðla Félagið Tripical Travel ehf. var stofnað 31. janúar árið 2017 af Styrmi Elí Ingólfssyni og mæðginunum Elísabetu Agnarsdóttur og Viktori Hagalín Magnasyni. Tilgangur félagsins var rekstur ferðaskrifstofu, húsnæðis og lánastarfsemi. Styrmir Elí sem var markaðsstjóri Tripical hætti hins vegar hjá félaginu 2018, sagði sig úr stjórn þess og seldi þrjátíu prósenta hlut sinn. Eftir það fóru Elísabet og Viktor hvort um sig með helmingshlut í félaginu. Tripical var töluvert í fréttum árið 2020 í upphafi Covid-heimsfaraldursins eftir að það neitaði að endurgreiða nemendum MA fyrir útskriftarferð til Ítalíu. Félagið hafði þá gefið nemendum sólarhring til að ákveða hvort þeir vildu fara í útskriftarferðina eða ekki. Nemendurnir höfðu gert ráð fyrir að hætt hefði verið við ferðina vegna faraldursins. Tripical sagðist í fjölmiðlum einungis bjóða upp á inneign, ekki endurgreiðslu. Forsvarsmenn félagsins segjast nú hafa endurgreitt öllum að fullu leyti. Þá komst Tripical Travel aftur í fréttir í fyrra eftir að félagið hafði, með tuttugu daga fyrirvara, reynt að hækka verð á pakkaferð útskriftarhópa til Krítar vegna eldsneytishækkana. Félagið ætlaði að rukka hvern viðskiptavin aukalega um fimmtán þúsund krónur og barst Neytendastofu fjöldi kvartana vegna vinnubragða ferðaskrifstofunnar. Að lokum höfðu útskriftarnemarnir betur þar sem Neytendastofa úrskurðaði að Tripical Travel hefði verið óheimilt að hækka verðið. Stofnuðu annað félag Á þeim tímapunkti höfðu mæðginin Viktor Hagalín og Elísabet Agnarsdóttir stofnað annað einkahlutafélag, ferðaskrifstofuna Tripical ehf. árið 2021. Nafn þess félags breyttist síðan í Tripical hópaferðir ehf. samkvæmt samþykktum félagsins frá 2. mars 2022. Það var þó ekki endanlegt nafn félagsins af því 24. október 2022 var nafninu breytt í Tripical Ísland ehf. sem er núverandi nafn félagsins. Vísir sendi einnig fyrirspurn á Viktor til að spyrja út í hvers vegna seinna félagið var stofnað. „Það kom til vegna skipulagsbreytinga þar sem planið var að aðgreina einstaklingsferðir, hópaferðir og inbound ferðir,“ skrifaði Viktor í svari. Eftir stofnun seinna félagsins urðu einnig nafnabreytingar á fyrsta félaginu. Á hluthafafundi félagsins 2. júlí 2023 var samþykkt nafnabreyting á félaginu og fór það úr því að heita Tripical Travel ehf. í TT Ferdir ehf. Hvaða ferðir áttu TT ferðir að sjá um og hvenær var síðasta ferðin á vegum þeirra farin? „TT ferðir átti að sjá um ferðir fyrir einstaklinga á Íslandi og fór síðasta ferðin síðastliðið haust 2022,“ skrifaði Viktor. Ákvörðun væri ekki sameiginleg Vísir hafði samband við Ferðamálastofu til að spyrjast fyrir um niðurfellingu ferðaskrifstofuleyfisins. Lögfræðingur Ferðamálastofu segir að niðurfelling þess hafi ekki verið sameiginleg ákvörðun líkt og Viktor fullyrðir. „Leyfið er fellt niður af hálfu Ferðamálastofu af því þau uppfylla ekki skilyrði laga um pakkaferðir,“ sagði Sara Halldórsdóttir, lögfræðingur sem fer með leyfismál- og stjórnsýsluleg málefni hjá stofnuninni, í samtali við Vísi. Þið gefið ekki upp nákvæmlega hvaða skilyrði félagið uppfyllir ekki? „Nei, við myndum ekki gera það,“ sagði Sara. Á vef Ferðamálastofa segir að niðurfelling ferðaskrifstofuleyfis geti verið af tvennum toga. Að beiðni leyfishafa eða að frumkvæði Ferðamálastofu. Er rétt að forsvarsmenn hafi fellt leyfið niður í samstarfi við Ferðamálastofu? „Þetta er ekki sameiginleg ákvörðun, þetta er ákvörðun Ferðamálastofu,“ sagði hún. Ferðamálastofa er