Eins og sameining sé ákveðin og „sýndarsamráð“ tekið við Máni Snær Þorláksson skrifar 26. maí 2023 08:01 Geir Finnsson framhaldsskólakennari segir að svo virðist vera sem búið sé að ákveða að sameina skólana tvo. Aðsend/Keilir Framhaldsskólakennari í Keili furðar sig á því sem fram kom á fundi sem stýrihópur mennta- og barnamálaráðuneytisins boðaði til vegna mögulegrar sameiningar skólans við Fjölbrautaskóla Suðurnesja. Langflestir séu ósáttir en að hans mati virtist vera sem búið væri að taka ákvörðun um sameiningu. Nú sé eins og svokölluð sýndarsamráð hafi tekið við. Geir Finnsson starfar sem framhaldsskólakennari í Keili, nánar tiltekið í Menntaskólanum á Ásbrú (MÁ) sem starfræktur er innan Keilis. Hann mætti á fundinn sem um ræðir í vikunni en þar voru tveir fulltrúar frá stýrihópi ráðuneytisins til tals. Ásmundur Einar Daðason mennta- og barnamálaráðherra var ekki viðstaddur. Eins og búið væri að ákveða fyrirfram Í samtali við fréttastofu segir Geir að honum og öðrum sem mættu á fundinn hafi fundist sem búið væri að ákveða að sameina skólana. „Þetta lyktaði voðalega mikið eins og búið væri að taka ákvörðunina fyrirfram. Í rauninni væri þetta ferli sem var að eiga sér stað eins konar sýndarsamráð.“ Vissulega hafi verið að óska eftir skoðunum fólks á fundinum en það vakti athygli að þær virtust ekki vera skráðar niður á blað. „Það var samt svolítið kjánalegt að það var ekki einu sinni tekin niður fundargerð á þessum fundi. Þannig að okkur fannst mjög óþægilegt að það var verið að kalla eftir skoðunum okkar og áliti en svo var bara ætlast til þess að það verði munað það sem við sögðum.“ Ráðuneytið hafi bara fengið milljarð Geir segir að á fundinum hafi fulltrúar ráðuneytisins útskýrt hvers vegna verið væri að hugsa um sameiningu framhaldsskóla. „Við fengum þær skýringar að menntamálaráðherra hafði óskað eftir þremur milljörðum í viðbótarframlagi til framhaldsskólanna en fengið bara einn milljarð. Þar af leiðandi hafi þetta ferli hafist, það er að segja að skoða fýsileikann á því að spara húsaleiguna sem felst í því að vera með framhaldsskólabyggingar um allt land.“ Að sögn Geirs hafi fulltrúar ráðuneytisins þó hafnað því að aðallega væri um sparnaðaraðgerð að ræða. „Við mátum það sem svo að markmiðið með þessu væri fyrst og fremst sparnaður en þá var okkur sagt: „Nei alls ekki, þetta er til þess að efla gæði framhaldsskólanna.“ En við fengum samt engar nánari skýringar á því hvernig það á að ganga upp.“ Meirihlutinn ósáttur Geir fær ekki betur séð en að það sé mikil óánægja með sameiningu á þessum tveimur skólum. „Það var gerð könnun meðal starfsmanna og þar kom fram að langflestir væru ósáttir með þetta.“ Einnig hafi verið gerð könnun meðal nemenda og niðurstöður hennar sýni að langflestir nemendur væru einnig ósáttir. Geir segir nemendur frá skólanum hafa mætt á fundinn og fært góð rök fyrir því hvers vegna ekki ætti að sameina skólana. Námið í MÁ sé frábrugðið því sem finna má í öðrum skólum og það henti þeim betur en annað nám. „Það er náttúrulega rosalega mikilvægt að nemendur búi við meira val svo þeir geti valið sér nám við sitt hæfi.“ Vonar að hann hafi rangt fyrir sér Það er óhætt að segja að áform um sameiningar á framhaldsskólum hafi fengið töluverða gagnrýni á undanförnum vikum. Hugmyndir um sameiningu á Flensborgarskólanum í Hafnarfirði og Tækniskólanum annars vegar og Menntaskólanum við Sund og Kvennaskólanum í Reykjavík hins vegar hafa til dæmis fallið í grýttan jarðveg. Geir segir að á fundinum hafi verið spurt út í sameiningar annarra skóla, til að mynda í ljósi þess að það er gjörólík menning í þeim skólum sem hugmyndir eru um að sameina. „Þá fengust þau svör að ef þessir skólar yrðu sameinaðir gæti bara „skapast ný menning í nýjum skóla.