Viðskipti innlent

Sigur­jón hættir og Inga Rut verður fram­kvæmda­stjóri Kringlunnar

Bjarki Sigurðsson skrifar
Sigurjón Örn Þórisson hættir sem framkvæmdastjóri Kringlunnar í byrjun júní og tekur Inga Rut Jónsdóttir við af honum.
Sigurjón Örn Þórisson hættir sem framkvæmdastjóri Kringlunnar í byrjun júní og tekur Inga Rut Jónsdóttir við af honum.

Sigurjón Örn Þórsson mun láta af störfum sem framkvæmdastjóri Kringlunnar þann 1. júní næstkomandi. Inga Rut Jónsdóttir mun taka við af honum en Sigurjón mun taka við sem framkvæmdastjóri nýs þróunarfélags sem mynda á um uppbyggingu sem fyrirhuguð er á Kringlureitnum. 

Þetta kemur fram í tilkynningu frá Kringlunni. Sigurjón hefur gegnt stöðu framkvæmdastjóra síðastliðin sautján ár og þakkar félagið honum fyrir frábært starf síðustu ár. 

Hann mun nú  taka við sem framkvæmdastjóri félags sem mynda á um þá uppbyggingu sem er fyrirhuguð á Kringlureitnum öllum sem afmarkast við Kringlumýrarbraut, Miklubraut, Kringlu- og Listabraut. 

Vinningstillaga frá árinu 2017 um uppbyggingu á Kringlureitnum.Vatnsiðnaður

Megin hlutverk nýs þróunarfélags Kringlureitsins er að leiða áfram þróun svæðisins í samstarfi við alla hlutaðeigandi aðila og tryggja sem bestan og hraðastan framgang verkefnisins, skipulags- og framkvæmdalega og tryggja að þróun hverfisins alls tali sem best saman við þá starfsemi sem þar er fyrir,“ segir í tilkynningunni.

Svæðið allt er um 13 hektarar þar sem gert er ráð fyrir um 160 þúsund nýjum fermetrum og fjöldi íbúða getur orðið um eitt þúsund.

Inga Rut mun taka við þann 1. júní sem framkvæmdastjóri Kringlunnar. Hún hefur starfað hjá Reitum í átján ár sem viðskiptastjóri með áherslu á leigusamninga í verslun, einkum í Kringlunni. 

Vistaskipti Kringlan Verslun


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið