Dominik Szoboszlai staðfestur sem önnur sumarkaup Klopp

Szoboszlai stóðst læknisskoðun á Merseyside í dag og var í kjölfarið kynntur til leiks sem nýjasti leikmaður Liverpool-liðsins.

Þessi 22 ára gamli ungverski sóknartengiliður mun bera goðsagnakennt númer á bakinu en hann fetar í fótstpor Steven Gerrard og mun leika í treyju með númerið átta á bakinu. 

Ljóst er að Jürgen Klopp ætlar að hrista vel upp í miðjuspilinu á næsta keppnistimabili en auk Szoboszlai hefur þýski knattspyrnustjórinn fengið til liðs við sig argentínska miðvallarleikmanninn Alexis Mc Allister í sumarglugganum. 

Auk þess að geta spilað framarlega á miðjunni getur Szoboszlai þar að auki leyst báðar vængstöðurnar.