“ Hvað svo sem það þýðir.“ Þá nefnir Geir að þeir skólar sem hafa ekki komið upp í umræðum um sameiningu séu ekki óhulltir frá slíkum örlögum. „Þau nefndu það líka að þetta sé bara fyrsta hollið. Það verði allir framhaldsskólar skoðaðir gaumgæfilega með tilsjón til sameiningar. Það getur vel verið að þó einhverjir skólar í þessu holli núna verði ekki sameinaðir þá er aldrei að vita nema það verði líka skoðuð sameining á þeim við aðra skóla.“ Að lokum segir Geir að hann voni innilega að hann hafi rangt fyrir sér. Það er að segja að ekki hafi verið um sýndarsamráð að ræða. Það eigi eftir að koma í ljós þegar ráðuneytið tilkynnir um ákvörðun sína á næstunni. Framhaldsskólar Skóla - og menntamál Reykjanesbær Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Stærsti skjálftinn 3,5 að stærð Innlent Viðræður „á viðkvæmu stigi“ og fundi frestað til morguns Innlent Búnaður Al Jazeera gerður upptækur og miðillinn í bann Erlent Eldinum í bílnum fylgdi heljarinnar sprenging Innlent „Í fangelsi eins og á Litla-Hrauni gerist allt“ Innlent Til vandræða á hóteli og réðst svo á mann við Hlemm Innlent Forsetavaktin 2024: Hver verður sjöundi forseti lýðveldisins? Innlent Karlar líklegri að ljúga á kostnað annarra Innlent Viðurkennir að hafa gengið of hart fram Innlent Hafi orðið fyrir þrýstingi úr ólíkum áttum Innlent Fleiri fréttir Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Karlar líklegri að ljúga á kostnað annarra Hafi orðið fyrir þrýstingi úr ólíkum áttum „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Tíðindi í kjaradeilu flugvallarstarfsmanna og bein útsending úr Bakgarðshlaupinu Frestun verkfalla kemur til greina „Í fangelsi eins og á Litla-Hrauni gerist allt“ Sáttasemjari boðar til fundar: Fimm dagar til stefnu Orkuskipti, innflytjendalöggjöf og bensínstöðvalóðirnar „Þetta breytti mér mjög mikið sem persónu“ Ný sýn fékk meirihluta Slagsmál enduðu með nefbroti Bíll logaði í Vesturbænum „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Sjá meira
Geir Finnsson starfar sem framhaldsskólakennari í Keili, nánar tiltekið í Menntaskólanum á Ásbrú (MÁ) sem starfræktur er innan Keilis. Hann mætti á fundinn sem um ræðir í vikunni en þar voru tveir fulltrúar frá stýrihópi ráðuneytisins til tals. Ásmundur Einar Daðason mennta- og barnamálaráðherra var ekki viðstaddur. Eins og búið væri að ákveða fyrirfram Í samtali við fréttastofu segir Geir að honum og öðrum sem mættu á fundinn hafi fundist sem búið væri að ákveða að sameina skólana. „Þetta lyktaði voðalega mikið eins og búið væri að taka ákvörðunina fyrirfram. Í rauninni væri þetta ferli sem var að eiga sér stað eins konar sýndarsamráð.“ Vissulega hafi verið að óska eftir skoðunum fólks á fundinum en það vakti athygli að þær virtust ekki vera skráðar niður á blað. „Það var samt svolítið kjánalegt að það var ekki einu sinni tekin niður fundargerð á þessum fundi. Þannig að okkur fannst mjög óþægilegt að það var verið að kalla eftir skoðunum okkar og áliti en svo var bara ætlast til þess að það verði munað það sem við sögðum.“ Ráðuneytið hafi bara fengið milljarð Geir segir að á fundinum hafi fulltrúar ráðuneytisins útskýrt hvers vegna verið væri að hugsa um sameiningu framhaldsskóla. „Við fengum þær skýringar að menntamálaráðherra hafði óskað eftir þremur milljörðum í viðbótarframlagi til framhaldsskólanna en fengið bara einn milljarð. Þar af leiðandi hafi þetta ferli hafist, það er að segja að skoða fýsileikann á því að spara húsaleiguna sem felst í því að vera með framhaldsskólabyggingar um allt land.