Kærastinn sleit sambandinu í komusalnum á Keflavíkurflugvelli og Íslandsferðin tók óvænta stefnu Auður Ösp Guðmundsdóttir skrifar 8. júlí 2023 10:32 Cally Beaton er þekkt sem uppistandari í Bretlandi og í grein Telegraph lýsir hún eftirminnilegri ferð sinni til Íslands. Instagram „Þegar fimmtugsafmælið mitt nálgaðist árið 2020 hélt ég af stað í rómantíska ferð til Íslands ásamt kærastanum mínum. Við lentum, og síðan sagði mér hann mér upp í komusalnum á flugvellinum.“ Þannig hefst frásögn hinnar bresku Cally Beaton sem birt var á vef Telegraph nú á dögunum. Þar lýsir hún því hvernig ferðalag hennar til Íslands tók óvænta stefnu og breytti lífi hennar til frambúðar. Það sem upphaflega átti að vera rómantísk paraferð breyttist í valdeflandi „sóló“ ferð nær fimmtugrar konu. Símtal til dótturinnar breytti öllu Cally er þekkt sem uppistandari, hlaðvarpsstjórnandi og rithöfundur í Bretlandi. View this post on Instagram A post shared by Cally Beaton (@callybeatoncomedian) Í grein Telegraph rifjar hún upp að kærastinn hennar fyrrverandi hafði verið „önugur“ í flugvélinni á leiðinni til Íslands og skyndilega hafi hann birst henni sem „dæmigerður miðaldra kall í tilvistarkreppu.“ „Ég gekk í burtu, dofin eftir áfallið, ég settist inn í bílaleigubílinn og tékkaði mig inn á hótelið, og hugsaði með mér hvað þetta væri allt saman hræðilegt. Ég hringdi í dóttur mína til að segja henni hvað ég skammaðist mín mikið og sagði henni að ég myndi koma aftur heim eftir tvo daga.“ Hún svaraði: „Þú ólst mig upp sem feminista. Þú þarft ekki karlmann til að njóta þín á Íslandi. Þú verður áfram á Íslandi og upplifir ævintýri.“ Og ég gerði það.“ Cally hélt því næst í Bláa Lónið, en hún og kærastinn höfðu bókað sérstakan brúðkauspferðarpakka í lóninu. Að sögn Cally fann starfsfólk Bláa lónsins svo mikið til með henni að vera ein á ferð að þau gáfu henni helling af ókeypis drykkjum. Á meðan hún sötraði prosecco í lóninu lenti hún á spjalli við hóp kvenna á fimmtugsaldri sem hvöttu hana áfram með þeim orðum að ,,maður kemst ekki á þennan aldur og verður skyndilega ósýnilegur!“ Hún nýtti næstu daga á Íslandi til að skoða Þingvelli, Gullfoss og Geysi og fleiri fallega staði ein síns lið. Segist hún hafa eytt fyrstu stundunum í að hlæja og gráta til skiptis á meðan hún hlustaði á Bonnie Taylor lög. Smám saman fór henni að líða betur og vera jákvæðari gagnvart aðstæðunum. „Ég fór frá því að hugsa: „Það á enginn eftir að vilja vera með mér og elska mig“ yfir í: „Ég er ósigrandi, ég get lagt Ísland að fótum mér“. Hver sá sem hefur gengið í gegnum óvænt sambandsslit kannast við þessa tilfinningu.“ View this post on Instagram A post shared by Cally Beaton (@callybeatoncomedian) Cally rifjar einnig upp þegar hún týndist, eftir að GPS tækið í símanum hennar hætti að virka, og hún endaði í kjölfarið á hóteli á Selfossi sem hún lýsir sem "litlum iðnaðarbæ." Þetta var langt frá þeirri sýn sem hún hafði haft á draumafríið á Íslandi. Hún fann lítinn veitingastað í bænum þar sem hún gæddi sér á hrossa carpaccio og hvala tataki og átti indælt kvöld, umkringd heimamönnum sem að hennar sögn eru gefnir fyrir sopann. „Svo var ég allt í einu farin að skella í mig skotum og daðra við þrekvaxinn sjómann. Þetta var mín eigin íslenska útgáfa af Mamma Mia!