ríkisstofnun sem fer með stjórnsýslu ferðamála.Ferðamálastofa Ferðamálastofa veitir tvenns konar ferðaskrifstofuleyfi, það eru annars vegar dagsferðaleyfi og ferðaskrifstofuleyfi. Að sögn Söru eru þau seinni um 385 talsins. Gerist það reglulega að svona leyfi eru felld úr gildi? „Það gerist alveg. Þetta er í rauninni þannig að þegar þú ert með ferðaskrifstofuleyfi þarftu að sækja um endurnýjun ár hvert, fyrir 1. apríl,“ sagði Sara. „Ef þú skilar ekki inn gögnum þá getum við ekki gefið út ákvörðun um það hvað þú þarft að borga í tryggingu. Þú þarft alltaf að leggja fram tryggingu til að geta starfað og verið með leyfið.“ „Sumir aðilar eru ekkert lengur í neinum rekstri og þá getur fólk óskað eftir því að fella niður leyfi sjálft. Þá erum við ekki auglýsa í Lögbirtingi eftir kröfum. Þegar Ferðamálastofa fellir niður leyfið sendum við áskorun um innkallanir á leyfum,“ sagði Sara. Ákvörðunin víst sameiginleg Þegar blaðamaður innti Viktor eftir viðbrögðum við þeirri staðhæfingu að ákvörðunin hefði ekki verið sameiginleg hafði hann aðra sögu að segja af samskiptum Tripical og Ferðamálastofu. „Fulltrúi frá TT ferðum fór á fund með fulltrúum ferðamálastofu og var þar ákveðið að fella leyfið niður,“ sagði Viktor í skriflefu svari. „TT ferðir ehf hafa afhent Ferðamálastofu öll gögn sem óskað var eftir, stofngjald í ferðatryggingasjóð var greitt þegar sjóðurinn var stofnaður árið 2021, iðgjald í sjóðinn fyrir þetta ár var greitt 12. maí sl. og iðgjöld vegna fyrri ára voru einnig greidd,“ skrifaði hann einnig. Þá vildi hann ítreka það að engar ferðir væru bókaðar eða fyrirhugaðar á vegum félagsins. Viktor hefur ekki svarað því hvers vegna tilkynningin um niðurfellingu leyfisins sé skilgreind þannig í Lögbirtingablaðinu að hún sé af hálfu Ferðamálastofu en ekki af því rekstri félagsins var hætt að beiðni leyfishafa. Hér fyrir neðan má sjá tilkynninguna sem birtist í Lögbirtingablaðinu: Áskorun - Ferðaskrifstofuleyfi fellt úr gildi Leyfi TT ferðir ehf. (áður Tripical Travel ehf.) fellt niður. Ferðaskrifstofuleyfi TT ferðir ehf. (áður Tripical Travel ehf.), kt. 460217-1050, Fiskislóð 31, 101 Reykjavík, hefur verið fellt úr gildi frá og með 2. ágúst af hálfu Ferðamálastofu skv. 1. mgr. 14. gr. laga um Ferðamálastofu nr. 96/2018 og 27. gr. laga um pakkaferðir og samtengda ferðatilhögun nr. 95/2018. Starfsemi ferðaskrifstofunnar var tryggingaskyld vegna sölu pakkaferðar og samtengdrar ferðatilhögunar samkvæmt VII. kafla laga um pakkaferðir nr. 95/2018. Ferðatryggingasjóður endurgreiðir ferðamanni þær greiðslur sem hann hefur innt af hendi vegna pakkaferðar eða samtengdrar ferðatilhögunar sem ekki er framkvæmd í samræmi við samning vegna þess að leyfi félagsins var fellt niður af hálfu Ferðamálastofu. Með vísan til 27. gr. laga um pakkaferðir er hér með skorað á þá viðskiptavini fyrirtækisins, sem telja sig eiga kröfu á hendur því, sbr. ofangreint, að leggja fram skriflegar kröfulýsingar fyrir 2. október n.k. Málsmeðferð er rafræn og kröfur ber að senda í gegnum island.is. á þar til gerðu eyðublaði og skulu fylgja fullnægjandi gögn til sönnunar um kröfuna, svo sem pakkaferðasamning, ferðalýsingu ferðaskrifstofu, kvittanir fyrir greiðslu eða millifærslu. Sjá nánar á vef Ferðamálastofu, https://www.ferdamalastofa.is/is/leyfi/ferdaskrifstofur/leidbeiningar-til-ferdamanna-um-krofur-i-tryggingarfe. Nánari upplýsingar eru veittar í síma 535 5500 eða á netfanginu krofur@ferdamalastofa.is. Ferðamálastofa.