“ Að sögn Geirs hafi fulltrúar ráðuneytisins þó hafnað því að aðallega væri um sparnaðaraðgerð að ræða. „Við mátum það sem svo að markmiðið með þessu væri fyrst og fremst sparnaður en þá var okkur sagt: „Nei alls ekki, þetta er til þess að efla gæði framhaldsskólanna.“ En við fengum samt engar nánari skýringar á því hvernig það á að ganga upp.“ Meirihlutinn ósáttur Geir fær ekki betur séð en að það sé mikil óánægja með sameiningu á þessum tveimur skólum. „Það var gerð könnun meðal starfsmanna og þar kom fram að langflestir væru ósáttir með þetta.“ Einnig hafi verið gerð könnun meðal nemenda og niðurstöður hennar sýni að langflestir nemendur væru einnig ósáttir. Geir segir nemendur frá skólanum hafa mætt á fundinn og fært góð rök fyrir því hvers vegna ekki ætti að sameina skólana. Námið í MÁ sé frábrugðið því sem finna má í öðrum skólum og það henti þeim betur en annað nám. „Það er náttúrulega rosalega mikilvægt að nemendur búi við meira val svo þeir geti valið sér nám við sitt hæfi.“ Vonar að hann hafi rangt fyrir sér Það er óhætt að segja að áform um sameiningar á framhaldsskólum hafi fengið töluverða gagnrýni á undanförnum vikum. Hugmyndir um sameiningu á Flensborgarskólanum í Hafnarfirði og Tækniskólanum annars vegar og Menntaskólanum við Sund og Kvennaskólanum í Reykjavík hins vegar hafa til dæmis fallið í grýttan jarðveg. Geir segir að á fundinum hafi verið spurt út í sameiningar annarra skóla, til að mynda í ljósi þess að það er gjörólík menning í þeim skólum sem hugmyndir eru um að sameina. „Þá fengust þau svör að ef þessir skólar yrðu sameinaðir gæti bara „skapast ný menning í nýjum skóla.“ Hvað svo sem það þýðir.“ Þá nefnir Geir að þeir skólar sem hafa ekki komið upp í umræðum um sameiningu séu ekki óhulltir frá slíkum örlögum. „Þau nefndu það líka að þetta sé bara fyrsta hollið. Það verði allir framhaldsskólar skoðaðir gaumgæfilega með tilsjón til sameiningar. Það getur vel verið að þó einhverjir skólar í þessu holli núna verði ekki sameinaðir þá er aldrei að vita nema það verði líka skoðuð sameining á þeim við aðra skóla.“ Að lokum segir Geir að hann voni innilega að hann hafi rangt fyrir sér. Það er að segja að ekki hafi verið um sýndarsamráð að ræða. Það eigi eftir að koma í ljós þegar ráðuneytið tilkynnir um ákvörðun sína á næstunni.
Framhaldsskólar Skóla - og menntamál Reykjanesbær Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Stærsti skjálftinn 3,5 að stærð Innlent Viðræður „á viðkvæmu stigi“ og fundi frestað til morguns Innlent Búnaður Al Jazeera gerður upptækur og miðillinn í bann Erlent Eldinum í bílnum fylgdi heljarinnar sprenging Innlent „Í fangelsi eins og á Litla-Hrauni gerist allt“ Innlent Til vandræða á hóteli og réðst svo á mann við Hlemm Innlent Forsetavaktin 2024: Hver verður sjöundi forseti lýðveldisins? Innlent Karlar líklegri að ljúga á kostnað annarra Innlent Viðurkennir að hafa gengið of hart fram Innlent Hafi orðið fyrir þrýstingi úr ólíkum áttum Innlent Fleiri fréttir Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Karlar líklegri að ljúga á kostnað annarra Hafi orðið fyrir þrýstingi úr ólíkum áttum „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Tíðindi í kjaradeilu flugvallarstarfsmanna og bein útsending úr Bakgarðshlaupinu Frestun verkfalla kemur til greina „Í fangelsi eins og á Litla-Hrauni gerist allt“ Sáttasemjari boðar til fundar: Fimm dagar til stefnu Orkuskipti, innflytjendalöggjöf og bensínstöðvalóðirnar „Þetta breytti mér mjög mikið sem persónu“ Ný sýn fékk meirihluta Slagsmál enduðu með nefbroti Bíll logaði í Vesturbænum „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Sjá meira