“ Alein og týnd Cally dvaldi einnig hjá fjölskyldu á Ólafsvöllum sem býður upp á heimagistingu og snæddi hjá þeim hreindýrakjöt sem skolað var niður með tíu mismunandi skotum. Hún heimsótti síðan Snæfellsness en á leiðinni í þjóðgarðinn á Snæfellsjökli lenti hún í ógöngum þegar stormur skall á. Skyndilega virkaði ekki staðsetningartækið í bílnum hennar, það var ekkert símasamband og Cally endaði með bílinn fastan í skurði. View this post on Instagram A post shared by Cally Beaton (@callybeatoncomedian) „Ég klæddi mig í hverja einustu flík sem ég hafði meðferðis og beið eftir að einhver myndi keyra fram hjá mér. Enginn kom. Ég stóð þarna; ísköld, alein og hjálparvana og skyndilega spruttu allar tilfinningarnar sem ég var búin að bæla niður upp á yfirborðið. Það rann upp fyrir mér hvað ég var skelfingu lostin yfir því að verða bráðum fimmtug- hvað ég óttaðist mikið að verða ósýnileg, bæði í félagslegum og rómantískum skilningi,“ segir Cally og lýsir því næst hvernig hún fékk ákveðna hugljómun á þessum tímapunkti. „Ég hugsaði með mér að ég gæti annað hvort látið mig hverfa í burtu eða þá skrifað mína sögu sjálf og haldið áfram að ganga í átt að hinu óþekkta. Ég ætlaði ekki að leyfa neinum- hvorki kærastanum mínum eða samfélaginu að ráða því hvað ég, nær fimmtug kona, gæti gert." Seinasti bærinn sem Cally hafði keyrt framhjá var of langt í burtu til að hægt væri að ganga þangað og afréð hún því að halda áfram leið sinni án þess að hafa hugmynd um hvert hún væri að fara. „Skyndilega varð mér mjög hlýtt, merki um ofkælingu og ég hugsaði með mér: „núna er komið að því, ég er að fara að deyja.“ En síðan gerðist það að í gegnum snjóbylinn sá ég glytta í lítinn veg sem klofnaði í tvennt og leiddi niður hæð í átt að pínulitlum bæ sem heitir Hellnar. Ég gekk í átt að honum og kom auga á litla og fallega kirkju þar sem ljósin voru kveikt, mér til léttis.“ Það reyndist Cally til happs að þegar hún kom inn í kirkjuna hitti hún fyrir húsvörð og eftir að hún hafði sagt honum frá raunum sínum kallaði hann til nokkra heimamenn sem útveguðu Cally gistingu í skála í nágrenninu og færðu henni mat og drykk. Þar dvaldi hún í góðu yfirlæti þar til starfsmaður bílaleigunnar kom að sækja hana. Full af bjartsýni og von Tveimur dögum eftir hrakfarirnar var hún komin aftur til Reykjavíkur, heilu og höldnu, og var hún að eigin sögn „uppfull af nýrri von og bjartsýni.“ „Eftir að horfst í augu við mína eigin uppgjöf á sjálfri mér, og sigrast á því, þá fannst mér ég vera ósigrandi- og ég uppgötvaði að ég var í raun ótrúlega spennt fyrir næsta kafla í lífi mínu. Ég fór heim og lofaði sjálfri mér því að ég myndi aldrei leyfa mér að verða ósýnileg.“ Rúsínan í pylsuendanum var sú að fyrrum kærasti Cally, sá sem sagði henni upp við komuna til Íslands, sendi henni skilaboð nokkrum dögum seinna þegar Cally var enn stödd á Íslandi og vildi hann þá taka aftur saman við hana. „Hann sendi mér skilaboð og sagði mér að hann myndi bíða eftir mér á Heathrow flugvelli þegar ég kæmi til baka. Ég sendi honum mynd af mér í sveitinni á Íslandi, kvaddi hann og lokaði síðan á hann.“ Ferðamennska á Íslandi Bretland Ástin og lífið Íslandsvinir Mest lesið „Endurtek í sífellu: Ég vil ekki deyja, ég vil ekki deyja“ Áskorun Átta ára með sinn eigin bíl á bílasýningu á Akureyri Lífið Tíminn sem fór í að ræða perra inni í hreyfingunni með ólíkindum Lífið „Ég hef aldrei reynt að verða nokkur skapaður hlutur“ Tónlist Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp Þjóðarsálin í reiðhöllinni Lífið Heilmikil skemmtidagskrá og samsöngur á Þingvöllum í dag Lífið Fleiri fréttir Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði Sjá meira
