Fær ekki nöfn samnemenda sem sögðu hann slugsa Árni Sæberg skrifar 30. maí 2023 12:21 Nemandinn stundaði MBA-nám við Háskóla Íslands. Vísir/Vilhelm Nemandi í MBA-námi við Háskóla Íslands hefur ekki rétt á því að fá afrit af framvinduyfirlitum hópfélaga sinna í hópverkefni án þess að þau séu nafnhreinsuð. Nemandinn hlaut lægri einkunn fyrir verkefnið en samnemendurnir þar sem þeir sögðu hann ekki hafa tekið þátt í verkefninu sem skyldi. Þetta kemur fram í úrskurði áfrýjunarnefndar í kærumálum háskólanema í máli nemandans. Nemendinn hafði kært ákvörðun háskólaráðs Háskóla Íslands frá 9. júní árið 2022. Í ákvörðun HÍ var kæranda synjað um aðgang að nöfnum höfunda framvinduyfirlita í hópverkefni í námskeiðinu Nýsköpun, sem kennt er í MBA-námi HÍ. Nemandinn fékk einkunnina 7,0 fyrir hópverkefnið en aðrir meðlimir hópsins fengu einkunnina 8,0. Hann fékk þá skýringu að samkvæmt framvinduyfirlitum samnemenda hans hefði hann lítið lagt af mörkum í fyrstu en tekið sig á þegar leið á verkefnavinnuna. Auk þess hlaut nemandinn einkunnina 0 í þeim hluta námskeiðsins sem sneri að þátttöku og virkni í kennslustundum. Kennarinn byggði það meðal annars á því að nemandinn hafði í lengri eða skemmri tíma ekki verið á Zoom í raun og veru, þrátt fyrir yfirlýsingar um annað, og þrátt fyrir að hafa tengst kennslustund í Zoom. Þessu vildi nemandinn ekki una og sendi skólanum tölvupóst þar sem hann fór fram á gögn sem vörpuðu ljósi á einkunnagjöf kennarans. Eftir kvörtun til deildarforseta viðskiptafræðideildar Háskólans fékk nemandinn aðgang að öllum gögnum sem lágu til grundvallar einkunn fyrir matsþættina „þátttaka og virkni“ og „hópverkefni“ í námskeiðinu Nýsköpun. Meðal gagna sem nemandinn fékk voru nafnhreinsuð framvinduyfirlit samnemenda hans varðandi hópverkefnið. Hótaði að fara með málið til umba Í kjölfarið áttu sér stað nokkur samskipti milli deildarforseta og nemandans vegna ákvörðunar um að afmá nöfn höfunda framvinduyfirlitanna. Í apríl árið 2022 sendi nemandinn rektor HÍ tölvupóst sem innihélt drög að kvörtunum til umboðsmanns Alþingis og til Persónuverndar. Rektor HÍ staðfesti móttöku með tölvupósti sama dag og upplýsti jafnframt að hann liti svo á að með erindinu hefði kærandi skotið niðurstöðu deildarforseta til háskólaráðs. Nemandinn dró kæruna síðar til baka. Sama dag sendi deildarforseti viðskiptafræðideildar tölvupóst á nemandann með rökstuðningi fyrir þeirri ákvörðun sinni að afhenda honum framvinduyfirlit án þess að nöfn höfunda þeirra, og samnemenda kæranda, væru birt. Var ákvörðunin rökstudd með því að einkahagsmunir nemendanna væru slíkir að ástæða hafi verið til að takmarka gögnin að hluta. Áreitti deildarforseta sem vildi hlífa samnemendum Nemandinn sendi í kjölfar þessa ítrekaða tölvupósta á deildarforseta þar sem þess var krafist að ákvörðunin yrði endurupptekin vegna efnislegra annmarka. „Ítrekaðar tölvupóstsendingar kæranda „nálguðust það að vera áreiti“ og að deildarforseta þætti framkoma hans þannig að samnemendur hans hefðu af því ríka hagsmuni að hann fengi ekki umbeðnar upplýsingar,“ segir úrskurði nefndarinnar. Þann 9. júní 2022 tók háskólaráð kæru nemandans til úrskurðar og hafnaði kröfu hans um að fá aðgang að nöfnum þeirra sem rituðu framvinduyfirlitin. Hafði engra hagsmuna að gæta Í niðurstöðu úrskurðarnefndarinnar segir að nemandinn hafi haldið því fram að honum væri nauðsynlegt að fá upplýsingar um nöfn hvers aðila til að honum sé unnt að bregðast við því sem fram komi í skýrslunum. Nefndin taldi hins vegar að ljóst að nemandinn gæti brugðist við efni yfirlitanna og þeirra ummæla sem þar er að finna um þátttöku hans og framlag í verkefninu þó að ekki sé ljóst hver hópameðlima skrifaði hvaða framvinduyfirlit. Þannig kemur skýrlega fram í yfirlitunum hvaða atriði það eru sem samnemendur kæranda tiltóku um framlag hans og þátttöku. „Að mati nefndarinnar er því vandséð hvaða hagsmuni kærandi kann að hafa af því að fá upplýsingar um hver skrifaði hvaða yfirlit. Í því sambandi skiptir, að mati nefndarinnar, einnig máli að töluverður samhljómur er í framvinduyfirlitum um þátttöku og framlag kæranda,“ segir í úrskurði. Þá féllst nefndin á málsástæður HÍ þess efnis nafnleynd sé forsenda þess að raunhæft sé að beita jafningjamati við námsmat og miði að því að tryggja virkni nemenda og styðji við fjölbreytni í námsmati. Loks taldi nefndin að samnemendur nemandans hefðu af því ríka hagsmuni að hann fái ekki aðgang að nöfnum þeirra. Því væri öllum kröfum nemandans hafnað. Háskólar Skóla - og menntamál Stjórnsýsla Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Katrín tekur forystuna á ný og Halla T í sókn Innlent Svona voru kappræður sex efstu í baráttunni um Bessastaði Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Sjá meira
Þetta kemur fram í úrskurði áfrýjunarnefndar í kærumálum háskólanema í máli nemandans. Nemendinn hafði kært ákvörðun háskólaráðs Háskóla Íslands frá 9. júní árið 2022. Í ákvörðun HÍ var kæranda synjað um aðgang að nöfnum höfunda framvinduyfirlita í hópverkefni í námskeiðinu Nýsköpun, sem kennt er í MBA-námi HÍ. Nemandinn fékk einkunnina 7,0 fyrir hópverkefnið en aðrir meðlimir hópsins fengu einkunnina 8,0. Hann fékk þá skýringu að samkvæmt framvinduyfirlitum samnemenda hans hefði hann lítið lagt af mörkum í fyrstu en tekið sig á þegar leið á verkefnavinnuna. Auk þess hlaut nemandinn einkunnina 0 í þeim hluta námskeiðsins sem sneri að þátttöku og virkni í kennslustundum. Kennarinn byggði það meðal annars á því að nemandinn hafði í lengri eða skemmri tíma ekki verið á Zoom í raun og veru, þrátt fyrir yfirlýsingar um annað, og þrátt fyrir að hafa tengst kennslustund í Zoom. Þessu vildi nemandinn ekki una og sendi skólanum tölvupóst þar sem hann fór fram á gögn sem vörpuðu ljósi á einkunnagjöf kennarans. Eftir kvörtun til deildarforseta viðskiptafræðideildar Háskólans fékk nemandinn aðgang að öllum gögnum sem lágu til grundvallar einkunn fyrir matsþættina „þátttaka og virkni“ og „hópverkefni“ í námskeiðinu Nýsköpun. Meðal gagna sem nemandinn fékk voru nafnhreinsuð framvinduyfirlit samnemenda hans varðandi hópverkefnið. Hótaði að fara með málið til umba Í kjölfarið áttu sér stað nokkur samskipti milli deildarforseta og nemandans vegna ákvörðunar um að afmá nöfn höfunda framvinduyfirlitanna. Í apríl árið 2022 sendi nemandinn rektor HÍ tölvupóst sem innihélt drög að kvörtunum til umboðsmanns Alþingis og til Persónuverndar. Rektor HÍ staðfesti móttöku með tölvupósti sama dag og upplýsti jafnframt að hann liti svo á að með erindinu hefði kærandi skotið niðurstöðu deildarforseta til háskólaráðs. Nemandinn dró kæruna síðar til baka. Sama dag sendi deildarforseti viðskiptafræðideildar tölvupóst á nemandann með rökstuðningi fyrir þeirri ákvörðun sinni að afhenda honum framvinduyfirlit án þess að nöfn höfunda þeirra, og samnemenda kæranda, væru birt. Var ákvörðunin rökstudd með því að einkahagsmunir nemendanna væru slíkir að ástæða hafi verið til að takmarka gögnin að hluta. Áreitti deildarforseta sem vildi hlífa samnemendum Nemandinn sendi í kjölfar þessa ítrekaða tölvupósta á deildarforseta þar sem þess var krafist að ákvörðunin yrði endurupptekin vegna efnislegra annmarka. „Ítrekaðar tölvupóstsendingar kæranda „nálguðust það að vera áreiti“ og að deildarforseta þætti framkoma hans þannig að samnemendur hans hefðu af því ríka hagsmuni að hann fengi ekki umbeðnar upplýsingar,“ segir úrskurði nefndarinnar. Þann 9. júní 2022 tók háskólaráð kæru nemandans til úrskurðar og hafnaði kröfu hans um að fá aðgang að nöfnum þeirra sem rituðu framvinduyfirlitin. Hafði engra hagsmuna að gæta Í niðurstöðu úrskurðarnefndarinnar segir að nemandinn hafi haldið því fram að honum væri nauðsynlegt að fá upplýsingar um nöfn hvers aðila til að honum sé unnt að bregðast við því sem fram komi í skýrslunum. Nefndin taldi hins vegar að ljóst að nemandinn gæti brugðist við efni yfirlitanna og þeirra ummæla sem þar er að finna um þátttöku hans og framlag í verkefninu þó að ekki sé ljóst hver hópameðlima skrifaði hvaða framvinduyfirlit. Þannig kemur skýrlega fram í yfirlitunum hvaða atriði það eru sem samnemendur kæranda tiltóku um framlag hans og þátttöku. „Að mati nefndarinnar er því vandséð hvaða hagsmuni kærandi kann að hafa af því að fá upplýsingar um hver skrifaði hvaða yfirlit. Í því sambandi skiptir, að mati nefndarinnar, einnig máli að töluverður samhljómur er í framvinduyfirlitum um þátttöku og framlag kæranda,“ segir í úrskurði. Þá féllst nefndin á málsástæður HÍ þess efnis nafnleynd sé forsenda þess að raunhæft sé að beita jafningjamati við námsmat og miði að því að tryggja virkni nemenda og styðji við fjölbreytni í námsmati. Loks taldi nefndin að samnemendur nemandans hefðu af því ríka hagsmuni að hann fái ekki aðgang að nöfnum þeirra. Því væri öllum kröfum nemandans hafnað.
Háskólar Skóla - og menntamál Stjórnsýsla Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Katrín tekur forystuna á ný og Halla T í sókn Innlent Svona voru kappræður sex efstu í baráttunni um Bessastaði Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Sjá meira