Vörur á mesta afslættinum voru hækkaðar í verði í vikunni Árni Sæberg skrifar 29. júní 2023 22:08 Benjamin Julian er verkefnastjóri verðlagseftirlits ASÍ. Stöð 2/Arnar Verkefnastjóri verðlagseftirlits hjá ASÍ kom sér upp sjálfvirkum gagnagrunni verðlags hjá hinum ýmsu fyrirtækjum á dögunum. Á innan við viku nappaði hann stórfyrirtæki sem hækkaði verð fjölda vara til þess eins að blása til útsölu þremur dögum seinna. Húsasmiðjan gaf í dag út svokallaðan sumarútsölubækling þar sem boðaður er allt að helmingsafsláttur af völdum vörum. Benjamín Julian, verkefnastjóri verðlagseftirlits ASÍ, segir þó að maðkur sé í mysunni. Í samtali við Vísi segir hann að fyrir skömmu hafi hann komið á fót rafrænu eftirliti með verði hér og þar, þar sem fæstar verslanir bjóði upp á verðsögu. „Svo tók ég eftir þessu í dag, ég skima þetta af og til, að vörur sem ég sá að höfðu hækkað um daginn voru að lækka aftur núna. Ég velti því fyrir mér hvað gæti orsakað það og kíkti á allt gagnasettið. Þá kemur í ljós að margar af þeim vörum sem fóru á útsölu í dag höfðu hækkað í verði fyrir þremur dögum síðan.“ Birti gögnin Benjamin Julian ákvað að gera gögnin aðgengileg á Grid, íslenskri vefsíðu þar sem hægt er að birta gögn á myndrænan hátt. Færsla hans á vefsíðunni ber titilinn Hvenær er útsala útsala?. Þar má meðal annars sjá grafið hér að neðan. Það sýnir verðþróun ýmissa vara, sem fóru á útsölu í dag, síðustu fimm daga. „Í dag lækkaði Húsasmiðjan verð á fjölmörgum vörum - „allt að 50% afsláttur“. Reyndar þarf stækkunargler til að finna vörur sem lækkað hafa um 50% í verði, en það eru ekki stóru tíðindin. Stóru tíðindin eru þau sem ekki er sagt frá í sumarbæklingnum: Að fyrir þremur dögum hækkaði verð á yfir 200 vörum sem lækkaði síðan aftur í verði í dag. Hlutfallsbreytingarnar, dag fyrir dag, má sjá á grafinu hér að ofan,“ segir í færslu Benjamins. Raunmeðalafsláttur 25 prósent annars vegar en aðeins 12,5 prósent hins vegar Benjamin Julian segir að gífurlegur munur sé á raunafslætti þeirra vara sem hækkaðar voru fyrir þremur dögum og þeirra sem ekki voru hækkaðar. „Það sem skilur hópana að er hins vegar, og auðvitað, að afslátturinn er sagður hærri á þeim vörum sem voru fyrst hækkaðar og svo lækkaðar. Að meðaltali eru hinar vörurnar á 25% afslætti, en kraftaverkavörurnar sem fóru til himna og stigu svo niður þremur dögum síðar eru á 30% afslætti fyrir vikið,“ segir í færslu Julians og munurinn er sýndur myndrænt: Þá sést í töflu í færslunni að raunafsláttur þeirra vara sem hækkaðar voru í vikunni er hæstur 37,7 prósent en lægstur neikvæður um 0,9 prósent. Vísvitandi blekking Benjamin Julian segir að um 1500 vörur séu á útsölu hjá Húsasmiðjunni og að aðeins um 200 þeirra hafi hækkað í verði í vikunni. Meðalafsláttur þeirra vara sem hafa ekkert breyst undanfarið sé 25 prósent í bæklingnum en þrjátíu prósent í hinum flokknum. „Þannig að það er mjög augljóst að það er mjög vísvitandi verið að færa til verðið á þessum vörum til þess að láta afsláttinn líta þannig út. Ég veit ekki hvað annað maður á að kalla þetta, það kann að vera að einhver í Húsasmiðjunni kunni skýringu á þessu, en að mínu viti er þetta bara blekking.