Áskorun - Ferðaskrifstofuleyfi fellt úr gildi Leyfi TT ferðir ehf. (áður Tripical Travel ehf.) fellt niður. Ferðaskrifstofuleyfi TT ferðir ehf. (áður Tripical Travel ehf.), kt. 460217-1050, Fiskislóð 31, 101 Reykjavík, hefur verið fellt úr gildi frá og með 2. ágúst af hálfu Ferðamálastofu skv. 1. mgr. 14. gr. laga um Ferðamálastofu nr. 96/2018 og 27. gr. laga um pakkaferðir og samtengda ferðatilhögun nr. 95/2018. Starfsemi ferðaskrifstofunnar var tryggingaskyld vegna sölu pakkaferðar og samtengdrar ferðatilhögunar samkvæmt VII. kafla laga um pakkaferðir nr. 95/2018. Ferðatryggingasjóður endurgreiðir ferðamanni þær greiðslur sem hann hefur innt af hendi vegna pakkaferðar eða samtengdrar ferðatilhögunar sem ekki er framkvæmd í samræmi við samning vegna þess að leyfi félagsins var fellt niður af hálfu Ferðamálastofu. Með vísan til 27. gr. laga um pakkaferðir er hér með skorað á þá viðskiptavini fyrirtækisins, sem telja sig eiga kröfu á hendur því, sbr. ofangreint, að leggja fram skriflegar kröfulýsingar fyrir 2. október n.k. Málsmeðferð er rafræn og kröfur ber að senda í gegnum island.is. á þar til gerðu eyðublaði og skulu fylgja fullnægjandi gögn til sönnunar um kröfuna, svo sem pakkaferðasamning, ferðalýsingu ferðaskrifstofu, kvittanir fyrir greiðslu eða millifærslu. Sjá nánar á vef Ferðamálastofu, https://www.ferdamalastofa.is/is/leyfi/ferdaskrifstofur/leidbeiningar-til-ferdamanna-um-krofur-i-tryggingarfe. Nánari upplýsingar eru veittar í síma 535 5500 eða á netfanginu krofur@ferdamalastofa.is. Ferðamálastofa.
Neytendur Ferðalög Ferðamennska á Íslandi Tengdar fréttir Tripical bíður eftir næstu skrefum ríkisstjórnarinnar Elísabet Agnarsdóttir, eigandi ferðaskrifstofunnar Tripical, segir ekkert liggja fyrir um framhaldið hjá ferðaskrifstofunni fyrr en ríkisstjórnin hefur ákveðið næstu skref. 24. júní 2020 10:57 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Nú er hægt að elta góða veðrið um landið með kortavef Já.is Samstarf Eitruð vinnustaðamenning algeng og margfaldar líkur á kulnun Atvinnulíf Sagðir vilja frekar loka TikTok en selja Viðskipti erlent Tryggðu sér 300 milljóna króna fjármögnun Viðskipti innlent Fleiri fréttir Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Sjá meira
Tripical bíður eftir næstu skrefum ríkisstjórnarinnar Elísabet Agnarsdóttir, eigandi ferðaskrifstofunnar Tripical, segir ekkert liggja fyrir um framhaldið hjá ferðaskrifstofunni fyrr en ríkisstjórnin hefur ákveðið næstu skref. 24. júní 2020 10:57