Þannig hefst frásögn hinnar bresku Cally Beaton sem birt var á vef Telegraph nú á dögunum. Þar lýsir hún því hvernig ferðalag hennar til Íslands tók óvænta stefnu og breytti lífi hennar til frambúðar. Það sem upphaflega átti að vera rómantísk paraferð breyttist í valdeflandi „sóló“ ferð nær fimmtugrar konu. Símtal til dótturinnar breytti öllu Cally er þekkt sem uppistandari, hlaðvarpsstjórnandi og rithöfundur í Bretlandi. View this post on Instagram A post shared by Cally Beaton (@callybeatoncomedian) Í grein Telegraph rifjar hún upp að kærastinn hennar fyrrverandi hafði verið „önugur“ í flugvélinni á leiðinni til Íslands og skyndilega hafi hann birst henni sem „dæmigerður miðaldra kall í tilvistarkreppu.“ „Ég gekk í burtu, dofin eftir áfallið, ég settist inn í bílaleigubílinn og tékkaði mig inn á hótelið, og hugsaði með mér hvað þetta væri allt saman hræðilegt. Ég hringdi í dóttur mína til að segja henni hvað ég skammaðist mín mikið og sagði henni að ég myndi koma aftur heim eftir tvo daga.“ Hún svaraði: „Þú ólst mig upp sem feminista. Þú þarft ekki karlmann til að njóta þín á Íslandi. Þú verður áfram á Íslandi og upplifir ævintýri.“ Og ég gerði það.“ Cally hélt því næst í Bláa Lónið, en hún og kærastinn höfðu bókað sérstakan brúðkauspferðarpakka í lóninu. Að sögn Cally fann starfsfólk Bláa lónsins svo mikið til með henni að vera ein á ferð að þau gáfu henni helling af ókeypis drykkjum. Á meðan hún sötraði prosecco í lóninu lenti hún á spjalli við hóp kvenna á fimmtugsaldri sem hvöttu hana áfram með þeim orðum að ,,maður kemst ekki á þennan aldur og verður skyndilega ósýnilegur!“ Hún nýtti næstu daga á Íslandi til að skoða Þingvelli, Gullfoss og Geysi og fleiri fallega staði ein síns lið. Segist hún hafa eytt fyrstu stundunum í að hlæja og gráta til skiptis á meðan hún hlustaði á Bonnie Taylor lög. Smám saman fór henni að líða betur og vera jákvæðari gagnvart aðstæðunum. „Ég fór frá því að hugsa: „Það á enginn eftir að vilja vera með mér og elska mig“ yfir í: „Ég er ósigrandi, ég get lagt Ísland að fótum mér“. Hver sá sem hefur gengið í gegnum óvænt sambandsslit kannast við þessa tilfinningu.“ View this post on Instagram A post shared by Cally Beaton (@callybeatoncomedian) Cally rifjar einnig upp þegar hún týndist, eftir að GPS tækið í símanum hennar hætti að virka, og hún endaði í kjölfarið á hóteli á Selfossi sem hún lýsir sem "litlum iðnaðarbæ." Þetta var langt frá þeirri sýn sem hún hafði haft á draumafríið á Íslandi. Hún fann lítinn veitingastað í bænum þar sem hún gæddi sér á hrossa carpaccio og hvala tataki og átti indælt kvöld, umkringd heimamönnum sem að hennar sögn eru gefnir fyrir sopann. „Svo var ég allt í einu farin að skella í mig skotum og daðra við þrekvaxinn sjómann. Þetta var mín eigin íslenska útgáfa af Mamma Mia!