“ „Svínslegt og ætti ekki að vera leyfilegt“ Benjamin Julian segir það miður að fleiri verslanir bjóði ekki upp á verðsögu í vefverslunum sínum. Í því felist mikil vernd fyrir neytendur. „En þar sem hún er ekki aðgengileg, þar er hægt að leika svona leiki. Það er að mínu mati svínslegt og ætti ekki að vera leyfilegt,“ segir hann. Þessu vill Benjamin Julian ráða bót á með rafræna verðlagseftirlitinu sínu. Verðlag ASÍ Verslun Neytendur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Nú er hægt að elta góða veðrið um landið með kortavef Já.is Samstarf Tryggðu sér 300 milljóna króna fjármögnun Viðskipti innlent Sagðir vilja frekar loka TikTok en selja Viðskipti erlent Fleiri fréttir Helmingur Íslendinga sáttur við falsanir og eftirlíkingar Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Kakóverð aldrei hærra og verðhækkanir á súkkulaði rétt að byrja Hvað er opið um páskana? Páskaeggin frá Nóa Síríus vinsælust Stjörnugrís sektaður fyrir íslenskan fána Súkkulaði frá Nóa hækkar mest á meðan Freyja lækkar Bónus, Extra og Heimkaup oftast með lægsta verðið á páskaeggjum Fyrirtæki sem skili milljarða hagnaði leiki nú lausum hala Fólk sæki bætur sjálft til að sleppa við „blóðuga“ þóknun Gapandi yfir gjörbreyttu frumvarpi og varar við því Breytingarnar séu stórhættulegar og á kostnað launafólks Dældu skemmdri díselolíu á bíla sína Vara eindregið við frumvarpi sem leiði til verðbólgu Undrast að það séu hreinlega ekki óeirðir á Íslandi Mál tengd Base Parking á borði Neytendasamtakanna í hverjum mánuði Landsbankinn lækkar vexti Heyrðu fyrst frá blaðamanni um dómsmálið og að þau hefðu tapað því Gerði ekki gott mót og dæmdur til að veita afslátt Hefja uppbyggingu náttúrubaða við upphaf Gullna hringsins Sjá meira
Húsasmiðjan gaf í dag út svokallaðan sumarútsölubækling þar sem boðaður er allt að helmingsafsláttur af völdum vörum. Benjamín Julian, verkefnastjóri verðlagseftirlits ASÍ, segir þó að maðkur sé í mysunni. Í samtali við Vísi segir hann að fyrir skömmu hafi hann komið á fót rafrænu eftirliti með verði hér og þar, þar sem fæstar verslanir bjóði upp á verðsögu. „Svo tók ég eftir þessu í dag, ég skima þetta af og til, að vörur sem ég sá að höfðu hækkað um daginn voru að lækka aftur núna. Ég velti því fyrir mér hvað gæti orsakað það og kíkti á allt gagnasettið. Þá kemur í ljós að margar af þeim vörum sem fóru á útsölu í dag höfðu hækkað í verði fyrir þremur dögum síðan.“ Birti gögnin Benjamin Julian ákvað að gera gögnin aðgengileg á Grid, íslenskri vefsíðu þar sem hægt er að birta gögn á myndrænan hátt. Færsla hans á vefsíðunni ber titilinn Hvenær er útsala útsala?. Þar má meðal annars sjá grafið hér að neðan. Það sýnir verðþróun ýmissa vara, sem fóru á útsölu í dag, síðustu fimm daga. „Í dag lækkaði Húsasmiðjan verð á fjölmörgum vörum - „allt að 50% afsláttur“. Reyndar þarf stækkunargler til að finna vörur sem lækkað hafa um 50% í verði, en það eru ekki stóru tíðindin. Stóru tíðindin eru þau sem ekki er sagt frá í sumarbæklingnum: Að fyrir þremur dögum hækkaði verð á yfir 200 vörum sem lækkaði síðan aftur í verði í dag. Hlutfallsbreytingarnar, dag fyrir dag, má sjá á grafinu hér að ofan,“ segir í færslu Benjamins. Raunmeðalafsláttur 25 prósent annars vegar en aðeins 12,5 prósent hins vegar Benjamin Julian segir að gífurlegur munur sé á raunafslætti þeirra vara sem hækkaðar voru fyrir þremur dögum og þeirra sem ekki voru hækkaðar. „Það sem skilur hópana að er hins vegar, og auðvitað, að afslátturinn er sagður hærri á þeim vörum sem voru fyrst hækkaðar og svo lækkaðar. Að meðaltali eru hinar vörurnar á 25% afslætti, en kraftaverkavörurnar sem fóru til himna og stigu svo niður þremur dögum síðar eru á 30% afslætti fyrir vikið,“ segir í færslu Julians og munurinn er sýndur myndrænt: Þá sést í töflu í færslunni að raunafsláttur þeirra vara sem hækkaðar voru í vikunni er hæstur 37,7 prósent en lægstur neikvæður um 0,9 prósent. Vísvitandi blekking Benjamin Julian segir að um 1500 vörur séu á útsölu hjá Húsasmiðjunni og að aðeins um 200 þeirra hafi hækkað í verði í vikunni. Meðalafsláttur þeirra vara sem hafa ekkert breyst undanfarið sé 25 prósent í bæklingnum en þrjátíu prósent í hinum flokknum. „Þannig að það er mjög augljóst að það er mjög vísvitandi verið að færa til verðið á þessum vörum til þess að láta afsláttinn líta þannig út. Ég veit ekki hvað annað maður á að kalla þetta, það kann að vera að einhver í Húsasmiðjunni kunni skýringu á þessu, en að mínu viti er þetta bara blekking.“ „Svínslegt og ætti ekki að vera leyfilegt“ Benjamin Julian segir það miður að fleiri verslanir bjóði ekki upp á verðsögu í vefverslunum sínum. Í því felist mikil vernd fyrir neytendur. „En þar sem hún er ekki aðgengileg, þar er hægt að leika svona leiki. Það er að mínu mati svínslegt og ætti ekki að vera leyfilegt,“ segir hann. Þessu vill Benjamin Julian ráða bót á með rafræna verðlagseftirlitinu sínu.
Verðlag ASÍ Verslun Neytendur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Nú er hægt að elta góða veðrið um landið með kortavef Já.is Samstarf Tryggðu sér 300 milljóna króna fjármögnun Viðskipti innlent Sagðir vilja frekar loka TikTok en selja Viðskipti erlent Fleiri fréttir Helmingur Íslendinga sáttur við falsanir og eftirlíkingar Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Kakóverð aldrei hærra og verðhækkanir á súkkulaði rétt að byrja Hvað er opið um páskana? Páskaeggin frá Nóa Síríus vinsælust Stjörnugrís sektaður fyrir íslenskan fána Súkkulaði frá Nóa hækkar mest á meðan Freyja lækkar Bónus, Extra og Heimkaup oftast með lægsta verðið á páskaeggjum Fyrirtæki sem skili milljarða hagnaði leiki nú lausum hala Fólk sæki bætur sjálft til að sleppa við „blóðuga“ þóknun Gapandi yfir gjörbreyttu frumvarpi og varar við því Breytingarnar séu stórhættulegar og á kostnað launafólks Dældu skemmdri díselolíu á bíla sína Vara eindregið við frumvarpi sem leiði til verðbólgu Undrast að það séu hreinlega ekki óeirðir á Íslandi Mál tengd Base Parking á borði Neytendasamtakanna í hverjum mánuði Landsbankinn lækkar vexti Heyrðu fyrst frá blaðamanni um dómsmálið og að þau hefðu tapað því Gerði ekki gott mót og dæmdur til að veita afslátt Hefja uppbyggingu náttúrubaða við upphaf Gullna hringsins Sjá meira