“ Alein og týnd Cally dvaldi einnig hjá fjölskyldu á Ólafsvöllum sem býður upp á heimagistingu og snæddi hjá þeim hreindýrakjöt sem skolað var niður með tíu mismunandi skotum. Hún heimsótti síðan Snæfellsness en á leiðinni í þjóðgarðinn á Snæfellsjökli lenti hún í ógöngum þegar stormur skall á. Skyndilega virkaði ekki staðsetningartækið í bílnum hennar, það var ekkert símasamband og Cally endaði með bílinn fastan í skurði. View this post on Instagram A post shared by Cally Beaton (@callybeatoncomedian) „Ég klæddi mig í hverja einustu flík sem ég hafði meðferðis og beið eftir að einhver myndi keyra fram hjá mér. Enginn kom. Ég stóð þarna; ísköld, alein og hjálparvana og skyndilega spruttu allar tilfinningarnar sem ég var búin að bæla niður upp á yfirborðið. Það rann upp fyrir mér hvað ég var skelfingu lostin yfir því að verða bráðum fimmtug- hvað ég óttaðist mikið að verða ósýnileg, bæði í félagslegum og rómantískum skilningi,“ segir Cally og lýsir því næst hvernig hún fékk ákveðna hugljómun á þessum tímapunkti. „Ég hugsaði með mér að ég gæti annað hvort látið mig hverfa í burtu eða þá skrifað mína sögu sjálf og haldið áfram að ganga í átt að hinu óþekkta. Ég ætlaði ekki að leyfa neinum- hvorki kærastanum mínum eða samfélaginu að ráða því hvað ég, nær fimmtug kona, gæti gert." Seinasti bærinn sem Cally hafði keyrt framhjá var of langt í burtu til að hægt væri að ganga þangað og afréð hún því að halda áfram leið sinni án þess að hafa hugmynd um hvert hún væri að fara. „Skyndilega varð mér mjög hlýtt, merki um ofkælingu og ég hugsaði með mér: „núna er komið að því, ég er að fara að deyja.“ En síðan gerðist það að í gegnum snjóbylinn sá ég glytta í lítinn veg sem klofnaði í tvennt og leiddi niður hæð í átt að pínulitlum bæ sem heitir Hellnar. Ég gekk í átt að honum og kom auga á litla og fallega kirkju þar sem ljósin voru kveikt, mér til léttis.“ Það reyndist Cally til happs að þegar hún kom inn í kirkjuna hitti hún fyrir húsvörð og eftir að hún hafði sagt honum frá raunum sínum kallaði hann til nokkra heimamenn sem útveguðu Cally gistingu í skála í nágrenninu og færðu henni mat og drykk. Þar dvaldi hún í góðu yfirlæti þar til starfsmaður bílaleigunnar kom að sækja hana. Full af bjartsýni og von Tveimur dögum eftir hrakfarirnar var hún komin aftur til Reykjavíkur, heilu og höldnu, og var hún að eigin sögn „uppfull af nýrri von og bjartsýni.“ „Eftir að horfst í augu við mína eigin uppgjöf á sjálfri mér, og sigrast á því, þá fannst mér ég vera ósigrandi- og ég uppgötvaði að ég var í raun ótrúlega spennt fyrir næsta kafla í lífi mínu. Ég fór heim og lofaði sjálfri mér því að ég myndi aldrei leyfa mér að verða ósýnileg.“ Rúsínan í pylsuendanum var sú að fyrrum kærasti Cally, sá sem sagði henni upp við komuna til Íslands, sendi henni skilaboð nokkrum dögum seinna þegar Cally var enn stödd á Íslandi og vildi hann þá taka aftur saman við hana. „Hann sendi mér skilaboð og sagði mér að hann myndi bíða eftir mér á Heathrow flugvelli þegar ég kæmi til baka. Ég sendi honum mynd af mér í sveitinni á Íslandi, kvaddi hann og lokaði síðan á hann.“
Ferðamennska á Íslandi Bretland Ástin og lífið Íslandsvinir Mest lesið „Endurtek í sífellu: Ég vil ekki deyja, ég vil ekki deyja“ Áskorun Átta ára með sinn eigin bíl á bílasýningu á Akureyri Lífið Tíminn sem fór í að ræða perra inni í hreyfingunni með ólíkindum Lífið „Ég hef aldrei reynt að verða nokkur skapaður hlutur“ Tónlist Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp Þjóðarsálin í reiðhöllinni Lífið Heilmikil skemmtidagskrá og samsöngur á Þingvöllum í dag Lífið Fleiri fréttir Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði Sjá meira